ليه معندناش شغف لاي حاجه في سن المفروض فيه غير كدا
ممكن علشان ف حاجات واجهتك محدش غيرك واجهها فوق سنك؟ او ساعات ف مرحله كد بتيجي ع الواحد انو بيبق فاقد الشغف انو يعمل اي حاجه ودي بتبق فترات
تم النشر الثلاثاء، ٢٥ يوليو ٢٠٢٣
عشان فاهمين كلمة شغف غلط بس وباصيين على نماذج استثنائية ومش عارفين نركز على نفسنا وبس والمشتتات كتييير
تم النشر الاثنين، ٢٤ يوليو ٢٠٢٣
للأسف في الفترة الأخيرة كلمة الشغف تكرر كثيرًا بين الشباب بدون دراية ومعنى لهذه الكلمة. هو هل الشغف هيجي لوحده بدون ما نسعى للخوض في تجارب مختلفة ومتنوعة؟ طيب كام مرة كنت معندكش طاقة انك تكمل شيء معين، أو حتى تخرج خروجة معينة، وبعد ما خلصت الشئ ده بقيت مبسوط أو على الأقل فيه طاقة. خلاصة كلامي إن الطاقة أو الحافزية اللي انت محتاجها مش هتيجي من فراغ، مش هتيجي واحنا قاعدين ومستنين، هتيجي بالعمل. الشغف والحماس ما هما إلا الدافعية الاولى لعمل شئ معين. يعني هو مفيش شخص متحمس علطول؟ لا مفيش شخص متحمس علطول. طيب ليه؟ لأن ده ضد اساسا الطبيعة الإنسانية. ازاي يعني؟ يعني هو انت مش عندك مشاعر الحب والكره والغضب والفرح والحزن .. انت ممكن تتعرض للحاجات ديه على مدار اليوم مثلا .. في كذا موقف ... يبقى ازاي عايز الحماس يفضل معاك؟ ازاي عايزه يمتلك كل ايامك. انت عارف ايه اللي بيفضل معاك؟ وايه اللي بيخلي الواحد يكمل؟ هي المسؤولية والالتزام .. التزامك بالشيء ده او الهدف المراد الوصول اليه يجعلك أن تستمر فيه .. لأن انت عارف العواقب اللي هتحصل لو ما استمريت فيه. عارف كويس مثلا أنك لو مذاكرتش لإمتحان بكره ف انت مش هتنجح. عارف كويس انك لو مدربتش كويس علشان البطولة يبقى مش هتكسب. ده اسمه التزام ومسؤولية اتجاه الشئ اللي انت عايزه. فالشغف ما هو إلا الدافعية الاولى ولكن الشغف مش هينفع هو اللي يقوم بدور القهوة ف أنك تفضل منتبه لو مش عايز تنام دلوقت. انزل أرض الواقع، جرب حاجات جديدة واتعلم حاجات جديدة، صدقني احنا عمرنا ما هنعرف الصح ده صح ولا غلط، أو مناسب أو غير مناسب غير لما نجرب، على ما اعتقد انت محتاج انك تتعرف كمان على نفسك من جديد. محتاج تقدر نفسك أكثر من ذلك، وجودك مهم، وله غاية، قدرها واعطيها الاحترام اللازم. لا تنجرف وراء مسميات السوشيال ميديا، وانت متأخر، والسعي، الخ... كل واحد له حكايته الخاصة به، اصنع حكايتك، واعرف نفسك اكتر.
تم النشر الثلاثاء، ٢٥ يوليو ٢٠٢٣
فقدان الشغف فترة بتيجي في حياتنا بس مش لازم نسبها تأثر على حياتنا بطريقة سلبية إن شاءلله تعدي الفترة دي
تم النشر الثلاثاء، ٢٥ يوليو ٢٠٢٣
ان شاء الله يرجعلك الشغف ان شاء الله باذن الله تعالى
تم النشر الاثنين، ٢٤ يوليو ٢٠٢٣
و انا برضو وصلت للمرحلة ديه للأسف بس غالبا بتيجي للمراهقين لأننا محتاجين حد يكون جنبنا و يدعمنا و للأسف الاهل مش بيفكروا بالطريقة ديه
تم النشر الاثنين، ٢٤ يوليو ٢٠٢٣
اتوقع الخيارين انو في ناس بسبب الاكتئاب وفي ناس تعتقد انو في اكتئاب لكن في الأصل النفسية
تم النشر الاثنين، ٢٤ يوليو ٢٠٢٣
لعرض السؤال في فدني اضغط هنا