عمري 53سنة اعمل مديرة لقسم في أحد الفنادق بدأت عملي من سنتين بعدما كنت ربة منزل لمدة 25 سنة نزلت اشتغل في سن الخمسين تقريبا واجهت صعوبات كتير في التعامل مع الناس وكأني كنت محبوسة في كهف 25 سنة وفجأة خرجت لقيت الناس مش هي الناس ولا الاخلاق زي ما سيبتها لقيت ناس في الشغل علشان تنجح لازم تبقي بوشين أو تبقي عصفورة ونوع تاني بيتكلم في ضهرك ويحاول يشوهك ونوع تاني بنات بتحاول تتقرب للمدير بكل الطرق وبتنجح أنها تاخد امتيازات عن باقي الزملاء مقابل سعيها في لفت النظر ونيل اعجاب المدير ده غير أن اللي شغال مش متشاف ولا ليلاقي دعم أو مساندة وكمان بيحملوه شغل فوق طاقته حتي لو خارج حدود قسمه
انا تحملت فوق طاقتي لاني اتعاملت بالأصول وباخلاقي كنت ذوق مع الكل وكنت بساعد اللي محتاج مساعدة وكنت بلاقي حلول لأي مشكلة لوحدي علشان اثبت نجاحي كنت نازلة الشغل بطاقة جبارة طاقة اتحوشت لمدة 25 سنة فحاولت بكل جهدي اثبت نفسي وانجح بعد ما نجحت في دور الأم وربيت اولادي وكبروا واتخرجوا دلوقتي انا بفكر أسيب الشغل لانه ضاغط عليا نفسيا ومش قادرة اتعامل تأتي مع ناس بوجوه مزيفة المكان كله كذب وتشفي وحروب لا تنتهي
بالرغم من أن شغلي أفادني ماديا ولو سيبته حالتي المادية هتتأثر ولكن انا تعبت وكله يهون بس راحتي النفسية اهم
افيدوني
لو حضرتك محتاجة الشغل اووى متسبيهوش وخلكى ثابتة على مبدئك واخلاقك ودائما استمدى العون من الله واشكى له حالك والله لن يردكى خائبة ابدا الراحة النفسية هتروح من عندك لما متتديش للحاجة دى اهمية مش لازم تدققى على كل حاجه وعدى مش لازم تتعبى فى نفسك وهذا حال بنات اليوم يستعرضن اجسامهن فى هذا الزمن والله المستعان
تم النشر الخميس، ٢٧ مارس ٢٠٢٥
السلام عليكم ورحمة الله وبركاته هو الرد علي سؤال زي ليه كذا اجابه يعني مثلا نبدا' من الجانب المهني ان حضرتك كنتي بعيد عن المجال لفتره' كبيره مش صغيره أبداً وحضرتك كنتي عاوزه تنزلي تخدي' فرصه وده حصل فعلا وحضرتك اثبتي كفاءة تمام تاني نقطة اللي هي محور- سؤال حضرتك ان الناس اتغيرت وكده. اكيد طبعا النفوس بقتش. صافية وده اسوء حاجه في الزمن ده بس اكيد طبعاً حضرتك لسه عندك روح انك تكملي. وموضوع. الفلوس ده عادي اكيد مش هتاثري. بنسبه كبيره ده في حالة انك عاوزه تسبيـــ الشغل بس ان شاء الله تكملي وباربـ اكون فديت حضرتك ولو بنسبه بسيطه 🤍
تم النشر الأربعاء، ٢٦ مارس ٢٠٢٥
●أولا اثبتي على مبادئك وموقفك وأعلمي دائما أن الوقت يكشف الحقائق وأضمن لك أنه في النهاية كل اللي بيلعبوا ويمثلوا ويروحوا وييجوا هم الخسرانين في النهاية والمدير عارف جيدا ايه اللي بيحصل ومين الحق ومين المنافق ●ثانيا أنا لي رأي أنك كان هدفك في البداية تربية الأبناء والآن الشغل عندي سؤال أين أنتي في وسط هذا ؟ هل أنتي آداه أو روبوت مخلوق للعمل ؟ ألا يوجد وقت لشحن الطاقة والاستماع إلى النفس والتعبير عنها ومكافأتها فبالتأكيد اذا اعطيتي وقت لنفسك ستكونين أقوى ولن تلتفتي لأي منافق ولن يهمك ألاعيب وتمثيل وسفاهات ●قال صلى الله عليه وسلم"واعلم أن الأمة لو اجتمعت على أن يضروك بشيء لم يضروك إلا بشيء قد كتبه الله عليك، رُفِعَتِ الأقلام وجفَّتِ الصحف." ●إن لنفسك عليك حق وإن لأهلك عليك حق وإن لربك عليك حق فأعطي كل ذي حق حقه ●وهذا هو الواقع .. اهتمي بنفسك
