مساء الخير
انا بنت عندي١٩ سنه كنت بحب ولد اكبر مني ب سنه و لينا ٤ سنين سوا هو من محافظه وانا من محافظه بعيده جداا عنه
فترة م حبينا بعد ب سنه كدا كنا بنكلم بعض فيديو كول (فيديو صوت وصورة) ومع مرور الوقت اتطورت العلاقه وبقينا نتكلم فيديو كول محرم
انا بجد عارفه ان كل حاجة عملتها غلط بجد
بالله عليكم انا مش محتاجه من حد ينتقدنى انا ندمنه ع كل وقت ضيعت في وقتي بسبب كدا وقطعت علاقتي بالشخص ده لانه مخترتش صح وفضلت اساله انت لو حد عمل كدا م اختك هتعمل اى قالي طبعا هقتلها قولتله امال ليه كنت بتعمل معايا كدا مقليش اجابة مقنعه ف قفلت و هزقته وبعدت عنه وتوبت
بس ممكن تنصحونى ب اى ارجوكم انا ع حافة الانتحار م كتر التفكير وخايفه من عقاب ربنا انا نويت ان اتوب وتوبت فعلا وهخلص امتحانات هنزل اعمال تطوعية بس هل ربنا ممكن يغفرلي؟
ربنا مفيش احن منه ولا ارحم منه والي حصل اهو حصل وكان لابد يحصل علشان نتعلم منه منزعلش بس ناخد بالنا بعد كدا وليه تنتحري اوع الفكرة دي وحشه كلنا بنغلط كلنا بلا استثناء بس نشكر ربنا ع الي فات انه فات وخلص ونفرح بالفرصه الجديده الي بيديهلنا كل يوم علشان نتوب ونصلي لبكرة انه يكون احسن ويعوضلنا الي فات ❤ ربنا بيحب الي هيتوب والي بيقدم توبه جدا ❤ متزعليش من نفسك خالص بس نصلي باستمرار علشان ميحصلش كدا تاني ربنا معاكي
تم النشر الأحد، ٢٢ يناير ٢٠٢٣
ربنا غفور رحيم وانتي ان شاءالله توبتك نصوحه ثقي ف ربنا وف مغفرته ليكي واعمل كل حاجه تكفر عن الذنب ده وانتي ربنا بيحبك وفوقك قبل متدخلي ف حجات اكتر من كده غلط .. اقرأي قرأن كتير وصلي واستغفري كل متفتكري الذنب ده استغفري وثقي ف لطف ربنا ورحمته بيكي ومتخليش الشيطان يشكك ف رحمه ربنا بيكي عشان يرجعك لطريق زي ده تاني واشجعك جدا تعملي اعمال تطوعيه وتلعبي رياضه وممكن انصحك تقرأي روايات تساعدك اكتر زي روايات دكتوره دعاء عبدالرحمن كلها جميله جدا اقرايهم هيساعدوكي يثبتوكي على طريقك ان شاءالله ربنا يكرمك ويباركلك يارب
تم النشر الأحد، ٢٢ يناير ٢٠٢٣
وما كان الله ليعذبهم وأنت فيهم وما كان الله معذبهم وهم يستغفرون اكي رربنا هيغفرلك ذنوبك وهيقبل توبتك
تم النشر الأحد، ٢٩ يناير ٢٠٢٣
باذن الله توبتك مقبولة ....شوفى كده دى اجابة ربنا على سؤالك. قل ياعبادي الذين أسرفوا على أنفسهم لا تقنطوا من رحمة الله إن - تفسير السعدي أسْرَفوا : تجاوَزوا الحدّ في المعاصي لا تـَـقـْـنـَـطوا : لا تيْـأسوا الذنوب جَميعا : إلاّ الشّرك التفسير: قل -أيها الرسول- لعبادي الذين تمادَوا في المعاصي، وأسرفوا على أنفسهم بإتيان ما تدعوهم إليه نفوسهم من الذنوب: لا تَيْئسوا من رحمة الله؛ لكثرة ذنوبكم، إن الله يغفر الذنوب جميعًا لمن تاب منها ورجع عنها مهما كانت، إنه هو الغفور لذنوب التائبين من عباده، الرحيم بهم. قل ياعبادي