ازاي اتخلص من توتر الامتحانات اللي بيخليني انسي بسببه وانقص في الامتحانات علي الرغم من أني مذاكره المعلومه ديه بس ده حصل لما دخلت الكليه لاني لما كنت في للمدرسه ماكنش ده بيحصل وكنت كمان بعرف احفظ دلوقتي لا بحس إن فيه ضغط عليا جامد ايه الحل اوي
طريقة مذاكرتك في الثانوي او في التعليم ما قبل الجامعي عموما، تختلف تماما عن الجامعة، ف لو بتذاكري بنفس الطريقة .. ياريت تشوفي طريقة مناسبة للمواد بتاعتك. كتب الكلية مش زي الثانوي ولا اسئلتها زيها، وصعب جدا انك تحفظي الكتاب زي مثلا ما كنت بتعملي في الثانوي. معرفش تخصصك ايه في الكلية بالظبط ... ولكن اتكلمي مع الدفعات اللي قبلك زي 2 و 3 و 4 وكمان لو فيه دكاترة كويسين معاكي اتكلمي معاهم، واعرفي ايه هي الطريقة المناسبة اللي تقدري تحصلي فيها كويس. واكيد لما مشكلتك ديه تتحل التوتر والقلق هيقلوا .. وحاولي بقدر الامكان انك تقللي من التوتر وتعرفي انه مش هيفيد باي حاجه بل هيزيد من مشاكلك. وبالتوفيق
تم النشر الأربعاء، ٢٢ مارس ٢٠٢٣
ده بيكون قلق ماقبل الامتحان اول حاجه تفضلي ترددي ف دماغك فكره انك مذاكره وعملتي الي عليكي ف ان شاءالله هتروحي الامتحان وتفتكري كل حاجه ومتنسيش واول ميبدأ عندك شعور القلق والتوتر امنعي كافيين وبدليه بمشروبات مهدئه يانسون نعناع حليب كركاديه واعملي تمارين الاسترخاء التنفسي والعضلي هيفرقوا معاكي جدا طول يوم وقبل متنزلي الامتحان اعمليهم وكل متجيلك فكره انك هتنسي شتتيها من خلال الاستغفار او التسبيح او ترديد نغمه بتحبيها المهم تبعدي ءهنك عن الفكره دي عشان القلق يهدى
تم النشر الأربعاء، ٢٢ مارس ٢٠٢٣
مرحبا، يبدو أن الضغط النفسي المرتبط بالامتحانات يؤثر بشدة على أدائك و يجعلك تنسى المادة التي تعلمتها. لتخفيفه، يمكنك محاولة التدريب على بعض التقنيات المثبتة أنها تقلل من التوتر، مثل : 1 - تنفس البطن: قم بالجلوس في مكان هادئ واركز على التنفس من خلال الأنف وخارج الفم، وحاول توجيه الهواء لأسفل بطنك عندما تتنفس. ارتجف مع هوائك وأخرجه ببطء من الفم. 2 - التأمل و الاسترخاء: جدول دقيق للعمل (دراسة، ممارسة الرياضية، الأكل والنوم..الخ) يزيل القلق الزائد. و بدلاً من القلق من المهام المستقبلية، يمكن أن يساعد التفكير فيها والاستعداد لها. 3 - ممارسة الترفيه: حقاً، يمكنك الاسترخاء فقط عن طريق القيام ببعض الأنشطة الممتعة البسيطة، مثل القيام بنزهة قصيرة أو الاستماع إلى الموسيقى المفضلة لديك. هذا سوف يساعد على تخفيف التوتر و جعلك تشعر بالراحة. 4 - الإستعانة بالآخرين: يمكنك الحصول على الدعم من الأصدقاء والعائلة لمساعدتك في التخلص من الضغوط النفسية، قد تساعدك مشاركة المشاعر و تجاربك معهم في تخفيف القلق. لا تنسى أن تحمل كتبك ومستلزماتك معك عند الذهاب للامتحان، و حاول التفكير بطريقة إيجابية و أن تبدأ الاختبار باسترخاء ونشاط. استرخاء الجسم وتأمل النفس مع دفع بعض التمارين يمكن أن يؤدي إلى تحسين الأداء في الامتحان.
تم النشر الأربعاء، ٢٢ مارس ٢٠٢٣
لعرض السؤال في فدني اضغط هنا