سمعت قبل كده حد بيقول ان الموت مبيستناش حد واننا لازم نقول لكل إلى احنا بنحبهم أننا بنحبهم فى الحقيقه الموضوع مش صعب بالنسبالي ده مستحيل انا اهلي ناس كويسه جدا ومحترمين ربونى وعلمونى وانا ف دايما فى خيرهم لكن موضوع المشاعر والكلام الحنين ده مكانش بيحصل افتكر لما امى كانت بتتشاكل معايا وانا صغيره وكانت بدل ما تيجي تتكلم معايا كانت بتحطلي الاكل زى انها بتصالحنى أو أنها عوزانى اطلع اقعد معاهم دايما الأفعال كانت هى الي بتثبت ليا أن اهلى كويسين بحب وجود العيد معاهم والاحتفالات لكن اخاف جدا من الكلام مبعرفش احضنهم ولا احضن حد عمتا بحس الحضن موضوع غريب جدا جدا حتى صحابي لما بيحضنونى ك نوع من أنواع السلام والمحبه بحس أن مش حابه كده وده مش عدم تقدير ليهم ولكن انا متعودتش علي الاحضان اخر مره امى حضنتنى مش فاكره امتى ولكن تقريبا فى ابتدائى أو إعدادى فى الحدود دى امى حد كويس جدا ولكن كانت محتاجه تعدل كام حاجه زى انها تعلمنى اكون صاحبتها أو أنها تديني نصايح أو انها تقولى كلام حلو اكتر حتى أما كانت بتتكلم عن شكلي انو حلو كانت بتحط وشها ف الأرض وتضحك وانا بحط وشي ف الأرض وانا بقول كلام زى كل سنه وانتى طيبه أو هكذا الي عاوزه اخد رأيكوا فيه أن موضوع الفراق قلقنى جدا ومش متخيله لحظه واحده ابعد فيها عنهم عشان كده بحاول اتعلم ازاى اقولهم بحبهم وهل لازم اقول ليهم ؟ ولا احاول اخلي افعالي هى الي تقول ؟
حاولي تدي المشاعر اللي انتي مفتقدة انك تديهالهم عودي نفسك على كلام يوضح محبتك و قوليه ليهم لحد ما تتعودي طبعا الأفعال مهمة بس الأفعال مينفعش تفرضيها على نفسك عكس الكلام
تم النشر الخميس، ٣٠ مايو ٢٠٢٤
النبي صلى الله عليه وسلم أنه قال: ( إذا أحب أحدكم أخاه في الله فليبين له، فإنه خير في الألفة و أبقى في المودة ) . فانك تقولي لحد انك بتحبي.ه في الله مش حاجه عيب ومفهاش كسوف غير كده دي وصية النبي يعني دي حاجه افضل ليكي لانها بتعزز علاقتك اكتر مع اهلك او اصحابك وكده.
تم النشر الاثنين، ٢٧ مايو ٢٠٢٤
السلام عليكم ورحمه الله وبركاته. انا عايزه اقول لك ان انت قمر قمر يعني بجد السؤال بتاعك ده كده مسكر. الموضوع ده مهم جدا جدا جدا وحلو جدا ان انت لما حد اتكلم عن فكره ان احنا محتاجين نعبر اللي بنحبهم عن حبنا ان الموضوع نور في دماغك وانك حابه انك فعلا تشتغلي عليه انها حاجه هتفرق معك انت قبل ما تفرق مع الاشخاص اللي انت هتعبري لهم. الوضع بتاعي انه يكونوا الاهل ما عندهمش برضو الوعي وما تعودوش هم كمان على كده فما بيعرفوش يعملوا ده وما حدش علمهم هم كمان فغصبا عنهم. احنا اللي نقدر نعوضهم عن اللي ناقصهم ده هم كمان بوعينا الاكبر شويه. عشان بقى نظبط الموضوع ده احنا محتاجين ناخده بالتدريج خالص خالص وهقول لك يعني على ابسط الطرق. هتتعودي تعملي حاجه لطيفه جدا الا وهي انك تكتبي رسايل عارفه بتاعه المكتب يا اما هتشتري واحده من المكتبه لان الملونه دي بتبقى جميله قوي وفي منها كمان على اشكال شكل قلب شكل نجمه او اشكال كتير هتقدري تخسري اشكال او بتعمليها بنفسك تجيبي ورق عادي وتعملي شكل قلبك تعمليه على يعني ايه حجم ورق صغيره اوكي وتبداي تخلقي العاده دي وتفرحي بها نفسك وتفرحي بيها البيت. اول حاجه هتخلي مامتك تصحى كل يوم الصبح على تبدا تتعود على انك كتبت في الورقه دي جمله حلوه جمله حلوه مشان تكون منك ولكن مثلا زي الجمل التحفيزيه اللي احنا ايه بنقراها ممكن تجيبي نماذج منها كثير جدا يعني من خلال البحث كده. كن جميلا ترى الكون جميلا ايه الانواع دي من الجمل هتتعودي تكتبي الجمل دي وتعملي واحده لك تعملي واحده مثلا لبابا لاخواتك لو عندك اخوات تعملي واحده لنفسك تتعودي كل يوم تعملي ده. في الاول الموضوع هتحسي انه يعني صعب جدا ولكن بالتعود هتبدئي انت نفسك تكوني بقت الجمل الحلوه دي عاديه بالنسبه لك ومش هتحسي منها