لو حد عند فكره عن الجاثوم أو ازاي اتخلص منه او علي الاقل الاحساس الأشبه بالموت دا يقل شوية لاني بجد وصلت لمرحلة اني بخاف انام دا غير أن بقي في هلاوس بصرية وسمعية انا دورت كتير وشفت آراء شيوخ وعلماء بس بصراحة مش مصدقة ابدا ان دا ممكن يكون جن وانه بيجي بس للناس اللي بعيد عن ربنا
السلام عليكم، مش حكاية إنه بيحصل للناس البعيدة عن ربنا، ده شلل النوم وبيحصل لناس كتير وله أسباب عضوية وممكن يحصل لأسباب نفسية. اقرأي الإجابة على السؤال ده هتفيدك بتفاصيل اكتر https://www.islamweb.net/ar/consult/2497794/أعاني-من-تسلط-الجاثوم-فهل-هو-من-الجن المقال ده كمان مفيد وفيه معلومات كتيرة عن الجاثوم https://www.ajnet.me/health/2021/11/12/الجاثوم-شلل-النوم-2 بالنسبة لموضوع الهلاوس البصرية والسمعية ده محتاج متابعة مع مختص. لكن كل اللي عليكِ من ناحية الدين إنك تحافظي على أذكار الصباح والمساء وداومي على قراءة سورة البقرة يوميًا، لو مقدرتيش تقرأيها كاملة قسميها على 3 أيام، وكمان الرقية الشرعية، كلها هتفيدكِ حتى لو كانت الأعراض اللي عندك ملهاش علاقة بإصابة روحانية.
تم النشر الأحد، ٦ أبريل ٢٠٢٥
دايما حصني نفسك بالقرآن والصلاه والقيام وآية الكرسي ونامي بس ساعات النوم الكافية ليكي ومتستخدميش الموبايل قبل النوم كتير دي نصايح حد نصحني بيها في المجال النفسي الموضوع متعب جدا انا عارفة ومجربة كتير وكنت بعاني والحمد لله الا حد ما معدش بيجيلي
تم النشر الأحد، ٦ أبريل ٢٠٢٥
السلام عليكم ورحمه الله وبركاته انا كنت سالتك في تعليق عن هل فعلا علاقتك بربنا يعني انت محافظه عليها الصلاه والاذكار لاني بس استغربت ان ايه انت بتقولي انا شايفه مش مصدقه انه ممكن يكون حاجه بتيجي بس للناس اللي بعيده عن ربنا لا هي مش حاجه بتيجي من بس للناس اللي بعيده عن ربنا ااا هي العكس بيكونوا الاشخاص اللي هم قريبين من ربنا محافظين على الصلاه والاذكار دي بتكون واحده من محاولات العالم الاخر انه هو يحاول يسيطر عليا بشكل ما ودائما بيحاول يسيطر على الاشخاص اللي هم معروف يعني من جواهم او واضح فيهم ان هم مجاهدين بس الفكره كلها انه هنا بيكون في ممكن بتبقى شبه الحلم ممكن تتحول لشكل من اشكال التخيلات كل ده بيكون ناتج عن ايه ان انا دماغي شغاله ما بتقفش ما بعرفش يعني اوقف دماغي عن التفكير حتى في مرحله ا الامور الروحانيه خالص.لنوم لما بيكون عندي كمان حاجات انا. بعاني منها حاجات انا مش عارف اعبر منها برده الحاجات دي طول ما هي بتبدا تطلع اكثر وقت ما انا داخل انام دي برده بتكون بتساعد على نفس الحاله دي الخاصه بالجاثوم وجسمي ممكن يحصل فيه كده طيب دي كده الاجزاء اللي لها علاقه بالنفسيه ايه الجزء اللي ممكن يكون جسدي يكون سبب من الاسباب لو انا في عندي مشكله في العضلات عضلاتي اغلب الوقت متشنجه او عندي نقص في الفيتامينات اللي بتاثر على الاعصاب وعلى العضلات انا هحس بنفس هحس ان انا جسمي متخشب وجسمي ممسوك وانا مش قادره ان انا اقوم او افكه وهكون في مرحله ما قبل النوم فكل ده هيديني نفس بالظبط الحاله بتاعه الجاثوم اللي هي جسديه لكن ما لهاش علاقه