الذين أسرفوا على أنفسهم لا تقنطوا من رحمة الله إن - تفسير السعدي يخبر تعالى عباده المسرفين بسعة كرمه، ويحثهم على الإنابة قبل أن لا يمكنهم ذلك فقال: { قُلْ } يا أيها الرسول ومن قام مقامه من الدعاة لدين اللّه، مخبرا للعباد عن ربهم: { يَا عِبَادِيَ الَّذِينَ أَسْرَفُوا عَلَى أَنْفُسِهِمْ } باتباع ما تدعوهم إليه أنفسهم من الذنوب، والسعي في مساخط علام الغيوب.{ لَا تَقْنَطُوا مِنْ رَحْمَةِ اللَّهِ }- أي: لا تيأسوا منها، فتلقوا بأيديكم إلى التهلكة، وتقولوا قد كثرت ذنوبنا وتراكمت عيوبنا، فليس لها طريق يزيلها ولا سبيل يصرفها، فتبقون بسبب ذلك مصرين على العصيان، متزودين ما يغضب عليكم الرحمن، ولكن اعرفوا ربكم بأسمائه الدالة على كرمه وجوده، واعلموا أنه يغفر الذنوب جميعا من الشرك، والقتل، والزنا، والربا، والظلم، وغير ذلك من الذنوب الكبار والصغار. { إِنَّهُ هُوَ الْغَفُورُ الرَّحِيمُ }- أي: وصفه المغفرة والرحمة، وصفان لازمان ذاتيان، لا تنفك ذاته عنهما، ولم تزل آثارهما سارية في الوجود، مالئة للموجود،.تسح يداه من الخيرات آناء الليل والنهار، ويوالي النعم على العباد والفواضل في السر والجهار، والعطاء أحب إليه من المنع، والرحمة سبقت الغضب وغلبته، .ولكن لمغفرته ورحمته ونيلهما أسباب إن لم يأت بها العبد، فقد أغلق على نفسه باب الرحمة والمغفرة، أعظمها وأجلها، بل لا سبب لها غيره، الإنابة إلى اللّه تعالى بالتوبة النصوح، والدعاء والتضرع والتأله والتعبد،. فهلم إلى هذا السبب الأجل، والطريق الأعظم. تفسير الآية 53 - سورة الزمر
تم النشر الاثنين، ٢٣ يناير ٢٠٢٣
طبعا ربنا ممكن يغفرلك .. أهم حاجة انك تكوني مقتنعة بإنك كنتي على خطأ وانك متدخليش في علاقات مرة اخرى بالطريقة ديه. وربنا غفور رحيم .. طبعا هيغفر متخافيش .. اطمني وخلي بالك على نفسك، المهم دلوقت انك تشيلي حكاية الانتحار من دماغك .. لانك مش هتبقى عملتي حاجة، ليه تضيعي اخرتك وانتي بايدك تعملي دنيا كويسة واخرة كويسة. لو كان على التوبة ف انتي كده عملتي اللي عليكي .. وتوبتي الباقي بقى عليكي .. قربي من ربنا وخلي بالك من مذاكرتك .. وانزلي امكان تطوعية .. ولو عايزة تروحي جيم روحي .. وخلي بالك من صحتك واكلك .. عيشي حياتك .... الحياة لسه فيها حاجات حلوة
تم النشر الاثنين، ٢٣ يناير ٢٠٢٣
متخافيش من ربنا قربيله كتير البشر هما إللى يخوفوا وربنا مش بينتقم من اللى تاب ربنا بيسامح وبيقبل الكل انتى جميله علشان كدة ربنا فوقك
تم النشر الأحد، ٢٢ يناير ٢٠٢٣
هو الذي يقبل التوبة عن عباده
تم النشر الأحد، ٢٩ يناير ٢٠٢٣
ومن يحول بينك وبين التوبة ورحمة الله؟ الله يغفر هذا وأكبر منه إذا أحسن العبد التوبة .. فأكثري من الاستغفار والحسنات (إن الحسنات يذهبن السيئات)
تم النشر الأحد، ٢٢ يناير ٢٠٢٣
لعرض السؤال في فدني اضغط هنا