السلام عليكم و رحمه الله .انا عندى صديقة دايما كان بيحصل بينا مشاكل و بيتخانق و كانت بتشتمنى مرات كنت برد و مرات لا و بعد فتره كانت بتيجى تصالحني و انا كنت بسامح بس اخر خناقه بينا هي عملت غلطات في الدين اولا انها قالت إنها مش عايزه تعرفنى تانى و هي علشان تقول كده لازم يكون ليها سبب شرعى ثانيا انها قالتلى ارجع الهدايا الي هي عطتهالى في عيد ميلادى و كمان شتمتني و عملت بلوك ف انا رجعت الهدايا مع واحده صحبتنا ليها و سبت ورقه نصحتها فيها و قلتلها انى هسلم بس لو شوفتها و ده علشان مكنش مهاجره ليها و اخد ذنوب . و هي دلوقتى عايزه تصالحني و انا رافضه و بقولها ان انا كده يعتبر صالحتك لانى هكلم عليكى و هي مصره و بتقول لا + ان دي مش اول مره تعمل معايا مواقف كتير وحشه و انا بصراحه نفسيتي تعبت بسببها بقيت بحس لما بكلمها بالكئابه و السلبيه و عدم الراحه و انا شايفه ان موقفي صح و افضل ثابته عليه .رايكو اعمل ايه
من الواضح انك شخصية جميلة و صبورة وعلشان كده تستحقي الافضل انك تخدي قرار انك تبعدي وتعتزلي ما يؤذيكي ده اكيد قرار في صالحك خصوصا أن الطرف الآخر ده اتسببلك في أذى نفسي اثر عليكى من الواضح أن الشخصية دى ما اضفتش ليكي حاجه اكتر من الوجع النفسي فكوني قوية وثابتة على موقفك حاولي تتجاهلي اى تصرف ممكن يأثر عليكي و ابدأي انك تكوني صداقات جديدة ده هيفرق معاكي كتير حاولي كمان تطوري من نفسك وتدعميها سواء بكورسات أو فى اى مجال حابه انك تزودي معلومات فيه حاولي انك تثقي بنفسك وتديها مساحتها فى التعبير عن رأيك وأفكارك ومشاعرك وافتكرى دايما أنك تاخدي قرار بالبعد عن شخص ممكن يأذيكي أو يأثر عليكي ويأخرك عن تحقيق هدفك اكيد القرار هيكون فى صالحك
تم النشر الجمعة، ٢٣ أغسطس ٢٠٢٤
عليكم السلام ورحمة الله وبركاته الآن هي على الأغلب لن تكف عن ملاحقتك، ولن يكون أفضل الحلول في القطيعة المفاجئة، بل تغيير ترتيبها في دائرة علاقاتك. يعني قولي لها تمام، لا أخاصمك، ولكن لا تقبلي هدايا منها، ولا تحتكي بها كما كان يحدث سابقًا. تحججي بمشاغلك. ولكن! اجعلي اسلوبك في الكلام خاليًا من الانفعال والعصبية، تعاملي بطبيعية جدًا: معذرة لن أستطيع مقابلتك يا وردة لدي بعض المشاغل التي تأخذ وقتي. ثانيًا، أكدي عليها أنك ستكونين هنا إذا احتاجت إليكِ. ثالثًا، يمكنك مقابلتها على فترات طويلة إذا شعرت أنك قادرة على ذلك نفسيًا.
تم النشر الجمعة، ٢٣ أغسطس ٢٠٢٤
بصي هي أهم حاجه صحتك النفسيه وراحتك يعني انتي حاولي كتير معاها وممكن يكون سبب رجعوها ليكي هو انها ملقتش صديقه بعدك تستحمل اسلوبها وطريقتها وكدا وكمان بصراحه ان تطلب استرجاع الهدايا فدا بردو برأي طريقه مش لايقه كصديق تعمل كدا حاول تهدي وتقعدي مع نفسك وتفكري كويس في كل حاجه حصلت بينكو من البدايه وهل انتي هتكوني بحاله كويس لو اتصالحتو او لا الأهم راحتك نفسيا بعد كل محاولاتك دي وانك تسامحيني قدام ربنا دا شئ كويس منك بردو وممكن تصالحوا ولو حابه ميكونش. العلاقه زي الاول ممكن تفهميها كدا وبتمنالك التوفيق دايما يارب
تم النشر الجمعة، ٢٣ أغسطس ٢٠٢٤
وعليكم السلام ورحمة الله. أختي، واضح إنك مريت بوقت صعب مع صديقتك، ومشاعر الكآبة والضغوطات اللي بتحسي بيها طبيعية جدًا بعد كل اللي حصل. من الواضح إنك حاولتي تداريها وتسامحيها كتير، لكن يبدو إنها ما كانت تقدّر ذلك. المهم دلوقتي هو صحتك النفسية وسعادتك. إذا بتحسي إنك تخلصتي منها، فهذا لمصلحتك. لما تكوني في علاقة مش صحية أو تسببلك الألم، من الطبيعي إنك تقولي "لا" وتجايبي انتباهك لنفسك. إذا قالت إنها عايزة تصالح، خليك صادقة مع نفسك. لو مش مرتاحة للعودة للعلاقة، فلا تضغطي على نفسك. ممكن تقولي لها إنك محتاجة وقت تفكري فيه وتحددي مشاعرك تجاهها. تأكدي دايمًا من إنك تحمي نفسك عاطفيًا، وحاولي تدوري على أصدقاء إيجابيين يدعموكي. الأمور هتتحسن مع الوقت، وخدي راحتك في اختيار الأشخاص اللي تحبيهم وتثق فيهم.
تم النشر الجمعة، ٢٣ أغسطس ٢٠٢٤
معلش دي صاحبة تتعب نفسيًا وعصبيًا أحسنلك تبعدي عنها مش عارفة أيه الصاحبة اللي تقعد تشتم صاحبتها كل شوية وتطالبها برد الهدايا في خناقة ، انتي ممكن لو مش عايزة تقاطعيها خالص تسلمي عليها وتسألي عنها فقط بس متخليش علاقتك مقربة منها ، هو أحتمال يكون سنكوا صغير أنا معرفش فعلشان كدة صاحبتك دي تصرفاتها مش واعية شوية منغير قصد ولكن في كل الأحوال أنتي لو مش مرتاحة ممكن متخليش علاقتك معاها قريبة أوي ويبقى كلام بسيط ما بينكوا
تم النشر الجمعة، ٢٣ أغسطس ٢٠٢٤
من الاخر صحبتك صاحبه مزيفه هيا لو صحبتك بجد مش هتشتمك مش هتقولك هاتي هديه هتعتذر بعد ما تغلط علي طول بشرط ان الغلط يكون بسيط وانتي هتكبري وتشوفي اصحاب احسن منها
تم النشر الجمعة، ٢٣ أغسطس ٢٠٢٤
لعرض السؤال في فدني اضغط هنا