جماعه معايا اختي كان في واحد بيشتغل معانا ف كان اكبر منها بحوالي ٣ سنين ف حبته اووي ف حصلت مشاكل بين اهلي ومع الولد لانه اختي الكبيره بتساعد بابا ف الشغل بتاعه والولد دا كان بيغير منها اووي ف المهم اختي بقيت تيجي دايما ف صفه وبقيت تكدب علينا ف ظل انها كانت ونعم التربيه والله وبقيت تكرهنا وتحبه هو وكانت بتسرق فلوس مننا وبتديها له وكله يحكي ليها انه وحش وانه مش كويس مش مصدقه حد وكل ما نجيب الولد ونقوله اكتب كتب الكتاب عليها يخلع بحجه وميردش ونقولها شوفتي اذاي مش رد اهو برضو تضحك علي نفسها وتطلعله اعذار وهي عارفه انه مش بيحبها بس هي بتضحك ع نفسها ومصدقه الكدبه.. اختي وصلت لمرحله غريبه اووي يجماعه والله الفكره بنتكلم معاها بهدوء وبندعمها بس برضو كل مره نكتشف انها بتسرق مننا وبرضو بتبعتله فلوس ناس كتير من اهلنا قالوا هو عامل ليها عمل وخصوصا انه اخوه بيفهم ف الحاجات دي وناس بتقول دي محتاجه علاج م الادمان.. تقترحوا اي 😞😞
فى البداية كده.حضرتك اخت صبورة ومتفهمه كل اللى اختك بتمر بيه من ظروف صعبه. اختك متعلقه تعلق مرضى بالشخص ده ولازم يكون فى حاجه كبيرة تشغل انتباهها وطاقتها بالتدريج للبعد عن الشخص ده خصوصا زى ما حضرتك ذكرتى أنه غير مناسب ليها على الاطلاق فى البداية حاولى دايما تكونى الداعم الأساسى ليها ده هيفدها جدا .ساعديها تتقرب من ربنا من صلاة لقراءة قران .. لو متاح مجال شغل أو كورسات خليها تدخله . المحيط العائلى خليها تندمج فيه سواء تجمعات عائليه أو كلام معاها فى موضوعات مختلفة. خليها تمارس رياضة أو تهتم بهواية أو حاجه بتحب تعملها ده هيساعدها جدا دايما كلميها عن نفسها بشكل إيجابي وأنها تستحق الافضل. لازم تساعديها بكل الطرق أنها تبعد عن الشخص ده بالتدريج لحد ما التعلق ده يختفى ممكن الموضوع يحتاج ل طبيب نفسى أو لايف كوتش إذا استلزم الامر الموضوع محتاج صبر وتفهم ومرونه فى التعامل واستخدام اكتر من طريقة والتفكير بهدوء. وتذكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر الأحد، ٣٠ يونيو ٢٠٢٤
انا مع كلام كوتش ياسمين جدا بس بالإضافة دا رايي الشخصي وومقصدش اي حاجة اتكلمي معاها بينك وبينها وحاولي تعرفي منها ممكن هو يكون مخوفها من حاجة وتساعديها
تم النشر الأربعاء، ١٧ يوليو ٢٠٢٤
السلام عليكم. انا هقول لك نصيحه ممكن تكون غريبه شويه؟ اختك محتاجه. شكل اكثر حزما في الامر ده. اعتقد ان انتم مريتوا بكل مراحل ان انتوا توجهوها وتفهموها ولكن هي محتاجه تشوف ههه افعال تقول فعلا انه انتم خايفين عليها لان موضوع اللي هو خلاص يعني اتجوزها وخلاص انتم كده موافقينها على ان هي تاذي نفسها فده مش صح خالص بالعكس هي محتاجه تشوف طول الوقت ان انتم مش موافقين على ده ده لازم يقف وان لازم يكون فيه يعني حدود عماله تتحط لها كل ما الموضوع يوسع مش نسيب الامور زي ما هي يعني لو هي بتكون لها تصرف. مالي يتوقف تعاملها خالص مع الفلوس ده بناء على ان انتوا اكتشفتوا ان هي بتاخذ فلوس وبتديها له طيب هي بدات بتشوف الولد ده وانتو رافضين ان هي تشوفوا خلاص يبقى احنا نبدا نعمل حدود لتحركاتها. ده ضروري جدا جدا ممكن يكون ده ناس هيكون عندها اراء ان ده يخليها ممكن تتصرف تصرف اكبر وبرضه تروح من وراكم وكل الكلام ده لكن ده لا يمنع انه ده هيثبت لها قدام نفسها ان انتم واقفين على