نظراً لصعوبة المعيشة وسعر الدولار الخزعبلي اللي حاصل فكرت كتير ازاي احسن من مستوي معيشتي وأكسب دخل بالدولار مباشرة فقررت اني هسيب شغل الشركات ونويت أبدأ شغل خاص بيا من البيت فمهما تعبت فيه وحتي لو ساعات العمل أكتر بس هيكون العائد بالكامل بتاعي مهما بذلت من مجهود، وأقدر من خلاله أخلي مرتبي بالدولار مباشرة عشان فرق الأسعار الرهيب اللي حاصل فقررت أني هشتري ديسك توب كمبيوتر بحيث تكون أمكانياته كويسه وسعره مناسب وقررت أني هتعلم البرمجة والتصميم!
فمنين أجيب جهاز كويس بسعر معقول وأيه أفضل كورسات ابدأ بيها سواء في البرمجة أو التصميم؟!
بالنسبة لشراء الجهاز لازم تاخد حد يكون عنده خبرة كبيرة في الأجهزة بالنسبة لتصميم الجرافيك من أفضل القنوات على اليوتيوب محمد خيال نور حمصي نور ديزاين بالنسبة للبرمجة أنا هاقولك على تجربتي الشخصية على مدار خمس سنوات كالآتي بحثت على جوجل و على يوتيوب بحث عميق و مكثف على مدار كذا شهر و الخلاصة : #كورس cs50 مش هو المناسب للتأسيس في البرمجة #لازم تبني أساس قوي للبرمجة هياخد معاك من سنة لسنة ونص &أفضل مصدر هو عبارة عن موقع Programming advices و كذلك قناته على اليوتيوب بنفس الاسم للمبرمج الخبير أ محمد هدهود27 خبرة حوالى 24 كورس تمشي فيهم بالترتيب رابط الموقع / https://programmingadvices.com/ رابط قناة اليوتيوب/ https://m.youtube.com/@ProgrammingAdvices بعد كده ياباشا انطلق مع أكاديمية الزيرو لمؤسسها أ أسامة الزيرو هتلاقي عنده مسارات تعلم كامله فرونت إند و باك إند و كمان تأسيس أفضل موقع و قناة يوتيوب لاحترافك تصميم و برمجة الويب لتصبح فل ستاك خبير محترم في المجال رابط الموقع / https://elzero.org/ رابط قناة اليوتيوب / https://m.youtube.com/@ElzeroWebSchool و ربنا يوفقك لما يحبه !يرضاه
تم النشر الثلاثاء، ٥ سبتمبر ٢٠٢٣
هتلاقي تجار على أولكس Olx عندهم أجهزة مستعملة وإن كان فيه حاليا لابتوبات قوية برضه بالنسبة للبرمجة تعلم React أو Vue أو Flutter وشوف الوظائف المعروضة في وظف ولنكد إن وإيه المطلوب فيها أكثر
تم النشر الثلاثاء، ٣١ يناير ٢٠٢٣
مول البستان تقدر تجيب حاجة من اللى جايه مستعمل من بره بتكون امكانياتها كويسة وسعرها معقول . ونصيحة بلاش فى ظل الظروف الحالية تسيب شغلك الثابت
تم النشر الاثنين، ٣٠ يناير ٢٠٢٣
لعرض السؤال في فدني اضغط هنا