متزوجه من 10سنين وزوجي لا ينجب وأشعر بالوحده وجربنا كل العلاجات والعمليات ووصلنا لانه مفيش حل وفكرنا في الكفاله منذ سنتين واهلي رفضوا وقالو لو عاوزه أطفال اتطلقي وانا بحبه وهو يحبني وكويس معايا
انا بقالي سنتين واهلي شويه مقاطعني وحاليا بنتكلم وبروحلهم بس المعامله فيها مناوشات ومع زوجي بيتجنبوا تماما لا بيجولي ولا هو بقي بيروحلهم بسبب معاملتهم له مع العلم كل لما أروح عندهم يسألني سألو عليه فلما اقوله لا يقولي ربنا يهديهم انا حاليا بدأت في ورق الكفاله وخايفه منهم يقاطعوني تاني ومش عارفه افتح معاهم الموضوع ازاي
السلام عليكم ورحمه الله وبركاته. الحقيقه هو الاهل هنا ملهمش علاقه بالموضوع خالص يعني من ساعه ما حضرتك تزوجتي بقيتي لك حياتك المنفصله حياتك المنفصله لك قراراتك فيها تخصك انت وزوجك، آه الاهل يعني بنكن لهم كل احترام وبنستشيرهم عشان خاطر هم أهلنا ولكن احنا بنستشيرهم لكن هم ملهمش اي حق في انهم يلموا علينا اذا كنا نعمل او ما نعملش وطاعه الاهل بتكون واجبة فيما يرضي الله او فيما هو حلال يعني او لو ما بيقولوا لنا على حاجه لا ما تعملوش عشان خاطر دي حرام أو مش هترضي ربنا مش شايفه اي سبب خالص في انك تعرضي عن شيء خاص بحياتك انت وزوجك وهيفرق معاكوا بحاجه ما فيهاش حرمه ان هي علشان خاطر اهلي رافضين طبعا هيكون فيه جزء من الموضوع انه الطفل هيبقى عارف انه مفيش تيته وجدو عشان خاطر هم رافضين الموضوع واحنا مش محتاجين ان احنا يعني نبقى بنضغط قوي فكره انه لازم يبقى بيروح لتيته وجدو كده خالص وخليني اقول لك ان انا شفت قصص كثير جدا لاشخاص كان عندهم نفس الوضع ده ولكن سبحان الله بعد ما كفلوا الطفل الاهل بقى لهم تصرف مختلف خالص وبقوا حنين وبقوا متقبلين والطفل وبقوا حنينين ومتقبلين الطفل وبقوا هم اللي بيسألوا عليه فيعني توكلي على الله انت وزوجك وارسموا حياتكم بالشكل اللي يخليكم مبسوطين طالما كويس وانتوا كويسين مع بعض ما تحرموش نفسكم من حاجه متوفره وهتاخذوا عليها ثواب باذن الله.
تم النشر الثلاثاء، ١٨ فبراير ٢٠٢٥
حبيبتي قدري انھم خايفين عليكي وانك فكري وشوفي انتي ھتظلمي نفسك ولا لا ھل ھترضي بعد كدة تعيشي من غير أطفال ولو متقبلة الوضع ومستحيل تسيبي زوجك مع انھا حاجة من حقك مھدي ليھم واتكلمي معاھم انك قد إيه أجرك ھيبقي عظيم عند ربنا وان دي حاجة اكيد ھتكوني سعيدة بيھا وانك توضحي ليھم انك ھتكوني سعيدة لو عملتي كدة وتكفلتي بطفل يتيم وان ساعادتك ھتكون مربوطة بكده.
