انا طالبة في تالتة ثانوي بدأت السنة وانا مش مستعدة خالص ولا كان عندي حماس البدايات حتى وطبعا دي سنة مهمه في حياة اي طالب وضغط الاهالي والضغط النفسي الي كنت فيه وصلوني لمرحلة اني معنديش شغف للمذاكرة
بهرب من الواقع بإني انام كتير وروح دروسي بالعافية واسرح كتير والتفكير الكتير وأنا مش عارفة اتعامل ازاي
السنة دي مهمه اوي فرصة هندم عليه لأنه عندي حلم بس انا مش كويسة خالص انا مدمرة نفسيا بتعب كتير وبيجلي ضيق تنفس من نفسيتي والتوتر
نص السنة عدي نفسي افوق بقا علشان اعرف اعوض وأفوق لمستقبلي وأهلي اللي حاطين املهم فيا واكبر مشكلة بواجهها النوم كتير بجد عايزة حل سمعت نصايح كتير اللي قال قربي من ربنا وصلي بنتظم وبرجع تاني واللي قال منشطات
بص يا صديقي أو صديقتي أنا إجابتي هتكون بصفتي شخص كنت مجرب الموقف من تلات سنين. ~ اسمح لي أسألك أنت ليه مكبر الموضوع عن حجمه ؟ احنا بنخاف امتا في رأيك احنا بنخاف لما نقول اننا خايفين فمجرد ذكرك للكلمة معناه أنك سمحت للشعور ده انه يسيطر عليك فالكلمة دي لا تقوليها أبدا بعد كدا. أنا مبطل استماع للأفلام والمسلسلات وغيره قبل الإمتحانات بشهرين لكي أن تتخيلي😂 بس صراحة لما بمسك الكتاب أذاكر مسيبهوش غير لما يخلص اللي عليه وبعدين أقوم ألعب أعمل أي حاجة بعد كدا أنا والله ما سهرت مرة في الثانوية العامة والله برده كنت بجيب درجات زي اللي دخل طب وأعلى والله . طيب بالنسبة لمصدر التحفيز المذاكرة ما فيها تحفيز الصراحة بس انا كان تحفيزي وحماستي لما أشوف اللي قدامي بيجاوب، بيجيب أعلى مني ساعتها ده بيخليني 😾😾😾😠😠😠 فعشان اعلي عليه مفيش حل غير باستخدام المذاكرة، حاولت صراحة كل ما طريقتي في المذاكرة تفشل أحاول تاني مرة واتنين وتلاته لحد الحمدلله ما عرفت أكون في مستوى وأعلى من الطلاب اللي معايا. أنا الحمدلله على كل حال حصلت معايا ظروف صعبة خالص في البيت قبل وأثناء فترة الإمتحانات أثرت علي ودخلت بيطري. دي كان اللي حصل معايا دي كان دوري وخلص ده دلواتي دورك كل اللي أعلى منك مش أحسن منك في حاجة دي لعبتك وزي ما بدأتيها انهيها يا بطل 💯💪 اتعبي والله هتلاقي، معلش رغيت ياما بس مش مهم كله فداك أتمنى يكون كلامي فرق مع أي حد 😁
تم النشر الجمعة، ٣١ يناير ٢٠٢٥
السلام عليكم، عادي خالص إذا مكنش فيه حماس البدايات والوقت لسه مفاتش على فكرة. بس المهم دلوقتي تسألي نفسك، هل القلق والضغط النفسي هيوصلك لحاجة؟ بالعكس زي ما أنتِ شايفة خلاكِ تتهربي من الواقع بالنوم وتفقدي أي شغف للدراسة. قلقك على توقعات أهلك وإنهم واضعين أملهم فيكِ مش هيخليكِ تنجحي وتوصلي لتوقعاتهم، هيقيدك أكتر للأسف. فالحل، تقعدي مع نفسك وتفرغي عقلك على الورق.. اكتبي كل حاجة مضايقاكِ وكل حاجة عاوزة تعمليها خلال الفترة الجاية... إيه المشاكل اللي بتواجهك حاليًا وإيه الحلول اللي ممكن تعمليها. رتبي أفكارك وبرمجي عقلك من جديد على شوية أفكار واسألئ نفسك، ليه بتذاكري وليه السنة دي مهمة بالنسبة لك؟ إيه نيتك من النجاح؟ إيه تعريف النجاح أصلا بالنسبة لك؟ هل شايفة الثانوية العامة فعلا سنة مصيرية فعلا زي ما الناس بتقول ولا سنة مهمة لكن مصيرك مش هيوقف عليها؟ إيه أسوأ حاجة ممكن تحصل لو لا قدر الله متفوقتيش في امتحاناتك؟ هل هي نهاية العالم؟ ** بالاستعانة بالله كل مشكلة بتتحل. تجديد النية من الدراسة وتعريفك للنجاح. فهمك إن الثانوية العامة مش هي اللي هتحدد مصيرك في الحياة ولا مقدار نجاحك. الوقت كافي إنك مع التنظيم والاستمرارية تقدري تخلصي المواد وتراجعيها وتحلي كويس في الامتحانات دول كم فكرة كده لازم تثبتيهم عشان تقدري تتخلصي من القلق والضغط تجاه المذاكرة، لأن طول ما نفسك وعقلك حاسين بضغط طول ما هتسوفي وهتتهربي من المذاكرة. ** بلاش منشطات خالص لأن هتأثر على صحتك ولها آثار جانبية وكمان طول ما نظامك ونومك مش متظبط مش هتكوني مركزة وانتِ بتذاكري حتى لو أخدتِ منشطات. ** أنصحكِ تشوفي النصائح اللي موجودة على فدني بخصوص المذاكرة زي مثلا السؤالين دول والأسئلة ذات الصلة بالتوفيق إن شاء الله https://www.fedni.net/q/31052343/ماذا-أفعل-مع-تراكم-المواد-الدراسة https://www.fedni.net/q/14058993/كيف-أستطيع-التحكم-في-نفسي-وأنضبط
تم النشر الخميس، ٣٠ يناير ٢٠٢٥
أختي العزيزة، أشعر بمعاناتك وأتفهم الضغوط التي تواجهينها، خاصة في هذه المرحلة المهمة من حياتك. أولًا، يجب أن ندرك أن فقدان الشغف للدراسة والشعور بالتوتر والاكتئاب من الأمور التي يمكن أن تحدث مع العديد من الطلاب، خصوصًا في السنوات الدراسية الحرجة. إليك بعض النصائح التي قد تساعدك على التغلب على هذه المشاعر: التركيز على الأهداف : ذكّري نفسك دائمًا بالأسباب التي دفعتك للطموح وبدء الدراسة. إذا كان لديك حلم تسعين لتحقيقه، أكتبي هذا الحلم في مكان تراه يوميًا لتشجيع نفسك. خطط دراسية مرنة : حاولي وضع خطة دراسية تناسبك، ولا تضغطي على نفسك كثيرًا. قسمي المواد إلى أجزاء صغيرة واجعلي لك جدولاً زمنيًا يتيح لك الدراسة ببطء وبفعالية. تخصيص وقت لنفسك : من المهم جدولة بعض الأوقات للراحة والنشاطات التي تحبينها. التوازن بين الدراسة والراحة يساعدك على استعادة الطاقة والتحفيز. استعيذي بالله : قربي من الله من خلال الصلاة والدعاء. الإيمان هو مصدر قوة كبير، وطلبك للعون من الله قد يساعدك على تجاوز الكبوات النفسية. التحدث مع شخص موثوق : يمكنك التحدث مع معلم، مستشار، أو حتى صديق، لتشارك مشاعرك وطلب الدعم. أحيانًا مجرد التحدث يمكن أن يساعد كثيرًا. تجنب السهر : حاولي تنظيم مواعيد نومك بشكل صحي وتجنب السهر. النوم الجيد ضروري لصحتك النفسية والعقلية. إذا استمرت مشاعرك السلبية أو زادت، لا تترددي في طلب المساعدة من مختص نفسي. فهم مشاعرك والتعامل معها بشكل صحيح سيساعدك على الشعور بتحسن. أنت لست وحدك في هذه الرحلة، واهتمام الأهل بك يعكس محبتهم ورغبتهم في الأفضل لك. أتمنى لك التوفيق والنجاح.
تم النشر الخميس، ٣٠ يناير ٢٠٢٥
1 انتي ممكن تصلي وتقولي اللهم عني اللهم ارني عجائب قدرتك على تحقيق حلمي اللهم لا تبتليني في دراستي 2 ممكن تعملي لنفسك منبه وتلتزمي بيه هصحي هعمل كذا وكذا شوفي انتي بتحبي تعملي ايه وكافئي نفسك بالحاجه دي بعد ما تحسي انك انجزتي اللي كنتي محدداه 3 ممكن تطلبي من أهلك أنهم يقللوا من الضغط عليكي وفهميهم أن الضغط الزائد عليكي بيسببلك تعب وخوف وان كل حاجه بايد ربنا انتي ما فيش في ايدك غير الاجتهاد والمثابرة والصبر وباذن الله كل مشاكلك تتحل
تم النشر السبت، ١ فبراير ٢٠٢٥
انا كمان وزهقت، حرفيا نفس اللى بيحصل معايا، بس انا مش قادره انام من تأنيب الضمير، انا برضو ٣ث
تم النشر الجمعة، ٣١ يناير ٢٠٢٥
بص حط هدفك قدامك وانت قدها يبطل كمل احنا في ضهرك ❤️💪
تم النشر الجمعة، ٣١ يناير ٢٠٢٥
بص مهما حصل لسه قدامك فرصه كبيره أن تلحق نفسك و بما انك اتكلمت انك مقصر و عارف خطورة الموضوع دا شئ كويس جدا حاول تجبر نفسك انك تذاكر و تجتهد و ربنا مش هيضيع تعبك اكيد + حاول تسمع اي حاجه عن دعم النفس أو النجاح اسمع كتير و اتخيل نفسك اقعد مع والدتك لو موجوده كل دا هيخفف عليك تعبك و حاول تبدأ و توكل ع الله
تم النشر الخميس، ٣٠ يناير ٢٠٢٥
لعرض السؤال في فدني اضغط هنا