بداية خطيبك في حاجة ماسة للعلاج والاستمرار فيه.. وهذا يتطلب من الأساس اعتراف صريح منه بأنه مريض وفي حاجة ماسة للعلاج. وإن لم يكن هذا متوافرًا فعلى المسؤل عنه اخضاعه للعلاج بالإجبار.. وفي حالتك لا هذا ولا ذاك متوافر ... نقطة أخرى عليكِ الانتباه لها، بعيدًا عن مرض خطيبك بدا لي من كلماتك أن هناك اختلاف فكري وثقافي بينك وبين عائلة خطيبك، فهل أنتِ على استعداد لتحمل هذا الاختلاف، وربما خوض حروب في مقابله معهم. ان تنفصلي أو لا هو قرارك، ولكن عليك الانتباه إلى حجم المسؤولية التي ستقع على عاتقك في حين كان اختيارك الاستمرار، وعليك التأكد من أنك على قدر هذه المسؤولية تمامًا ...
تم النشر الثلاثاء، ٤ يوليو ٢٠٢٣
انا اعرف حد كان عنده المرض ده واتعالج منه بس مع متابعه مع الدكتور حوالي 5 سنين لأن زي مابيسموها النكسه بتاخد خمس سنين علاج تمام . بس مش دي القضيه. القضيه أن صاحبي ده اتحجز شهر في مستشفى جمال ماضي ابو العزائم في مدينة نصر في الحي السابع والصراحة طلع منها كويس جدا وقال انا هبطل العلاج وفعلا بطله ورجعله الاضطراب تاني وانا روحت مع أهله للدكتور ف الدكتور زعق فيهم وقالهم ياجماعه العلاج ادام دخل الجسم لازم يتساب بالتدريج والعلاج بياخد حوالي 5 سنين. دي نقطه. النقطه التانيه: أن زي ماقولتى كان بيشرب حشيش واكيد كان بيشرب سجائر والحاجات دي عاوزه مرتب تاني بعيدا عن أنها بتدمر الجسم والأعصاب ومشاكل تانيه كتير فنصيحه مني بلاش تكملى مع شخص اصلا مش باقي على نفسه وبيهلكها بالشكل ده. الجواز ياجماعه حياه تانيه لا دحنا كنا في حالة تأهيل للحياه دي فلازم نعيش الجواز بطريقه صحيحه عشان ربنا يصلح حال المجتمع كله ويهدينا جميعا.
تم النشر الاثنين، ٣ يوليو ٢٠٢٣
اى مرض وخصوصا النفسى بيعتمد علاجه على الشخص نفسه واجتهاده فى العلاج اذا كان المرض وراثى او لا فده تقدرلا تعرفيه من الطبيب افضل ومش من تجربة حد تانى . اى كان القرار فانتى تعملى حسابك تتحملى تبعاته ... لو قررتى تساعديه وتقفى جنبه وتتحمليه فتكونى مستعده لاسوأ الظروف ولو قررتى انك مش مستعده انسحبى بدون تجريح واتمنيله يكون احسن.
تم النشر الاثنين، ٣ يوليو ٢٠٢٣
المفروض أن الزواج أن يكون ما بين الترفين تفاهم واكيد اي حد هيتجوز اذا كان الولد او البنت هتختار الشخص المناسب زي مثلا يكون محترم مش بيشرب حاجة مخلي أمه وأبوه راضين عنه قريب من ربنا ... اه ممكن يكون فيه عواقب بس مش كبيرة اوي زي اللي انت حكيتي عنها فا انا شايف أنه ممكن تقولي لا ومتكمليش عشان ممكن تحصل مشاكل بعد كده ممكن يكون في عيال فهتظلمهم معاكوا وكده واتمنى اكون فيدك واسال الله الهدايه لكما
تم النشر الاثنين، ٣ يوليو ٢٠٢٣
الأمر الأول والأكثر أهمية هو أن خطيبك يحتاج إلى العلاج النفسي والطبي. الذهان واضطراب ثنائي القطب هما حالتان نفسيتان خطيرتان تحتاجان إلى العلاج المنتظم والمتابعة مع الطبيب. إذا توقف عن العلاج، فق تتدهور حالته. ثانيا أنصحك بالتحدث إلى أهله مرة أخرى وشرح وجهة نظرك بهدوء وحنان. قولي لهم إنك تفهمين قلقهم عليه ولكن الإهمال الطبي قد يؤدي إلى تدهور حالته. شجعيهم على زيارة أخصائي نفسي آخر للحصول على رأي ثان. ثالثا، أنصحك بعدم التسرع في اتخاذ قرار بشأن الزواج الآن. انتظري لمشاهدة تحسن في حالته واطمئنانك إلى أنه لن يؤذيك. إذا لم تشعري بالراحة، فكري في فسخ الخطوبة. سلامتك أولا.
تم النشر الاثنين، ٣ يوليو ٢٠٢٣
وجهة نظري الموضوع ده هيطول معاه، لانه مش سهل ابدا .. + ان اهله اساسا مش مقتنعين انه حد حاجه، وده مش هيساعد نهائي في الموضوع .. وفي الحقيقة هو مش مؤهل تماما في الجواز .. الموضوع لو شايفة انه هيبقى عبء عليكي فكري تاني في الموضوع
تم النشر الثلاثاء، ٤ يوليو ٢٠٢٣
لعرض السؤال في فدني اضغط هنا