السلام عليكم
انا عندي 21 سنة مخلصة معهد فني صحي خاص، مشكلتي ان انا حبيت ابن عمي ومقصرتش معاه ف حاجه، واتقدم مرة واحده بس ومتقدمش تاني، وانا اتخطبت مرتين وف مرتين كنت بعمل بلوكات للي اتخطبت له واكلمه هو لحد مافشكلت وبعد مافشكلت سابني عشان صدق حاجه عليا محصلتش وبقيت ولا حاجه بالنسبة له المشكله اني مش عارفه اخد اي خطوة ف حياتي ولا قادرة استوعب انه مشي وان خلاص افترقنا كل ما اروح شغل اقعد افكر فيه وافقد تركيزي فيه وبعدين اسيب الشغل وع طول نفس النمط
انتى ربطتى حياتك بيه وباسمه وبشخصه لذلك مش عارفه تركزى خرجي اسمه من احلامك اللى كنتى حاطاه فيها ومن الماضى كمان ...خليه موجود فى الذكريات مجرد شخص اتقدم وكمان صدق الكلام الغلط عليكى بسهوله يعنى مش عاملك تقدير اعلى من الكلام ولا فكر يتحرى الصدق ( يعنى عيل من الاخر ) يبقى على ايه نذكر اسمه اصلا وكمان نربطه بسياق حياتنا احنا اللى حطيناه فى مكانه واحنا اللى نقدر ننزله منها وخلى بالك ان موضوع انك تتخطبي وتكلميه فى نفس الوقت ده ساهم فى انك تنزلى من نظره وميشوفش انك تستاهلى المعافره ..متعمليش ده تانى احتراما لنفسك وللشخص اللى اتقدم بالحلال
تم النشر الخميس، ٢٦ سبتمبر ٢٠٢٤
الخيرة فيما اختاره الله؛ (وعسى أن تكرهوا شيئا وهو خيرا لكم وعسى أن تحبوا شيئا وهو شر لكم والله يعلم وأنتم لا تعلمون) البقرة 216. ماتجريش ورا حد اللي عايزك هيخبط الباب وانتي قاعدة معززة مكرمة، وجايز ربنا سبحانه وتعالى بعده عنك عشان مايضايقكيش بكلامه بعد كدا ويقولك انتي اللي جريتي ورايا وانتي اللي عايزاني... كل واحد فينا رزقه مكتوب وهياخده في الوقت المناسب، فصلي الفجر نصيحة مني وادعي كتير ولو قدرتي تروحي لدكتور نفسي او لايف كوتش هيساعدوكي تتخطي أسرع، وافتكري.. الخيرة فيما اختاره الله لنا.
تم النشر الخميس، ٢٦ سبتمبر ٢٠٢٤
لو حضرتي ساعة واحدة من ساعاته في الشغل أو و هو مع أصحابه او و هو مع أسرته هتعرفي انك ولا علي باله اطلاقا و عايش حياته عادي خالص علشان انتي مش في الحسبان ، و عموما هو مش غلطان هو عمل اللي عليه و دخل الباب من بابه و محصلش نصيب ، الغلط كل الغلط عندك تقدري تضيعي حياتي بأيدك او تخلي عندك كرامة و تقدير للذات و تلتفتي لمستقبلك الأمر في ايدك بس مبدئيا كده واضح قوي انه مش من نصيبك فياريت تشيليه خالص من قلبك و عقلك و علي فكرة لعله خير لعل ربنا عايز لك الخير .. الله اعلم ممكن لو اتجوزتوا كنتي تعيشي حياة غير سعيدة او ربنا يرزقك بطفل غير سليم متنسيش انكم ولاد عم .. بلاش تهدري مشاعرك و حبك علي العلاقة الغلط قربي من ربنا و احتفظي مشاعرك للشخص الصح اللي يستاهل و يحترمك و يفكر فيكي .