ان هي شيء محرج. طيب بعد كده هنبدا بقى ننتقل من فكره الكوتش دي اللي احنا بنجيبها اونلاين ليه حاجه احنا عايزين نقولها عايزه اقول تسلم ايدك يا ماما على الاكل هكتبها لها في الورقه عايزه اقول لها. انت شكلك حلو النهارده شعرك حلو النهارده هكتبها في الورقه وهحطها لها هتعود احطها لماما في مكان محدد وبعد كده المرحله اللي بعديها ابدا اغير لها في المكان فهي تكون بتتفاجئ بها مره احطها لها على المرايه في الاوضه بتاعتها مره هحطها لها على التلاجه في المطبخ احطها وانا بعمل لها كوبايه شاي احطها لها على الصينيه مع كوبايه الشاي وهكذا بعد ما نخلص المرحله بتاعه الكتابه هقول لكم المرحله. المرحله اللي بعدها ان احنا هنلعب لعبه حلوه قوي نجمع نفسنا كلنا وكل واحد يبدا يكتب رسايل في ورق وبعدين اللخبط الورق ده وكل واحد ياخد ورقه ويختار حد يقرا عليه الورقه من غير ما يفتح الورقه لسه معه الورق مكتوب فيها ايه؟ اهم حاجه ان الجمل دي تكون جمل بتعبر عن حاجات حلوه لشخص عملها. او مميزات فيه فانت ممكن تاخدي ورقه تكون مكتوبه انه انت بتقول. صباح الخير حلوه. بشكل حلو مثلا فانت تقوليها تكوني بتقوليها لماما هتبداوا في لعبه دي هي طبعا هتبقى مش مقصوده وكل حاجه يبقى عارف الجمله دي كان مقفوله حد تاني اللعبه تكون لطيفه ولكن هيبدا نتعود بها ان احنا نكون بنوجه الكلام الحلو واحنا باصين لبعض مش واحنا باصين في الارض او شحنه مكسوفين ليه لان احنا بنلعب يعني اللعبه هتكسر الحاجز ده شويه. شويه بشويه هيبدا الموضوع يكون عادي. ونبدا ببساطه نوجه لبعض الكلام الحلو نقول شكرا قول تسلم ايدك انا بحب قوي الطريقه اللي انت بتتكلمي بها انا بحب قوي الطريقه اللي انت بتعمليه بها ده انا بحب قوي التصرف ده لما بتعمليه انا همدح التصرفات الاول وهمدح الصفات وبعد كده اقدر بكل بساطه اقول لشخص انا بحبك انا بحبك انت عشان كل الحاجات دي انا بحبك انت عشان الحاجات اللي فيك دي كلها. ان شاء الله ربنا يقدرك وتعملي ده واحنا معك لو انا صحيح تانيه.
تم النشر الاثنين، ٢٧ مايو ٢٠٢٤
فهمت موقفك وعارفة إنه مش سهل التحدّث عن المشاعر، خاصة لما بنكون متعودين إن الأفعال هي اللي تعبّر عن الحب والرعاية. لكن رؤيتي للأمور إن الإعراب عن المشاعر بالكلام ممكن يكون له تأثير كبير، حتى لو كان بالكلام القليل والتدريجي. 1. ابدأي بخطوات صغيرة: ما تلوميش نفسك على عدم الإرتياح في الكلام عن المشاعر. جربي تبدأي بكلمات بسيطة مثل "شكراً" أو "أنا مبسوطة إنك جنبي". ما لازم تكون حاجة كبيرة، كل خطوة صغيرة بتساعد. 2. استغلي لحظات خاصة: لما يكون مناسبة زي الأعياد أو الأوقات اللي بتشعري فيها بالحميمية، حاولي تعبري بجملة قصيرة زي "أنا بحبكم" أو "أنتوا أغلى حاجة في حياتي". 3. استخدمي الأفعال لدعم الكلام: مش لازم الكلام يكون هو الوسيلة الوحيدة. ممكن تستخدمي أفعالك لدعم الكلام. مثال: لو بتطبخي لهم أو بتجهزي لهم حاجة بيحبوها، قولي ببساطة "عملت ده عشان بحبكم". 4. حضّري نفسك قبل المناسبات: مثلاً، لو ناوية تقولي حاجة في مناسبة معينة، فكري مقدماً في الكلام اللي عايزة تقولي وكتبيها لو حبتي. ده ممكن يساعدك على التعبير بشكل أفضل. 5. تواصل بلغة الجسد: حتى لو كان الكلام صعب، ممكن تجربي تعبري بلغة الجسد زي النظر مباشرة أو الابتسام عند التحدث. 6. خدي وقتك: مهم تبطي وتهدي نفسك في التعبير عن مشاعرك. مع الوقت والممارسة هتلاقي الموضوع بيصبح أكثر سهولة. 7. شاركيهم مشاعرك بلطف: لما تلاقي الفرصة، جربي تتكلمي مع أهلك عن مشاعرك وشوفي ردّ فعلهم. ممكن تلاقي إنهم فاهمين ومقدّرين مشاعرك حتى لو مش بيظهروها بنفس الطريقة. فضلاً، فاكر إني دايماً هنا لدعمك لو احتجتي مساعدة إضافية أو نصحية. 💖
تم النشر الاثنين، ٢٧ مايو ٢٠٢٤
اخطلت بأناس اجتماعيين
تم النشر الخميس، ٣٠ مايو ٢٠٢٤
لعرض السؤال في فدني اضغط هنا