الصح مهما كان وهتفضلوا رافضين للغلط مهما كانوا مش هتوافقوا عليه ابدا والا هي هتشوفوا ان هي في مرحله ان هي خلاص انا عرفت اقنعكوا بيه وده مش حقيقي. لازم تقفوا قدام الموضوع ده بكل حزن ايا كانت ممكن تكون الاسباب اللي مجهوله بالنسبه لكم هي اللي مخليها متعلقه بالولد ده هو طبعا ممكن يكون بس بمعسول الكلام بيشدها ناحيته خلينا نروح لاتجاه ثاني ان هي محتاجه تشوف نفس الاهتمام ونفس الحاجات اللطيفه العاطفيه الرومانسيه دي منكم انتم في البيت لو يعني ببساطه لو الولد ده بيعمل لها حركه رومانسيه بانه هو يجيب لها ورد فبابا يروح يجيب لها ورد لو الولد ده طول الوقت بيقول لها قد ايه هي جميله فكل اللي حواليها محتاجين يقولوا لها قد ايه هي جميله لو في اخ ولد. ياخدها ويقول لها تعالي انا عايزه اخرج انا وانت بس لوحدينا ونخرجها كانهم خارجين خروجه لطيفه الحاجات دي كلها بتفرق بتفرق جدا استمرارها وهتبدا هي تتشبع من اللي هي محتاجاه فما يبقاش الولد ده له نفس التاثير الكبير هيبقى سهل انه احنا بقى لما نيجي نفصلها عنه الموضوع يبقى سهل لكن تبقى قوه الوحيد المصدر بالنسبه لها الحنفيه اللي بتشرب منها وبعد كده نقول هنقطع عندك المايه طبعا هتتعامل مع الموضوع بدفاع شديد يعني. فدي نصيحتي ويعني اتمنى ان شاء الله انه قريب اختك تتخلص من الازمه دي وربنا يقوي.
تم النشر الثلاثاء، ٢ يوليو ٢٠٢٤
أولًا، أنا مقدرة جدًا مشاعركم والقلق اللي بتحسوا بيه على أختكم. الموضوع ده صعب، وبيحتاج لتعامل حذر وصبر كبير. هقولكم على كام خطوة ممكن تساعدكم في الموقف ده: التفاهم والتعاطف: حاولوا تتفهموا مشاعرها وأسبابها في التصرفات دي. هي دلوقتي بتحس بمشاعر قوية جدًا ناحية الشخص ده، ومحاولة مواجهتها بالحدة ممكن تزود التعلق ده بدل ما تقلله. تواصل مستمر: احرصوا على التواصل المفتوح والهادي معاها. كونوا جنبها واسمعوها بدون ما تحكموا عليها. الحوار المفتوح ممكن يخليها تبدأ تفكر في الأمور بشكل مختلف. دعم نفسي: من الأفضل تعرضوها على معالج نفسي متخصص، ممكن يكون في حاجة لفهم أعمق للأسباب اللي خليتها تتعلق بالشخص بالشكل ده، ومساعدة في تحريرها من التأثير السلبي. دعم من خارج العيلة: ممكن محاولة تدخل طرف ثالث تثق فيه، زي صديقة قريبة منها أو قريب مفيش بينه وبينها مشاكل. ده ممكن يساعد في تقديم نصائح مختلفة. التوجيه العملي: لما تتحدثوا معاها حاولوا تقدمولها أمثلة حقيقية عن تصرفات الشخص اللي هي شاكراه كويسة، وافتحوا عينيها على التناقضات في تصرفاته. منع الدعم المالي: حاولوا تخلوه صعب عليها الوصول للفلوس اللي بتديهاله. الحزم في النقطة دي مهم لمنعها من الاستمرار في إرسال الفلوس ليه. التثقيف على المشاعر والعلاقات: ممكن تستفيد من قراءة واستماع للمصادر اللي بتتكلم عن العلاقات الصحية وكيفية التعرف على العلاقات السامة. وفي النهاية، لازم تبقوا صبورين لأن الموضوع ممكن ياخد وقت ويحتاج مجهود كبير. أتمنى أنكم تقدروا تساعدوها تتخطى الأزمة دي وتخرج منها بشكل أفضل. 🌸
تم النشر الأحد، ٣٠ يونيو ٢٠٢٤
اتكلموا مع الولد و خليه يعاملها بطريقة مش أحسن حاجة اقصد مثلا يتاخر في الرد على الرسايل اوي ميهتمش بيها زي الاول و هكذا حاجات من دي و هي هتشوف الحاجات دي كتير قدامها ممكن تسيبه
تم النشر الاثنين، ١ يوليو ٢٠٢٤
لعرض السؤال في فدني اضغط هنا