عندي سؤال
اعمل اي من كلام والدي الجارح ليا زي مثلا انه كل شويه يحسسني اني عاله عليه أو يقولي امتي واغور من البيت بقا والكلام دا.
انا كنت مخطوبه قبل كدا بس عشان انا مكنتش مرتاحه رفضت الشخص دا واهلي كانو متمسكين بيه جدا وانا مكنش عندي قبول له
انا قلبي بيوجعني اووي وحساسه جدا وبالاخص لما بسمع كلام والدي الي يقول مش كانت وافقت ع العريس وغارت بقا مش عارف هتفضلو في البيت لحد امتى امشو بقا خلينا نشوف غيرها من أخواتها قصدها عليا لان اختي الي بعدي 21 سنه مخطوبه ربنا يتتم لها ع خير يارب َالباقي لسه صغير
احنا خمس بنات وانا الكبيره عمري 23 و نص تقريبا امي كل شويه تجبلي سيره خطيبي الي سبته تحسسني بالندم ع اني رفضته وقتها ببقى قلبي وجعني اووي ببقي عايزه امشي من البيت بس مش عارفه اروح فين
وكمان كل شويه يقولي انتي عليكي جن وعفاريت ويخدوني لكذا حد عشان يشوفوا انا رفضت العريس ليه برفض اصلا العرسان ليه والشيوخ بيقولوا ههي مش فيها حاجه بس لسه نصيبها مجاش وهما مش مصدقين مصممين اني ملبوسه
انهارده كان مفروض اخد شغل معين بس انا متردده فيه وببقي خايفه اخد خطوه ف أتراجع
ف بابا يقولي سيبك منها دا من الجن والعفاريت الي فيها
اتصرف ازاي انا تعبت
متقبليه انت عملتي صح جدا جدا تاني حاجه اوعي تتقبلي حد انت مش عايزاه تماما مهما كانت الضغوط عليك اوعي تهربي من بيت ابوك عشان متضايقه منه وعشان خاطر عندك ضغوط في بيت والدك تروحي لنار تانيه باي سوا وسيله لان كل اغلب الجوازات بلاش اعمم اغلب الجوازات اللي بتهرب من بيت اهلها وتروح لاي عريس يتقدم تبقى جوازه فاشله في الغالب ممكن اقول لك 95 او اكتر من 95% الجوازه بتبقى فاشله اشتغلي انزلي ما تقبليش شغلك انزلي اشتغلي في اي حته تشجعي عليك بالقران عشان اثبتي لهم. يعني عفاريت ولا ولا جن ولا اي حاجه امسكي القران واقرفيه اللي عليه عفريت ما لوش دعوه بالقران ما فيش حاجه اسمها عفاريت اقري قران وارجو ربنا يرزقك بالزوج الصالح اللي يحميكي ويصونك غير كده ما تتجوزيش.
تم النشر الأربعاء، ٨ مايو ٢٠٢٤
بصي اهلك اكيد بيحبوكي ونفسهم يفرحو بيكي اظن 23 سنه كافي انك تبقي عاقله وهاديه وصابره انا برئي بدل ماتحبطي نفسك اقبلي الشغل اشغلي وقتك وطوري من وقتك وقولي لأهلك انك حاطه سن معين للجواز دا لو بترفضي بسبب صغر سنك سنك صغير مش الي هو كبيره عشان يستعجلو كدا حاولي متخطلتيش الفتره دي ب اهلك وسايريهم واهم حاجه عامليهم ب احسن حاجه عندك يمكن اختبار من ربنا بيشوف مدا صبرك اصبري وادعي ربنا يهديهم وان شاء الله ربنا يرزقك ب ابن الحلال الي يستاهلك
تم النشر الأحد، ٥ مايو ٢٠٢٤
عموما اوقات بتكون القسوه حب وقسوه الكلام خوف وحب حتي الأفعال ال ممكن متعجبكيش اوقات بتكون في صالحك وباباكي بيكون عايز ليكي الخير وخايف عليكي وتفكيره فيكي كتير ورغم قسوته دي مش هتلاقي حد يحبك قده لأن الدنيا صعبه ومشاكلها كتير والمعناه كتيره كتر خيره طبعا، بالنسبه ان معاملته صعبه حاولي تتكلمي معاه ووتقوليله سبب معارضتك وتفكيرك وال انتي عيزاه وتعبريله عن حبك ليه وحاولي انك تشاركيه ال انتي عايزه تعمليه وال نفسك تعمليه عشان ميفكرش خارج النطاق الطبيعي والمعقول.