تم النشر الأربعاء، ٢٦ مارس ٢٠٢٥
عزيزتي، أولاً، أشكر لكِ ثقتك في مشاركة تجاربك وما تشعرين به. من الواضح أنك تمرين بتحديات كبيرة في بيئة العمل، ولا بد أن الضغوط النفسية صعبة ومتعبة. التحول من حياة ربة منزل إلى العمل في بيئة احترافية جديدة يمثل تحديًا، خاصة بعد فترة طويلة من التكيف مع نمط حياة معين. من الطبيعي أن تشعري بالضغط النفسي نتيجة للتغيرات التي تواجهينها والتعامل مع زملاء قد لا يعكس سلوكهم القيم والأخلاق التي تربيت عليها. هنا بعض النقاط التي يمكنك أن تأخذيها في الحسبان: تحديد الأولويات : فكري في ما هو الأهم بالنسبة لكِ. إذا كانت راحتك النفسية وصحتك النفسية تأتي في المقام الأول، فقد يكون من الأفضل البحث عن خيارات بديلة. إن كان العمل يؤثر سلبًا على حياتك، عدم الاستمرار فيه قد يكون قرارًا حكيمًا. البحث عن بيئة عمل مناسبة : هناك أنواع مختلفة من بيئات العمل. ربما تحتاجين للبحث عن وظيفة جديدة تكون أكثر توافقًا مع قيمك الشخصية وثقافتك. التواصل والتعبير عن مشاعرك : إذا كان لديك دعم من الزملاء أو الإدارة، حاولي التواصل معهم بشأن مشاعرك ومخاوفك. في بعض الأحيان، يمكن أن يساعد الحوار في تخفيف الضغوط. الاستثمار في الذات : قد يكون من المفيد متابعة الدورات التدريبية أو ورش العمل التي تعزز مهاراتك في التعامل مع الضغوط والتفاوض، مما قد يمنحك الثقة ويساعدك في التعامل مع المواقف الصعبة بشكل أفضل. التفكير في الاستشارة : اذا كنت بحاجة لمزيد من الدعم النفسي، يمكنك النظر في استشارة مختص يساعدك في التعبير عن مشاعرك والتعامل مع الضغط النفسي الذي تواجهينه. تذكرّي دائمًا أن صحتك النفسية هامة، وأنك تستحقين العمل في بيئة تقدر جهودك وتعزز من قيمتك. أرجو أن تكون هذه الخطوات محط نظر لك وتساعدك على اتخاذ القرار المناسب. دمتِ بخير.
تم النشر الثلاثاء، ٢٥ مارس ٢٠٢٥
هو الراحة النفسية فى الشغل صباح الخير صباح النور..... وعلى قد مهام الشغل وشكرا والشغل كله كدة اخلاقيات صفر وادابيات صفر وطالما احنا الهدف من الشغل هو المكسب المادي ركزي على هدفك احنا مش بنربي الناس لكن احنا بنتعلم أننا نتطور من نفسنا والتغير لينا يكون للأحسن وماتسبيش شغل غير لما يكون معاكي فرصة تانية اكيد
تم النشر الجمعة، ٤ أبريل ٢٠٢٥
ممكن تروحي مكان مناسب اكتر من كدا اكيد هتلاقي ناس شبهك وكويسه من جوا
تم النشر الخميس، ٢٧ مارس ٢٠٢٥
لو انتى فعلا مش مرتاحه خلاص يحبيبتى اهم حاجه راحتك النفسية أو ممكن لو انتى حابه تستفيدى خبرات وكده ممكن تشوف مكان تانى
تم النشر الخميس، ٢٧ مارس ٢٠٢٥
معاكي حق فعلا وانا حاليا بشوف فرصة تانية افضل دعواتك ليا
تم النشر السبت، ٥ أبريل ٢٠٢٥
شكرا علي النصيحة يا محمد 🙏
تم النشر الخميس، ٢٧ مارس ٢٠٢٥
لعرض السؤال في فدني اضغط هنا