تم النشر الأربعاء، ٩ أبريل ٢٠٢٥
عزيزتي ياسمين، أفهم تمامًا مخاوفك وتجربتك الصعبة مع الجاثوم أو ما يعرف بشلل النوم. هذه الحالة قد تكون مقلقة للغاية، خاصة عندما يصاحبها هلاوس بصرية أو سمعية. المتخصصون في الطب النفسي يؤكدون أن هذه الظواهر قد تكون نتيجة للضغط النفسي، التعب الشديد، عدم انتظام النوم، أو حتى بعض العوامل البيئية. للتعامل مع هذه الحالة، يمكن اتباع بعض النصائح العملية: تحسين نمط النوم : حاولي أن تخلقي بيئة مريحة للنوم، ومن الأفضل أن تحددي أوقاتًا ثابتة للنوم والاستيقاظ، مع تجنب الكافيين والمشروبات المنبهة قبل النوم. التقليل من الضغط النفسي : حاولي ممارسة أنشطة تسهم في تقليل التوتر، مثل القراءة أو الكتابة أو حتى الاستماع للموسيقى الهادئة. الصلاة والذكر : التوجه إلى الله بالدعاء والصلاة قد يكون له تأثير إيجابي كبير على حالتك النفسية. حاولي قراءة الأذكار قبل النوم. استشارة مختص : إذا استمرت هذه الأعراض، أنصحك بالتوجه إلى طبيب مختص لإجراء التقييم المناسب والحصول على العلاج إذا لزم الأمر. تذكري، أن الحالة النفسية والبدنية مترابطة بشكل كبير، ومن المهم أن تعتني بجميع جوانب صحتك. لا تترددي في طلب المساعدة إذا كنت بحاجة إليها. أتمنى لك السلامة والراحة.
تم النشر الأحد، ٦ أبريل ٢٠٢٥
حاولي تحافظي علي نومك لان اولا الجاثوم لو كنتي مشتته او نومك مش طبيعي. هييجي لك و حاولي ما تفكريش كتير قبل النوم و خصوصا فيه او انو لا خايفه انام عشان الجاثوم. اما عن موضوع الجن فا ممكن تسمعي رقيه شرعيه عشان يهدي قلبك لكن حسب اعتقادي لا. الجاثوم حتي كان ييجي لي لما اكون متوتر او خايفه ا نومي مش مرتب. غير كدا في مشكله. و شكرا
تم النشر الاثنين، ٧ أبريل ٢٠٢٥
صراحة أنا لا اعلم شيء فهدا الموضوع لكن اتمنى لك الشفاء العاجل أن شاء الله
تم النشر الاثنين، ٧ أبريل ٢٠٢٥
الحمدلله محافظة علي علاقتي بربنا بس انا اعتقد ان دا ملوش علاقة بالدين وليه علاقة اكتر بالجانب النفسي او الجسدي وكمان انا سمعت علماء دين كبار بيقولوا انهم بيعانوا منه عشان كدة معتقدش انه ليه علاقة بمقدار التدين
تم النشر الأربعاء، ٩ أبريل ٢٠٢٥
أقترح القيام بالرقية الشرعية لأنها من هدي الرسول صلى الله عليه وسلم في كل الأحوال. https://youtu.be/wth5r2c6-Og?si=Cghft6Y_AJ6HDbwY
تم النشر الثلاثاء، ٨ أبريل ٢٠٢٥
هل علاقتك بربنا من فروض او اذكار محافظه عليها ؟
تم النشر الثلاثاء، ٨ أبريل ٢٠٢٥
لعرض السؤال في فدني اضغط هنا