كان في حياتي حد وكنا بنحب بعض جدا وشوفنا من بعض كل حاجة حلوة وكان مراعي ربنا فيا بس هو لسه مش جاهز يتقدم جه مرة واحدة اتغير وبعد محاولات اني افهم السبب قالي انا عايز نرجع صحاب لان مش عايز اظلمك واعشمك وانا احتمال كبير اوي ماعرفش اتقدملك قريب وانتي بيتقدملك ناس كتير اتقهرررت م الكلام دا بس قولتله طالما هنبعد يبقي نبعد خالص رفض وقالي لازم نفضل ف حياة بعض علشان ممكن يكون في فرصة نتخطب ولو مفيش فرصة وانتي اتخطبتي هبعد عنك وقتها عشان موقفش حالك
وافقت وفضلنا زي مااحنا بس صحاب مش اكتر مع اننا مشاعرنا زي ماهي فجأه لقيته مصاحب بنت بس مش متأكدة ف خدت جمب لحد مابعدنا خالص فترة وف الفترة دي اتقدملي حد مناسب جدا وكويس وبيحبني بس لو وافقت مش هنتخطب الا كمان ٥ شهور ف ارتاحت للموضوع بس مفيش فرحة خالص من ناحيتي لان كان نفسي اتجوز عن حب وانا حبيت الشخص الاولاني جدا
فجأه لقيت الشخص ال بحبه رجع وقالي انتي ليه بعدتي وانا عرفت قيمتك وانا مش قادر ابعد عنك وعرفت انه فعلا معرفش حد ف الفترة دي وحتي لو عرف كانت معرفة سطحية وبعد عنهم ورجع متغير جدا جدا للاحسن ولما حكيتله ان في حد متقدم اتصدم وقالي مش هستحمل انك تبقي لغيري وهحاول الفترة الجاية اتقدملك
مشكلتي دلوقتي اني خايفة جدا يحصل بينا نصيب والاقيه فجأه اتغير عليا وبعد واهله مش هيحبوا انه يتجوز من بلد غير بلدهم واهلي نفس الكلام ف هنواجه مشاكل جامدة في البداية وكمان بيقولي لو مقدرتش اتقدم خلال ال٥ شهور دول استنيني وبيترجاني اعمل كدا
استناه فعلا او اضحي علشانه واقف قصاد اهلي ولا اوافق ع الشخص التاني ؟
انا بحب الشخص الاوللاني جدا بس بحاول اكون عقلانية
ولو مجاش اتقدم عايزني استناه وبيقول لو مستنيتنيش يبقي براحتك بس مش هسامحك طول العمر ودي حاجة مستحيلة بالنسبالي علشان انا مخلصة تعليم اما هو عنده ظروف ومتأخر عني سنة ولو عليا معنديش اي مشكلة استناه لكن اهلي هيرفضوا َهيكون في مشاكل بيني وبينهم كتير ع مايوافقوا
الشخص اللي متقدم دا مناسب وكل حاجه بس مش فرحانة خالص بيه ولا حاسة اني هكون سعيدة معاه مع انه بيحاول يعمل اي حاجة عشان اوافق بس من جوايا اتعلقت بالشخص الاولاني وكمان ظروفه احتمال كبير متساعدش انه يتقدم ولما بحسبها بعقلي بخاف اضيع الشخص ال متقدم دا عشان مضمنش ممكن اندم عليه قدام
انا مش هديك نصائح كتير بس هقول لك انه 3/4 كلامك عقلاني اي حاجه كويسه الجوز الشعوري كده كده موجود وممكن اكون كان نفسي في قصه مختلفه بس مش اكتر من كده فكل ان انا نفسي في قصه مختلفه ده مش معناه ان انا هسمح لنفسي باني امشي عكس الاتجاه عقلي بيفكر فيه بشكل كبير واريح. لو انا قلته كان نفسي في قصه ممكن اقول انا كان نفسي اكون سندريلا يعني. علشان قصه سندريلا خياليه عشان فيها سوري كده افوره ان احنا بنسمعها عن الكفاحات واللي منها ناس واقعيه يعني ده مش معناه ان هي قصه ينفع كذا حد يعمل منها كوبي او ان هي خلاص اتربطت حب يعني تضحيه لا هو مش شرط خالص على فكره او حب يعني معفره بقى وان احنا نقف قصاد اهلنا على مش لازم هو مش لازم يكون هي دي قصه الحب اللي احنا نسميها قصه حب فظيع لا لو هنتكلم على قصه حب حقيقيه فهي القصه اللي مشيت صح؟ القصه اللي كانت بتعارف صح القصه الشخص خد فيها الوقت المناسب والتعارض بالطريقه المناسبه لحد ما وصل انه في مشاعر طلعت جوه طريق مظبوط وسليم مش طريق مكسر ووصلت للطرف التاني خليك في تفكيرك المنطقي لانه زي ما انت قلتي الاسباب كتير جدا تقول لك انه. الشخص الاولاني ده هو مش مناسب ليكي باشكال كتير الحاجات اللبلبه اللطيفه دي ما بتكملش عشان تبقي عارفه ما تكملش بالشكل ده خالص وهتبقى مجرد اطلال عايشين عليها يعني في وسط بقى الحياه الحقيقيه. فخليكي في التفكير المطافي وامشي الطريق الصح وسبت الشخص اللي متقدم لك وبرده تعاملي معاه لانك لسه بتعرفيه وابداي اعرفيه وشوفي اذا كان فيه حاجات مناسبه ولا لا اذا كان هيكون راجل قادر يوفر لي احتياجاتك النفسيه ولا لا وان شاء الله تلاقي فيه كل الخير وتقدري تكمله معك.
تم النشر الأحد، ٢٦ مايو ٢٠٢٤
أولاً الحب والعلاقات مش شيء سهل ودائماً بيبقى فيه تحدّيات. بما إنك مش عارفة هتعملي إيه، هقدر أساعدك تتخذي القرار الصحيح. أول حاجة لازم تفكري فيها إن القرار ده هو قرار حياتك، فلازم تحاولي تركّزي على مشاعرك واحتياجاتك الخاصة. لا يجب أن تتأثري بضغوط الآخرين سواء أهلك أو الشخص اللي متقدملك. إذا بتحبي الشخص الأولاني وعندك الشعور إنه هو اللي بيكمّلك وإنت عندك رغبة تبقى معاه، فيجب عليك أن تفهمي إن مستقبلك العاطفي مش شيء يتضح في خمس شهور بس. بتحتاجي وقت أطول عشان تعرفي إذا كان الشخص ده هو الشريك المناسب لو لا. افعلي اللي يحقق لك السعادة والراحة النفسية، ولا تتجبري على نفسك في اتخاذ القرار. وبخصوص الشخص اللي متقدملك دلوقتي، لا تستعجلي في قبول أو رفض العرض. اختاري الخيار اللي يجعلك سعيدة ومرتاحة. اتخاذ القرار ممكن يكون صعب بس اذا زميل اصدقاء اولا هو السبيل الي سيوفر الراحه النفسيه وظهور شخصيتك وطيبه جدا، لازم تحافظي على حقوقك وتضعي نفسك أولوية. لا تنسي إن اختيارك في النهاية هو اللي هيكون الأنسب و مش عيب تنتبهي لنفسك علشان تكوني سعيدة. احكيلهم الشخصين نظرتك للموضوع بصراحة واعتماد على مشاعرك، فالامور العاطفية مهمة وليست فقط عقلانية. انا هنا لأي استفسار تاني، قوليلي وهساعدك في أي وقت!
تم النشر الأحد، ٢٦ مايو ٢٠٢٤
صلاة استخدام وتوكلي على الله
تم النشر الاثنين، ٢٧ مايو ٢٠٢٤
صلي صلاة استخاره وشوفي نفسك استريحتي لمين
تم النشر الأربعاء، ٢٩ مايو ٢٠٢٤
لعرض السؤال في فدني اضغط هنا