متسيبيش السبحة من ايدك الاستغفار والتسبيح .....يلين القلب افرشى السجادة واقعدى وانتى متوضيه وتذللى الى الله وقولى تولنى فى من توليت ....واللهم ردنى اليك مردا جميلا اقرأى شوية عن عذاب النار وعن اسماء الله ( الجبار القادر القهار المنتقم المذل ) عشان تحركى سكون نفسك ده ....هى بتبقى النفس والقلب اتغطوا بطبقة تقيلة من الذنوب محتاجة تتزلزل . اسأل الله ان يلهمك توبه نصوحة تعيدك الى الله هرولة شكرا انك سألتى وارجوكى متكسليش تعملى كده
تم النشر الاثنين، ٣٠ يناير ٢٠٢٣
احساسك دا بالذات محتاجه تتوبي الى الله منه. وانصحك لو بتسمعي اغاني بطلي تسمعيها واكثري من قراءة وسماع القرآن وصلي اهم حاجه تكوني بتصلي لان مفيش مسلم مش بيصلي. وادعي كتير ان ربنا يرقق قلبك لان قسوة القلب دي حاجه كبيرة جدا. واذكري الله كتير جدا جدا جدا لان ربنا عز وجل قال( ألا بذكر الله تطمئن القلوب) وارجع واقول قراءة القرآن اهم حاجه والبعد عن الاغاني والافلام والمسلسلات لان الاشياء دي بتؤذي القلب وتقسيه وغير كده بتخلي المشاعر تخرج في غير محلها
تم النشر الاثنين، ٣٠ يناير ٢٠٢٣
اسمعي فيديوهات عن الجنة والنار ... ويا ريت تزورى المقابر وتتمشي فبها شوية ... صلى كتير باليل وادعى ربنا يبدل قلبك لقلب خاشع
تم النشر الاثنين، ٣٠ يناير ٢٠٢٣
لعرض السؤال في فدني اضغط هنا