انا في حياتي شخص يعتبر مخطوبين خلاص وعن حب كبير جدا الحمد لله
عمره مافكر ف مرة يجيبلي هدية مع ان لمجرد انه قال انه عايز ساعة جبتله بعدها علطول نفس النوع اللي كان عايزه ولحد دلوقتي فرحان بيها جدا ومقدر كدا
وبردو كان قال انه نفسه في حاجة جبتهاله من غير تفكير
لكن عمر ماجابلي حاجة بجد وانا فعلا مش ببص لحاجة الحمد لله بس بردو ساعات ببقي عايزة احس انه مهتم وبيحاول يفرحني زي منا بعمل معاه
وهو بيكون معاه فلوس عادي وبيخرج مع صحابه ودايما يقولي وانا كنت جايلك كنت عايز اعدي اجيبلك حاجة بس مكنش في وقت او يتحجج بأي حاجة وانا بجد مش فاهمة دا بخل ولا ايه؟؟؟؟
ساعات ف وسط الكلام اقوله عايزه منك اي حاجة افتكرك بيها علطول حتي لو ورده الاقيه بردو كل كلامه كنت عايز اجيبلك ومش بيجيبلي اي حاجة
وجه في مرة كلمني في موضوع اننا نقسم الشيك في الكافيه وقالي بما اننا لسه مفيش بينا حاجة رسمي ف المفروض كل واحد يحاسب ع حاجته وهو دا والله ال بيكون في دماغي اعمله لما بنخرج بس هو بيضمم يدفع، واوقات كتير اوي يبعتلي صور حاجات ويقولي عايز دي او نفسي حد يجيبلي دي وانا وربنا ببقي هجيبهاله عشان افرحه بس بفتكر انه مش بيجيبلي حاجة خالص
مع العلم انه انسان محترم جدا وبيحبني ومش بخيل في حق نفسه خالص
السلام عليكم ورحمه الله اهلا بيكي الحب و العلاقات عموما بتستمر بالتبادل في المشاعر و حتي الاشياء الماديه. و اي شخص بيحب بجد هتلاقيه عاوز يسعد الشخص اللي معاه زي ما انتي بتعملي كدا ، يفكر ازاي يسعده حتي لو بأقل شئ زي ورده بسيطه ، شيكولاته و علي حسب قدرته الماليه، و حته تقسيم الشيك سوا , انتي شايفه دا سلوك عادي يصدر من راجل معاه خطيبته ؟ او حتي يتكلم في الأمور دي ؟ الراجل لازم يكون قوام و يصرف علي الست و شئ غريب أنه يطلب منك تجبيله هدايا او حاجات نفسه فيها المفروض العكس. حاولي تختبريه اكتر في انكم تخرجوا في مكان تكوني عارفه أنه من مقدرته يدفع اللي هتطلبيه، خروجه و اتنين و شوفي رد فعله , و ساعتها قرري بناءا علي رد فعله، لان البخل مميت ربنا يكتب لكي الخير تحياتي 🌹
تم النشر الاثنين، ١٠ يونيو ٢٠٢٤
يا حبيبتي، الموقف اللي انتي فيه مش سهل وبيحتاج شوية تفكير وتواصل واضح بينكو. من الواضح إنك بتحبيه وعاملة كل حاجة تسعديه، لكن محتاجة بردو تحسي إنه بيقدر جهدك ويبذل نفس المجهود المشترك في العلاقة. أول حاجة، دايمًا افهمي إن الناس مختلفين في طرق التعبير عن حبهم. ممكن شريكك بيحبك جدًا لكن تعبيره عن الحب بيجي بطرق مختلفة مش بالضرورة بالهدايا. ثاني حاجة، مهم تتكلمي معاه بصراحة. ممكن تقولي له إنك بتحبي الهدايا البسيطة وإنها بتخليكي تحسي بالاهتمام. قولي له إن الوردة أو الهدية الصغيرة ممكن تفرحك جداً. الأحسن إن الكلام يكون مباشر ومن غير لوم، يعني تعبري عن نفسك وعن مشاعرك بدون اتهام. بخصوص موضوع الفلوس والتقسم في الكافيه، ممكن تكون وجهة نظره احترام لمسؤولياتكو المالية دلوقتي. لكن لو دا بيضايقك، قولي له برضو إنك بتحسي براحة أكتر لما بيحسسك إنه عايز يعزمك من نفسه أو يقدم لك شيء. أهم حاجة، توصيلي له مشاعرك وتفهمي مشاعره وتلاقوا حلاً يرضي الطرفين. في الآخر، التواصل المفتوح والصريح ممكن يحل لكو كتير من المشاكل ويبني أساس أقوى للعلاقة. بالتوفيق وإني هنا لأي استفسار تاني! 🌸
تم النشر الأربعاء، ٥ يونيو ٢٠٢٤
احنا بينا علاقة رسمية ولكن بحكم شغلي وشغله بنشوف بعض برا كتير يادوب ساعة ونروح وهو متدين جدا وانا كمان وعارفين حدود علاقتنا كويس الحمدلله
تم النشر الأربعاء، ٥ يونيو ٢٠٢٤
لاحظي خروجك معه وحدكم من غير عقد رسمي بينكم سيجرك لكثير من المحظورات الشرعية وفيه تقليل كبير من قيمتك - ابدئي حياتك الزوجية بما يرضي الله لكي يبارك لك فيها
تم النشر الأربعاء، ٥ يونيو ٢٠٢٤
لعرض السؤال في فدني اضغط هنا