سؤالى عن الحمل بس ده مش استفسار عادى عشان لو فى حمل هتبقى معجزه لانى اولآ المفروض اعمل حقن مجهرى الشهر الجاى وجوزى عامل فتح خصيه عشان يجمد حيوانات منويه
الفكره ان جوزى خد علاج بس شهر واحد مش كورس 3شهور ولما ملقيناش حيوانات منويه قولنا نفتح الخصيه ونعمل اولآ انا عندى27سنه متجوزه من 5سنين ومعنديش اى مشكله للخلفه ولسه كاشفه وعامله تحاليل من شهرين ولقيت كله تمام التبويض والهرمونات والدوره منتظمه ومافيش اى مشاكل فى الرحم وكله تمام الحمدلله احنا مشكلتنا فى التأخير من جوزى
سؤالى انى الشهر ده نزل عليا دم حوالى كام نقطه ووقف على طول فى اليوم ال15للدوره وده اول مره يحصل فى عمرى كله ويوم نزول الدم كنت تعبانه وحاسه بوجع فى ضهرى ومغص وهمدان وتانى يوم بقيت كويسه شويه بس فضلت دايخه ومن الاعراض التانيه بدخل الحمام كتير وعندى صداع وحاسه انى عصبيه ونفسى فى حلويات مع انى باكلها كل فتره طويييله والنهارده كنت جعانه مهما اكل مش بشبع وده مش طبعى وبشم روايح مش موجوده هل دى اعراض حمل ولا وهم حاجه اخيره معلش انا طولت عايزه اقول ان الرد على سؤالى مهم اوى بالنسبالى ياريت حد يكون عنده فكره ويهتم ويرد♥️
ابنتي الحبيبه ربنا يطمن قلبك ويجبر خاطرك ويهبك من لدنه ذريه طيبه وينزل عليكي رحمته واستجابته كما رحم (عبده زكريا) عليه السلام اقطعي الشك باليقين وتوكلي علي الله وأجري تحليل دم حتي يطمئن قلبك وتذهب عنكي الحيره ،وربنا يبشرك بكل خير بإذنه وفضله
تم النشر الأحد، ٢٢ أكتوبر ٢٠٢٣
ايوة ممكن جدا يكون حمل وان شاء الله يكون حمل ويكون خير لك ولزوجك معظم الأعراض ال قلتيها بتكون من اعراض الحمل حضرتك بس محتاجه تتاكدي اكتر بعمل اختبار حمل بالدم مش المنزلي ولغاية ما تتاكدي تجنبي المشي السريع والمجهود المشروبات ال زي القرفه والزنجبيل لو بتعملي تمارين رياضيه برضه بلاش دلوقتي لو في ادويه معينه بتاخديها حاولي تتاكدي انها مش متعارضه مع الحمل لما تتاكدي انه حمل ان شاء الله ابقي صلي ركعتين شكر لله انه كفاكي هم الحقن المجهري ورزقك من حيث لا تحتسبي ربنا يبشرك بما يسرك ويرزقك ذريه صالحه طيبه مباركه
تم النشر الجمعة، ٢٠ أكتوبر ٢٠٢٣
لسه كانت زميلتى عندها نفس الاعراض والتفاصيل بالظبط وطلعت حامل ابشرى ان شاء الله تكونى حامل بكره تعدى على معمل تحاليل وتعملى اختبار حمل ... ان شاء الله تطمنى لو كنتى عديتى ميعاد الدورة كنت هقولك هاتى اختبار حمل منزلى واوعى تشربى اى سوايل حاره ( ولا جنزبيل ولا قرفة )
تم النشر الجمعة، ٢٠ أكتوبر ٢٠٢٣
أول عرض حضرتِك قولتِيه ممكن تكون البويضة اتلقحِت باقي الأعراض مش ضامنةة الصراحةة بس خدي بالك من نفسك ولما الدورة تتأخر 10 أيام ممكن تعملي إختبار وعشان حضرتِك تتأكدي أكتر ممكن تعمِل اختبار الدم ده نتيجته مضمونةة وربّ يطمنك وع العموم متقلقِيش ربنا هيرزقِك فِ الوقت اللي عالم إنه مُناسِب هه ربّ يطمنك يبقي طمنينا.💜💜💜💜💜💜💜🤲🏻""".
تم النشر الجمعة، ٢٠ أكتوبر ٢٠٢٣
ممكن حضرتك تبشرينا دلوقتي وتقوليلنا حصل اى ؟ وحصل حمل ولا لأ
تم النشر الثلاثاء، ٢٦ مارس ٢٠٢٤
❤️❤️❤️
تم النشر السبت، ٢١ أكتوبر ٢٠٢٣
اللهم آمين انا وانتى يارب♥️♥️♥️
تم النشر السبت، ٢١ أكتوبر ٢٠٢٣
صعب حد يديكى رد واضح وصريح فهمانى... آنتى براحه على نفسك تعاملى إن احتمال يكون فى حمل وأبقى اعملى التحليل... محدش هيعرف يفيدك فى القصه ديه... ربنا يسعدك ويفرح قلبك ويراضيكى ❤️
تم النشر السبت، ٢١ أكتوبر ٢٠٢٣
الدورة معادها يوم 30 وقريت ان حتى تحليل الدم ميتعملش دلوقتى عشان كده سألت عن الاعراض يمكن حد يكون مر بيها
تم النشر السبت، ٢١ أكتوبر ٢٠٢٣
اعملى اختبار حمل... أو تحليل
تم النشر السبت، ٢١ أكتوبر ٢٠٢٣
لعرض السؤال في فدني اضغط هنا