جماعة بحب شخص حب من طرف واحد آذاني كتير و لسه بحبه و مش قادرة أنساه ولا اتخطى حرفياً بموت كل يوم الف مرة و بتعذب لما بشوفوا فالشارع بعيط و جسمي كله بيترعش و نبضات قلبي بتسرع ببقى حاسة اني هفقد الوعي بموت و بتعذب عشان شيفاه مكمل حياته و مرتبط ولا كأني كنت ف حياته مع العلم هو احسن مني فالشكل جدا و المكانة الاجتماعية ظروف أهله المادية أعلى مننا كان مرتبط بيا وقت عشان بيتسلى والله اعلم يمكن كان مرتبط بيا عشان ينسى حد انا مش الاولى ف حياته كان في كتير قبلي هو عنده 19 سنة و انا 18 ظروفه متسمحش أنه يخطب حالياً لأنه صغير و لسه قدامه جيش و شقه عايزة تتشطب و مسؤوليات يعني اقل حاجه عشان يخطب رسمي 3 سنين و احنا ف قرية ريفية البنت لو متجوزتش و عدت ال 19 العرسان بتبتدي تقل و يجيلها ناس كبيرة فالسنة و عروض الجواز بتبقى مش كويسة مش عارفه اتخطب و اشوف حياتي ولا استناه مش عارفه اشوف غيره قدامي مش عارفه اتقبل اي حد ف حياتي غيره مع أنه آذاني و شخص نرجسي و عديم المسؤولية و الذوق و هامجي جدا و صغير و طائش و بيعمل كل حاجه غلط و تاعب أهله معاه
ازاى ممكن توصفي الشخص ده بكل العيوب ده ومصممه لاخر لحظه علي التكمله فى الحب من طرف واحد الحب من طرف واحد ده مشقه وتعب كبير وياريتك بتحبي حد سنجل مثلا لا ده مرتبط اول حاجه هو مش بتاعك انا اسفه لو كلامى ممكن يدايقك بس فعلا هو مش من نصيبك انتى كنتى فتره ف حياتو جات ف وقت غلط بسبب انو كان طالع من علاقه فشله قبلك وهيفضل هو تايه ويجرب كتير فى علاقات وربنا مش هيسيبو بتسلي بالنسبه لكلام الناس عنك ميشغلكيش بجد الجواز ده مسؤوليه كبيره جدا لو انتى مش قدها اعترفي قدامهم ب ده انتى لو سمعتى كلام الناس لمجرد انك تريحي نفسك من كلامهم الي عمرو ما هيقل لأن الناس بتدعبس علي اى حاجه فى حياة اى شخص الي هو حد مش متجوز تفضل تتكلم عليه لما يتجوز تقولو مش هجيب عيل وممكن يخلف وهو اصلا مش لسه عارف ازاى يقدر يشيل مسؤلية طفل بس هو خلف لمجرد انو يريح نفسو من كلام الناس طب وراحته الشخصيه ؟ فى اثباتات كتير علي وجود ربنا ومع ذلك فى ناس مصممه تقول إن الله لا يوجد وناس بتتهم الرسول بكلام كذب ما بالك انا وانتى وكلنا ك بنأدمين اكيد فى ناس بتقول علينا كلام ؟ انتى كده بتضعفي نفسك اهتمى بدراستك انا معتقدش انك بتحبيه انتى متعلقه بيه والواضح انك لازم تراجعى الفرق بين الحب والتعلق انتى صعبان عليكى فكرة أن هو نسيكى مع أن هو دلوقتى زمانو قاعد بيكلمها هل هو بيفكر فيكى ؟ حطى عيوب قدامك ادعى ربنا يبعدو عنك انا بردو حبيت من طرف واحد وكنت أما بشوفو بحس أن كل حاجه ف جسمى تعبت لكن هو ارتبط بصاحبتى المقربه يعنى خسرت شخصين ومع ذلك أما مقتنعه تماما أن العيب مش منى وان انا مينفعش افرض نفسي علي حد اصل الحب ده مش بالعافيه وده ميقللش منك مصر كلها ده أن كان العالم كلو بيحب ناس من طرف واحد مش لازم الحب يتبادل اكيد حد حبك أو لمحلك وانتى مستلطفتهوش وده شىء طبيعي ده احنا نشك اصلا لو الحب كان من طرفين 😂 اصل الحجات دى بتبقي صعبه لو هو معاكى ف درس انقلى مجموعة او اى مكان ابعدى هو زمانو بيقولها دى لما بتشوفنى بتدايق أو انك ضعيفه لكن لو شافك كارفالو والله هيتمنى يرجعلك متجريش ف مشوار اخرو حيطه سد بجد هو ميستاهلش منك كل ده لو بتراقبيه علي السوشيال أو بتعرفي اخبارو بلااااش لو بتقارني نفسك بشكل حبيبتو أو بشكلو بلاش بجد وبعدين ايه يعنى معاه فلوس وشكلت مقبول ؟ ما هو تايه فى الدنيا عمال يحب ف اى بنت وخلاص وحياتو مش احسن حاجه الله اعلم بالي ف القلوب يمكن هو بيشوف المر مع اهلو وبعدين انا متاكده أن انتى تستاهلي حد احسن وبعدين لو نفترض أن هو سابها وجالك هل هتكونى مبسوطه وانتى بتعافرى وانتى الي بتراقبي وانتى الي بتتعبي نفسك وهو قاعد ملوش لازمه فى الحياه ؟ ربنا هيجبر بخاطرك لو شغلت نفسك بحاجه او تتعلمى حاجه او تسمعي حاجه معينه مش هيجيلك وقت وطبعا مش محتاجه اقولك جو تامر عاشور واغنيه مكملناش والاغانى الي بتخلي الواحد ينزل شلالات دموع دى تنسيهااا خااالص متسمعيش اى اغانى حزينه اولا هتفكرك بيه بجد ثانيا الاغانى حرام عمتا انصحك ب بودكاست مهم جدا اكتبي علي اليوتيوب بودكاست فنجان والله هتتغير فكرتك عن حجات كتير الفيديو ٣ سعات قسميه بس لو شوفتيه هتخلصيه ف نفس اللحظه هيغير حجات كتيره انا متأكده اسمو بودكاست فنجان عن العلاقات مع الشيخ ياسر الحزيمى🤍