تم النشر الثلاثاء، ١٨ فبراير ٢٠٢٥
أشعُر بقلبك وأتفهم مشاعركِ تجاه هذا الأمر المهم والذي له تأثير كبير على حياتكِ. التواصل مع الأهل بشأن قراركِ في كفالة طفل يتطلب حساسية ولباقة، خاصة في ظل الظروف الحالية. إليك بعض الخطوات التي قد تساعدكِ في فتح النقاش مع عائلتكِ: اختاري الوقت المناسب: حاولي اختيار وقت يكون فيه أفراد عائلتكِ مرتاحين وغير مشغولين أو متوترين. هذا سيساعد في خلق بيئة أكثر استقبالًا للنقاش. شاركي مشاعركِ بصدق: يمكنكِ بدء الحديث بالتعبير عن مشاعركِ الواقعية ورغبتكِ في الأمومة. قولي لهم كيف تشعرين تجاه هذا القرار ولماذا يعتبر مهمًا لكِ ولزوجكِ. مهم أن يشعروا بأن مشاعركِ صادقة. أوضحي فوائد الكفالة: تحدثي عن كيف أن كفالة طفل قد تقدم لكِ الإحساس بالهدف والسعادة، وكيف يمكنكِ إعطاء طفل الحب والرعاية. تذكري أن تبيّني لهم الجانب الإيجابي من هذا القرار. استمعي لمخاوفهم: من الممكن أن يكون لدى أهلكِ مخاوف أو تحفظات بشأن كفالة طفل. كوني مستعدة للاستماع لآرائهم ومخاوفهم وافهمي وجهات نظرهم. هذا يمكن أن يفتح باب الحوار ويظهر لهم أنكِ تهتمين برأيهم. عززي المودة: تذكري أن تصبحي دائمًا لطيفة ومحبة في تعاملكِ معهم، حتى في حالة اختلاف الآراء. قد يستغرق الأمر بعض الوقت، ولكن مع الاستمرار في إظهار الحب والدعم، يمكن أن يتغير أسلوب تعاملهم مع الموضوع. احترمي قراراتهم: في النهاية، يجب أن تتفهمي أن القرار هو قراركِ أنتِ وزوجكِ، وقد لا يقبل الأهل الفكرة بسهولة. كوني مستعدة للتحلي بالصبر وأن تعطيهم الوقت لفهم مشاعركِ بشكل أفضل. تذكري أن السعادة والراحة النفسية تأتي من اختيار ما هو الأفضل لكِ ولعائلتكِ. الاستمرار في تقديم الحب والدعم لأهلكِ ولزوجكِ سيساعد في تقوية الروابط حتى لو اختلفوا مع خياراتكِ. أتمنى لكِ التوفيق في هذا الأمر.
تم النشر الثلاثاء، ١٨ فبراير ٢٠٢٥
لا إله إلا الله، ساعات كتير مبفهمش تفكير الأهالي الصراحة يعني الحمد لله انتوا بتحبوا بعض و متجوزين من ١٠ سنين و بينكوا عشره كبيرة و في الأول و الاخر ده اختبار من ربنا ليكوا و ربنا بيقول و يجعل من يشاء عقيما انه عليم قدير، فالقرار في الأول و الاخر ليكوا انتوا و شايف انهم المفروض يتقبلوا الوضع و يحترموا قراركم و انتوا مش بتعملوا حاجة غلط و حاولي تقنعيهم تاني واحدة واحدة لأنهم اهلك و تتكلمي معاهم و تعرفيهم اد ايه الموضوع هيفرق معاكي و انك مفتقدة لاحساس الأمومة و هما إن شاء الله مع الوقت هيتقبلوا الوضع
تم النشر الثلاثاء، ١٨ فبراير ٢٠٢٥
الحمد لله علي كل حال دائما وابدا في السراء والضراء
تم النشر الثلاثاء، ١٨ فبراير ٢٠٢٥
ـ هذه حياتك أنتِ وليست حياة أهلك، وهذه أسالِيب ضغط من الأهل، وليس من حقهم هذا، ثمَّ هل تضمنِي إذا أنفصلتِي عن زوجك أن تتزوجِي غيره؟! وهل تضمنِي إذا تزوجتِي غيره أن تُنجبِي؟! طالما تُحبيه ويُحبك حافظِي على بيتك وزوجك، هذا طبعًا إذا كان رجل صالح ويتقِي اللَّه فيكِ.
تم النشر السبت، ٢٢ فبراير ٢٠٢٥
التبني حرام شرعا ولكن ممكن تكفلو يتيم وده الاسلام اوصي بيه لقول الله تعالي « أنا وكافل يتيم كأهاتين في الجنه وأشار بأصبعيه السبابه والوسطي» صدق رسول الله صل الله عليه وسلم، وهنا الرسول قال كافل يتيم وليس متبني يتيم لان التبني حرام ويدخل في خلط الانساب ونسب الطفل لأب ليس بأبيه وياخد من ميراثه بعد الوفاه فالاصح هو الكفاله وليس التبني والله ورسوله اعلم
تم النشر الأربعاء، ١٩ فبراير ٢٠٢٥
في دكاتره كنت سمعتهم بيقولوا أن احيانا سبب عدم الانجاب بيكون بسبب أخذ حقن ڤولتارين
تم النشر الثلاثاء، ١٨ فبراير ٢٠٢٥
حبيبتي متظلميش نفسك لو نفسك في الاولاد عشان متندميش بعد كده وتحسي انك لوحدك في حاجات بتبقي لازم منجيش على نفسنا اوي فيھا ولو مش ھتقدري تسيبي زوجك ممكن توضحي لأھلك وتعرفيھم ان دي حياتك انتي وده قرار يخصك وانھم يھونوا عليكي ويسمحوا ليكي بكفالة طفل وان دة اجره كبير اوي
تم النشر الثلاثاء، ١٨ فبراير ٢٠٢٥
انا مبقتش فاهمه نفسي بجد
تم النشر الثلاثاء، ١٨ فبراير ٢٠٢٥
والله انا مرحتش عند دكتور فمعرفش
تم النشر الثلاثاء، ١٨ فبراير ٢٠٢٥
لعرض السؤال في فدني اضغط هنا