متضايقة ومتعصبة 😡
انا اتخانقت مع ناس أكبر مني، هم جيراننا اللي فوق، هم مش كبار أوي بس أكبر مني وأصغر من ماما.
هم علطول بيوسخوا مدخل البيت وقدام شقتنا وعلطول مامتي كانت بتزعق معاهم وكمان عملوا حريق في البلكونة بسبب سيجارة رموها ودا كله مكنتش باتدخل فيه.
المهم، النهارده لما كنت نازلة انا وماما، مامتي اتزحلقت في قشرة موزة ووقعت من السلم وكان قدام السلم ومامتي ست كبيرة مريضة عاملة الغضروف وعندها كمان غضروف تاني، فطلعتلهم فوق وعمو فتحلي قولتله مامتي وقعت بسبب الزبالة اللي حطينها تحت ومكانش مصدق قولتله ممكن تنزل تشوف بنفسك فطنط طلعت وقالت في ايه يا أم فلانة قالتلها وقعت وبدءوا يزعقوا في بعض فانا دخلت في النص وقولت لعمو لو شوفت زبالة هنا تاني هيبقي فيه مشكلة معايا أنا (وكنت اقصد اني اقدم محضر) فقال محدش يقدر يعمل معانا مشكلة قولتله طب انا عايزة اشوف زبالة هنا تاني فماما زعقتلي عشان بزعق وقالتله ماتكلمش بنتي كدا وسبناهم يزعقوا ونزلنا.
دلوقتي انا غلطانة ولا مش غلطانة؟ لو غلطانة قولولي ايه الصح واهدى إزاي لإني متضايقة جدااااااااااا ومتعصبة؛ انا حرفيا كنت بحب شقتنا جدا وماكنتش عايزة انقل منها بس بعد الموقف دا بقيت مصممة انقل منها.
بصي يا روحي اولا انتي المفروض ما كنتي تتدخلي فاهماني لان مامتك هي الكبيره ف هي كانت هتعرف تتصرف أكيد لأنها أكبر منك ف هي اكيد فاهمه عنك َلكن انتي دلوقتي بتقولي انك زعقتي دفاعاً عن مامتك لإنك خايفه عليها وعلى سلامتها ف دا تصرف كويس خالص بس لو كنتي فضلتي للنهايه يعني لو كنتي سيبتي مامتك هي اللي اتصرفت اكيد دا كان هيبقا افضل لان المفروض تحترمي الأكبر منك حتى لو هو سبب ليكي ضرر او آذي سواء ليكي أو حد من أفراد عائلتك بردو تعامليه ب احترام لان انتي زعقتي لراجل فاهمه يعني دا ماينفعش هو يعتبر في مقام والدك بردو بصي حاولي تبعدي ومتعلقيش نفسك بيهم سواء وانتي نازله او طالعه ملكيش دعوه بيهم خالص لو لقيتي فرد من الأفراد دي نازل من على السلم او انتي اللي طالعه عليه القى السلام يعني حتى لو هو مثلا كانت نيته انه عايز يأذيكي او ينتقم منك بسبب انك تشاجرتي معاه ف لما تلقي السلام هيرده اكيد ف وقتها القلوب هتهدأ ف بالنسبه اه والدتك كبيره في السن وكدا حرام انها تنقل بسبب موقف زي دا ممكن يتحل واكيد هيتحل مع الوقت لأنها لسه هتنقل وتروح تروق ف الشقه الجديده تاني ف هيبقا صعب عليها اوي ممكن لو الموضوع دا مضايقك جدا اتكلمي مع صاحب العماره وهو يتصرف معاهم واكيد كل مشكله وليها حل وياريت تقدري تتقبلي الوضع وتعدي امورك ما جار الرسول صلى الله عليه وسلم كان بيلقي القمامه بجانبه َو كان الرسول بياخدها ويرميها هو وكان متسامح كدا ما بال احنا بشر وايد واحده ف الاول والاخر مسلمين ف حاولي تسامحي واكيد جارك دا هيتكلم مع زوجته وهيقولها بلاش فعلا كدا بس انتي استني واصبري وبعدين كلنا بنغلط مفيش حد مننا كامل ف هما غلطوا واكيد اكيد يعني هيعرفوا غلطهم اتمنى انك تكوني فهمتي قصدي اي بتمنالك الخير والسعادة الدائمه
تم النشر الأحد، ٦ أكتوبر ٢٠٢٤
عزيزتي، إن مشاعرك في هذا الموقف مفهومة تمامًا. من الطبيعي أن تشعري بالغضب والانزعاج عندما تتعرضين لمواقف تؤثر على سلامة عائلتك وراحتهم، خصوصًا عندما يكون الأمر يتعلق بوالدتك وصحتها. فيما يتعلق بالحادثة، من واجبكم كجيران أن تتحدثوا مع بعضكم البعض بطريقة محترمة وتُعلموا بعضكم عن المخالفات التي تزعجكم. لكن، من المهم أيضًا أن تكوني واعية لطريقة التعبير عن مشاعرك، خاصة إذا كانت تثير التوتر وتؤدي إلى تفاقم النزاعات. لتخفيف توترك، يمكنك التفكير في وسائل أخرى لحل المشكلة، مثل: الحوار المتأني: حاولي التحدث مع الجيران بطريقة هادئة ومهنية، حتى لو كان الأمر صعبًا. قد تساعدك هذه الطريقة في توصيل مشاعرك واحتياجاتك بشكل أفضل. إيجاد حلول بديلة: فكري في طرق يمكن أن تساهم في تحسين الوضع دون تصعيد الأمور، مثل تقديم اقتراحات واضحة حول الحفاظ على نظافة المدخل. تقبل الموقف: من المهم أن تتقبلي أن الحياة تحتوي على بعض التحديات والنزاعات. حاولي أن تنظري إلى هذا الموقف كفرصة للتعلم والنمو. أما بخصوص رغبتك في الانتقال، فقبل اتخاذ أي خطوات جذرية، حاولي تقييم الأسباب الحقيقية وراء شعورك. هل هو فقط بسبب هذه الحادثة أم هناك عوامل أخرى تؤثر على قرارك؟ في النهاية، تذكري أن لديكِ الحق في الشعور بالأمان والراحة في منزلك، ولكن المواقف الأصعب قد تتطلب بعض التحمل والنضج في التعامل. أتمنى أن تجدي السلام الداخلي في هذا الموقف وأن تتمكني من معالجة الأمور بطريقة إيجابية. إذا احتجت لأي دعم إضافي، فأنا هنا لمساعدتك.
تم النشر السبت، ٥ أكتوبر ٢٠٢٤
من رأي موقفك صح انتي مغلطيش وشوفي إجراء قانوني محضر احسن طالما كلمتوهم بالذوق مينفعش
تم النشر الأحد، ٦ أكتوبر ٢٠٢٤
لعرض السؤال في فدني اضغط هنا