تم النشر الخميس، ٢٦ سبتمبر ٢٠٢٤
وعليكم السلام ورحمة الله وبركاته، أولًا، أود أن أعبّر عن تعاطفي مع مشاعرك، فالتجارب العاطفية قد تكون صعبة ومعقدة، خاصةً عندما تتعلق بأشخاص مقربين مثل ابن العم. من الطبيعي أن تشعري بالحزن والارتباك بعد إنهاء العلاقة، خاصةً عندما تكونين قد استثمرتِ مشاعرك ووقتك. لكي تتجاوزي هذه المرحلة، إليك بعض الخطوات العملية التي يمكنك اتخاذها: قبول المشاعر : من المهم أن تقبلي مشاعرك بشجاعة. الشعور بالألم والفقد أمر طبيعي، ولا حرج في ذلك. التحدث مع شخص مقرب : حاولي أن تفتحي قلبك لأحد الأصدقاء المقربين أو أحد أفراد العائلة. التحدث عن مشاعرك قد يساعد في تخفيف العبء النفسي. تحديد الأهداف : ركزي على تحديد أهداف جديدة في حياتك، سواء كانت في العمل أو في المجالات الشخصية. يمكن أن يساعدك التركيز على الأهداف في تحويل تركيزك بعيداً عن الأفكار السلبية. ممارسة النشاطات : انخرطي في نشاطات تحبينها، سواءً كانت رياضة، هواية، أو حتى قراءة الكتب. هذا يمكن أن يساعد في تحسين مزاجك والإلهاء عن الأفكار المتكررة حول العلاقة. التأمل في الدروس المستفادة : استخبري ما يمكنك تعلمه من هذه التجربة. كيف ساهمت في تشكيل شخصيتك؟ وما هي القيم التي تبحثين عنها في المستقبل؟ الصبر : تذكري أن وقت الشفاء يختلف من شخص لآخر. اعطي نفسك الوقت الكافي لتجاوز هذه المرحلة. إذا شعرتِ أن الألم يؤثر بشكل كبير على حياتك في العمل أو في جوانب أخرى، قد يكون من الجيد استشارة مختص نفسي. تذكر أن الحياة تتجدد دائمًا، ومع الوقت ستجدين الطريق إلى السعادة والسلام الداخلي. أسأل الله أن ييسر لك الخير ويمنحك القوة لتجاوز هذه المرحلة.
تم النشر الخميس، ٢٦ سبتمبر ٢٠٢٤
لو بيحبك عمرو ميصدق عليكى اى حاجه حتا لو شاف بعينك ياحبيبتى هونى على نفسك ربنا عمل كده علشان يفوقك ويقولك مش ده اللى تعملى علشانو كده ادي فرصه لنفسك انك تعرفي حد كويس في الحلال االى عاوزك هيجيلك لحد البيت انتى عملتى اللى عليكى متانبيش في نفسك بالعكس صلي وادعى ربنا واكيد ربنا شيلك عوض احلى من ده بكتير حد يقدرك حد يحبك حد ميصدقش فيكى اى حاجه حد يحترمك ويقدرك ويشوفك كتير على اى حد واحد يعملك كانك ملكه واميره وركزى على شغلك هو ده اللى هيخليكى تقوى وتبقي احسن وتاكدى ان ابن عمك ده هيرجع بس هتبقي غلطانه اوة لو ادتيلو فرصه انتى فرصه هو خسرها ف خلاص أنهى كل مشاعرك اقتلها وكل متفكرى فيه فكرى للأول ان هو عمرو محبك وانك هونت عليه وانتى هتعدى من الموقف
تم النشر الجمعة، ٢٧ سبتمبر ٢٠٢٤
مش عيزاه يرجع كفايه اللي حصلي بسببو
تم النشر السبت، ٢٨ سبتمبر ٢٠٢٤
لو فيه خير ليكي اكيد هيرجع✨
تم النشر السبت، ٢٨ سبتمبر ٢٠٢٤
لعرض السؤال في فدني اضغط هنا