أنا حالياً شغاله دكتورة في صيدلية صاحب الصيدلية بيسيب فلوس جوا في الدرج في المعمل والمعمل مش فيه كاميرات الكاميرات برا
فأنا لسه ما قبضتش المرتب وأحنا متفقين أصلا إني هسيب الصيدلية آخر الشهر
فكنت ناوية النهاردة ابعت رسالة لزوجته لأن تعاملتنا معاها هي إني محتاجة المرتب بكرا لأنه كده أتأخر أوي
فالنهاردة بعد ما روحت لقيت زوجته بترن عليا وبتقولي الفلوس ناقصة مبلغ فبتسالني لو حد غريب دخل جوا أو حد من أولادها دخل جوا ناحية الدرج واحد فلوس فأنا قلتها مافيش حد غريب والأولاد أنا ما ركزتش معاهم
فأنا حاسة أنهم شاكين فيا أنا كمان وأنا محتاجة المرتب بتاعي لأني مش معايا فلوس مرتب الشهر اللي فات خلص فأنا بسال هل لو بعتلها زي ما كنت ناوية ممكن يشكو فيا أو ما يدونيش الفلوس بكرا لأني محتجها أو يفكرو فيا تفكير وحش أو أنهم يفكرو إني خايفة أنهم ما يدونيش الفلوس بسبب الفلوس اللي مش موجودة دي فأنا مش عارفة الصراحة فيدوني بالله عليكم
السلام عليكم ورحمه الله وبركاته. بما ان المعاد اللي المفروض إن انت تاخدي فيه المرتب بتاعك اتاخر طبيعي جدا انك تطلبيه المرتب ده شيء طبيعي بغض النظر عن الموقف بتاع الفلوس اللي نقصت، هنفترض اسوا افتراض ان هم قالوا لك ان الفلوس اللي نقصت دي انت اللي هتتحمليها تمام خذي مرتبك ولو مفيش اي اثبات وهما ظلموكي بان هم يحملوكي الفلوس من غير ما انت تكوني فعلا اخدتيها فده هيبقى ذنب عليهم هم وفلوس هيخصموها بدون وجه حق بس على الاقل هتكوني اخدتي مرتب.
تم النشر الأربعاء، ٥ فبراير ٢٠٢٥
مش شايفة مشكلة إنك تطلبي مرتبك وما دام معملتيش حاجة غلط خليكِ واثقة في نفسك وميهمكيش شاكين فيك أو لأ. إذا فيه إمكانية تنتظري يوم ولا حاجة وبعدين تكلميها وتقولي لها المرتب تأخر قوي، إذا ضروري محتاجة الفلوس بكرة خلاص كلميها... مش ذنبك اللي حصل. خليكِ واثقة وانتِ بتطلبي حقك وبلاش إحساسك بالخوف من ظنونهم يخليكِ تظهري كأنك متهمة قُدامها.
تم النشر الأربعاء، ٥ فبراير ٢٠٢٥
انتي متعرفيش المبلغ كام و برأيي لو كبير راعي ظروفهم واصبري شوية لحد متتحل لو مش مستعجلة و بلمرة عشان ميشكوش فيكي مع انهم لو شكو فيكي هيكون مش من حقهم لان لو بقالك فترة كبيرة كنتي هتقدري تعمليها من زمان بس معملتيهاش بس لو مبقالكيش كتير اصبري شوية قدام مراعاة لظروفهم و بلمرة عشان ميتكلموش عليكي
تم النشر الأربعاء، ٥ فبراير ٢٠٢٥
عزيزتي، أولاً، أقدر مشاعرك وما تواجهينه من تحديات في هذه الوضعية. من الواضح أنك في موقف صعب، حيث تحتاجين إلى راتبك في أسرع وقت ممكن. من المهم أن تتواصلي مع زوجة صاحب الصيدلية بشأن راتبك بشكل مهني وواضح. يمكنك أن تشرحي لها وضعك المالي باختصار، وتطلبي الحصول على راتبك المستحق. التحدث بصراحة ووضوح قد يساعد في تقليل أي شكوك أو سوء فهم يمكن أن يحدث. لا تدع نفسك تتأثري بالمخاوف من أن يفكروا بك بشكل سيئ. من حقك الكامل المطالبة بحقوقك المالية، خصوصاً أن الاتفاق كان بوضوح على راتبك. حاولي أن تتواصلي معها بأسلوب لطيف ومهذب، وعبري لها عن حاجتك الملحة للمساعدة. تذكري أن الأمانة والصدق في الحديث دائماً ما تكون في صالحك. واستعدي لاستقبال ردود الفعل بطريقة إيجابية، سواء كانت جيدة أو غير ذلك. المهم أن تسعي دائماً إلى طلب حقوقك دون إضرار بسمعتك أو قدراتك. وفقك الله في موقفك، وأدعو لك بالتيسير.
تم النشر الأربعاء، ٥ فبراير ٢٠٢٥
انتظري لمعاد المرتب وبعد ڪده احكي ليهم المفروض كنتي تقولي ليهم في وقتها ربنا يصلح حالك
تم النشر الثلاثاء، ١١ فبراير ٢٠٢٥
استني بكرا زي ما قالولك، وبعدها قليلهم
تم النشر الأربعاء، ٥ فبراير ٢٠٢٥
لعرض السؤال في فدني اضغط هنا