تم النشر السبت، ٤ مايو ٢٠٢٤
لا حول ولا قوة إلا بالله ربنا معاكي و متزعليش نفسك هو اكيد مضغوط عشان 5 بنات ربنا يبارك فيكوا و واكيد هو نفسه يفرح بيكي اكتر منك اصلا حاولي تتجنبيه بس و ادعي ان ربنا يرزقك ابن الحلال
تم النشر السبت، ٤ مايو ٢٠٢٤
متزعليش نفسك اكيد لسه نصيبك مجاش وربنا هايرزق بالتتمنيه ممكن يكون بباكى بيقول كدا زيادة الحمل عليه او مثلا عاوز يطمن عليكو بس مش بيعبر بكدة بتقلب بكلام بيجرح ابدأ خدى خطوة الشغل دى هاتفرق معاكى تشغلي وقتك وتلهيكى عن كلام شويه ومتخليش كلمهم يخلوكى توافقي بأى حد علشان يسكتو خليكى عند قرارك لما تلاقى الشخص المناسب إلى ترتاحي لى وصلى هتلاقى نفسك ارتحتى بجد ربنا معاكى ويوفقك
تم النشر الجمعة، ٣ مايو ٢٠٢٤
طب خلينا نشوف كده يعني هو بابا دايما كلامه بيبقى كده ولا في الموضوع ده بالذات الكلام بيكون بالطريقه السيئه دي.يعني خلينا نشوف مساله. السن مثلا هي بتبقى في القرى الموضوع مختلف عن المدينه ولسه لحد دلوقتي بيفرق معهم ان بعد ما البنت تعدي عشرين سنه 219 كمان يعني بيبداوا يشوفوا ان هي كده خلاص في السن بتاع الجواز وكل ما تعدي سنه فدي مشكله فطبعا التفكير زي ده عدد زي دي بتخلي الوضع بالنسبه للاب والام وضع متوتر في كذا بنت. ممكن انهم متاخرين عن انجاز شيء مساله انك بتكوني متردده ممكن تكون دي مشكله بقى فيكي محتاجه تتاكدي عليه انك متردده تنقلي على مرحله تانيه متردده على انك تشتغلي متردده ممكن تكوني بس سبتي خطيبك الاولاني دي او اللي اتقدم لك عشان بس متردده انك تنقلي لمرحله الجواز والمسئوليه فركبي في النقطه دي مع نفسك لانه ورد تكون دي مشكله برده.
تم النشر السبت، ٤ مايو ٢٠٢٤
بصي حبيبتي معظم الآباء زى والدك بالظبط ده بيبقي من خوفه عليكم والفكر بتاع الارياف اللى بيحدد سن جواز البنت لحد الجامعة بعد كده بيبقي الموضوع صعب جدا للبنت واعرف حالات كتير حصلهم اكتر من كده الحل يا حبيبتي فى الشغل روحى وجربي واتعاملى وكملى دراسة لحد مايجيلك حد ترتاحى معاه والمهم انك لسه صغيره يعنى كل حاجة فى ايدك وربنا يوفقك
تم النشر الأحد، ١٢ مايو ٢٠٢٤
اقراي كتاب " انه من حقك يا اخي " للدكتور عبد الستار ابراهيم
تم النشر الأحد، ٥ مايو ٢٠٢٤
بزهق فيهم بيسكتو وبعدا بيفتح الموضع تاني معايا ويقعدو يقولو مش كنتي وافقتي دا كان محترم وكان ذوق وكريم وكان يتمنى يعملك اي حاجه وانتي مش هتلاقي زيه تاني خليكي انتي بتحبي النكد
تم النشر الأحد، ٥ مايو ٢٠٢٤
طالما مش مرتاحة للحاجة متعمليهاش وموضوع العريس لو اتفتح تاني قوليلهم مكنتش مرتاحة وكده نصيب واقفلي الموضوع وبالنسبة للشغل فا خدي الخطوة واكسري حاجز الخوف وفيما بعد لما يتقدملك عريس متوافقيش بس لمجرد رضا لباباكي اللي كل شوية يجرحك بكلامه استعدلي ف الجوازة واهم حاجه يكون كويس وتكوني انتي مرتاحة
تم النشر السبت، ٤ مايو ٢٠٢٤
العريس لو مفيهوش عيب فليه ترفضيه الا لو مش مرتحاله نفسيا
تم النشر السبت، ٤ مايو ٢٠٢٤
قوليلهم انك مترددة وزعقي وحسيسيهم انك فعلا مترددة مش عفاريت وكده
تم النشر السبت، ٤ مايو ٢٠٢٤
لعرض السؤال في فدني اضغط هنا