تم النشر الأحد، ٢٤ ديسمبر ٢٠٢٣
طب ازاي وانتي بتقولي كدا انتي مش قائلة عشان تستاهلي دا شوفي حياتي ربنا يرزقك اكيد بحد يعوضك بس كده أنتي بتدمري حياتي علي حاجه متستهلش♥️♥️
تم النشر الأحد، ٢٤ ديسمبر ٢٠٢٣
طيب ده راجل مثالي اهو وفيه كل الصفات الل تقوي ارتباط قلبك بيه ورغبتك فيه واصرارك عليه وتمسكك بيه، .... الله يسترها معاكي انا بتتريق .. العالم صاير رحيم قوي وقلبه فضفاض وحساس زياده كده، بستغرب كل العيوب دي واسمه حب ، حب ازاي يعني على ايه عقلاني، ايه الصفة العقلانية المنطقية الل خلاتك تقعي ف حبه او تتعلقي بيه كده.. عملك ايه ف حياتك يعني ساعدك او ساندك بيه، ايه الظروف الصعبة الل انقذك منها او ساعدك فيها، ايه المواقف الشديدة الل كان جنبك فيها وليه الحق يكون جنبك فيها، .. هو اولا رد فعلك معاه واستجابتك لكل العيوب دي والتصرفات بتاعته ده رد فعل مش منطقي الحقيقة وملوش مبرر غير الضعف .. وعلاقة مبنية على الضعف والوهن، مش هتكمل لأتفه الاسباب، ارجوكم اتحلوا بالقوة واحتكموا للعقل وموازنة الكفوف وماتظلموش نفسكم، ماتظلميش نفسك وتعلقيها التعليقة الغير متساوية دي، غير عادلة، يعني حكم غير عادل على وجدانك .. قلبك غالي ماتظلمهوش واعطيله حقه
تم النشر الأحد، ٢٤ ديسمبر ٢٠٢٣
من كان دخوله في حياتنا سبب اذي فخروجه خيراََ كبير حاسس بيك وعارف كل مشاعرك طب انا اتسبت ليه طب هو عمل ليه كده طب وطب وطب أفكار كتير هتكون في دماغك بس أفتكر دايما أن افضلك إنك تتخطي ومتفكرش في الموضوع وابعد عن أي حاجة تسببلك أذي نفسي الفترة دي واشغل وقتك بحجات تعود عليك بالمنفعة
تم النشر الأحد، ٢٤ ديسمبر ٢٠٢٣
والله شكراً جدا اه فدتيني انا بحاول أنساه مش عارفه و هتجنن لما اشوف نفسي مش فارقه معاه بيقابني فالشارع بيعمل نفسه مش شايفني كأني مش موجوده
تم النشر الأحد، ٢٤ ديسمبر ٢٠٢٣
حتي حرام عليكي نفسك بتقولي انة عايش حياتة وةالدنيا فلل ف يعني حرام جدا نفسك
تم النشر الأحد، ٢٤ ديسمبر ٢٠٢٣
قدسي نفسك يحبيبتي ومتخليش اي حد يجي عليكي اي كان مش معني انك بتحبية يبقا خلاص الدنيا انتهت ومفيش دنتي حتي بتقولي علية شخص مستهتر وفية وفية يبقا تشوفي حياتك وتفوقي ومن كل داا وتكبري منة خالص وبجد لو في نصيب هتكوني لبعض بس متعمليش في نفسك كدا وافتكري انة مش اخر شخص على الكوكب عارفة اني كلامي جارح شوي بس دي الحقيقة حبي نفسك وفوقي
تم النشر الأحد، ٢٤ ديسمبر ٢٠٢٣
و نعم بالله
تم النشر الأحد، ٢٤ ديسمبر ٢٠٢٣
رأى هو أن لو ربنا كاتبلك خير معاه هيقربو منك شر هيبعدو ف سلمى الأمر لله
تم النشر الأحد، ٢٤ ديسمبر ٢٠٢٣
اولا/ لازم يكون عندك اداة تحكم في شخصيتك ومشاعرك الشخصيه امتى نحب وامتى نكرة ودا هايتم عن طريق تدريب نفسك بفسك والطريقه دي بتعتمد على الثقه بالنفس لازم تقنعي روحك انك مكتفيا بيها ومش مستنيه حد يواسيكي في ظروفك في كل حالاتك الشخصيه وعشان تخلي كل البشر تحت افكارك ويسمعه كلامك لازم تكوني نجحه في عملك او دراستك في الوقت دا الكل هايبقا تحت رجلك ساعتها تقرري مين هايفضل ومين نقوله بالسلامه بالسلامه 😍
تم النشر الخميس، ٢٨ ديسمبر ٢٠٢٣
بصى هو لو بحبك ولو فى فقلبه ذره حب تجاهك دموعك مش هتهون عليه حاولى على قد ماتقدرى تنسيه زى ماهو نساكى
تم النشر الأحد، ٢٤ ديسمبر ٢٠٢٣
اتمني اكون فدك باي حاجه
تم النشر الأحد، ٢٤ ديسمبر ٢٠٢٣
لعرض السؤال في فدني اضغط هنا