هل هناك من يساعدني في حل مشكلتي؟
انا كنت مخطوبه لمده 7 شهور وخطيبي كان كويس جدا معايا بس والدته بتعاني من الخوف وكل اما تكلمني تقولي كلام كتير يزعلني وانا اسكت واتحمل لان بحب خطيبي وهو له 3 اخوات بنات واخته الكبيره كانت متكبره وحطاني ف دماغها طول الخطوبه ومصممين انو انا ال اكلمهم دايما واتصل عليهم وخصل خلافات كتير طول الخطوبه مع اهل خطيبي وهو والده متوفي وهو مسافر مو موجود كل التعامل كان مع والدته واخواته وكانو بيوصلو كلام كذب عني لخطيبي مثلا يقولو له ان انا بعامل والدته وحش وانو انا بزعق لها والكلام دا كذب وافتراء وف الاخر خطيبي فركش الخطوبه وهو كان بيحبني جداا ووقفنا مع بعض كتير وكنا فاهمين بعض وقريبين جدا بس هو زهق من زن اهله وانا حاليا متدمره ونفسيتي تعبانه محتاجه اتخطي الموضوع دا ارجو المساعده وهل لو خطيبي رجع اوافق
الخطوبه اكتر فتره مهمه فى العلاقه وبيتكشف فيها حجات قدامنا ك نوع من التحذير من ربنا لينا عشان نكون واعيين اكتر وفاهمين حقيقه الموضوع الواضح أن خطيبك بيحبك ولكن الحب مش الشىء الوحيد للاسف فى الجواز العائله ليها تأثير كبير جدا في الجوازه للاسف وقدام هما بيعملوا معاكى كده فى فترة الخطوبه ما بالك بالجواز ؟ معلش لو كلامى غريب او مش متوقع والمفروض اقولك استحملى ولكن فعلا دى انذارات من ربنا لعدم اكمال الجوازه لأن انتى هتعيشي شايله فكرة أنه ممكن يتخانق مع اهلو بسببك مثلا او هكذا ف راجعى نفسك وابعدى عن العلاقه السامه دى ربنا يوفقك
تم النشر الأربعاء، ٧ أغسطس ٢٠٢٤
يا حبيبي، أول حاجة حابة أقولك إن ما فيش حاجة تستحق كل الألم ده. واضح إنك عشت فترة صعبة جدًا، وللأسف أحيانًا الأهل بيكون لهم تأثير كبير على العلاقات. في البداية، حاولي تهتمي بنفسك، وانتي قاعدة كده، ذكري نفسك بأنك تستاهلي الحب والاحترام. وبعد كده، حاولي تفكري في نقاط قوتك وحاجاتك الجميلة. ممكن تفكري إنو الخطوبة فشلت عشان كانت بسبب تدخلات الأهل، ومن الممكن يكون في عواطف حلوة بينكم، بس كمان العائلة بتلعب دور مهم جداً. إذا كان خطيبك فرط الخطوبة عشان أهله، فحاولي تتأكدي إذا كان هو قادراً على التصرف لو جت الفرصة مرة تانية. إذا مش قادر يا دوب يفصل بينكم وبين أهله، فعلى الأرجح هتتكرر نفس المشكلة. لو رجع بجد وتحسي أنه هو عايز يكمل بدون تدخلات أهله، وبعدما تكوني أنتِ جاهزة نفسياً، ساعتها تقدري تفكري في الأمر. لكن لا تنسي، الأهم هو صحتك النفسية، فلا تضغطي على نفسك. خدي وقتك، وفكري في الخطوات القادمة بعقلانية. لو احتجتي أي مساعدة أو كلام، أنا هنا معاك. 😊
تم النشر الأربعاء، ٧ أغسطس ٢٠٢٤
بصراحه موقف وحش منه جدا وممكن ترجعي ادام فعلا بتحبو بعض بس هو كان المفروص يحاول يحل اكتر واكتر ادام هو مسمسك بيكي وصلي استخاره وادعي كتير ان ربنا يلهمك الصبر
تم النشر الأربعاء، ٧ أغسطس ٢٠٢٤
بس هو مش المفروض العكس؟ يعني انتي الي تزهقي اصلا؟
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا