كنت بحب واحدة واختلافنا واديت صحبي يكلمها علشان يرجعنا لي بعض راح كلمها هو وبقي يوحش صورتي قدامها ويقول عليا كلام وحش كتير وبيوحش صورتي قدامها وهما الاتنين مكملين علي نفس المنطق وانا مش عارف انام ونفسيتي مش كويسة خالص
هذه من الأساس علاقة قائمة على خطأ في خطأ بالطبع كليكما لم تكملا العشرين من العمر بعد وهي تتحدث معك من وراء اهلها لا خطبة ولا يحزنون وتسمون هذا حبًا يا صديقي هذه مشاعر وهمية، لا أساس لها من الصحة. وإن افترضت أنها حبًا فهل لك أن تخبرني أية مروءة تلك أو نخوة تجعلك تجعل صديقك يكلم فتاة من المفترض أنك تحبها؟! ثم ما نهاية هذا الحب برأيك؟ الزواج؟ فكر في كلامي جيدًا وكن على علم بأن كل فعل تفعله ستحاسب عليه أمام الله سبحانه وتعالى وحدك، وعلاقتك بالفتايات والحديث معهن دون رابط او رادع هو من الأمور المحرمة فانتبه
تم النشر الخميس، ١٨ مايو ٢٠٢٣
سيبها وبكره هتندم وترجعلك اما تكتشف الحقيقه سيبها للزمن هو يوريها وحاول تنساها و اشغل نفسك بأي حاجه الفتره ديه ربنا يهونها عليك والله متزعلش.
تم النشر الخميس، ١٨ مايو ٢٠٢٣
والله هى جات من عند ربنا ...عشان تعرف ان كلامك معاها ملوش لازمه طالما هى عندها استعداد تسمع لغيرك وتشوفك من خلاله وتعرف ان ده مش صاحب وان العلاقتين دول كانوا غلط فى حياتك صلى ركعتين شكر واحمد ربنا على تدابيره
تم النشر الثلاثاء، ٢٣ مايو ٢٠٢٣
حضرتك فكر كده بينك وبين نفسك .هل الموضوع من اوله لاخره كده يرضي ربنا هل لو قابلت النبي صلى الله عليه وسلم هتكون فخور بنفسك وهو فرحان بيك الاختلاط المحرم والتبسط في العلاقات بين الشباب والبنات اصاب المجتمع بامراض وافات وانحطاط في امور كثيرة اقطع علاقتك بيهم هم الاتنين ومتسمحش لنفسك بعد كده انك تدخل في اي علاقه من النوع ده لا تحت مسمى الصحوبيه ولا الزماله ولا الارتباط ولا اي حاجه من العك ده اوعى تفتكر ان ده حب بجد ده كله خواء عاطفي واهدار للمشاعر فيما لا يفيد خلي حياتك نظيفه واحرص فيها على ارضاء ربنا وابدا مع نفسك بدايه جديدة
تم النشر الثلاثاء، ٢٣ مايو ٢٠٢٣
طيب اول حاجه اقطع معاه. تاني حاجه اعمل محاولة اخيرة واحدة بس .. روح ليها وقولها على كل حاجه .. قولها الحقيقة انك دخلته علشان في الاساس يصلح ما بينكم وانه لو كان انسان كويس اساسا مكانش عمل اللي عمله، وباعني، هل تفتكري انه مش ممكن يبعيك انتي كمان بعدين. كل الكلمتين دول وامشي واقفل الباب ده نهائي ... لان الاتنين ميستاهلوش .. هو علشان خاين، وهي علشان بترمي ودانها لاي واحد وخلاص وعارفه انه صاحبك وقبلت وكلمته، ومقدرتش اي حاجه. ف هما الاتنين اساسا متفكرش فيهم .. وكويس ان ده حصل علشان تعرف الناس اللي حواليك مين بالظبط واحمد ربنا واقفل الباب ده نهائي. ولو مش عايز كمان تروح تقولها الكلمتين دول .. عادي لو مش عايز .. بس لازم تعرف ان ده كويس انه بان من الاول .. علشان يكشفلك ناس كتير في حياتك.
تم النشر الجمعة، ١٩ مايو ٢٠٢٣
لعرض السؤال في فدني اضغط هنا