عندى 18طالبة ف ثانوية عامة ،
ولد قدى بس ثانوى فنى دخل كلمنى وقالى انو بيحبنى من اعدادى فضل يقنع فيا عشان اكلمه وف الاخر وافقت بس ضميرى بيأنبنى جداً انا عارفه انى غلطانه وانى غلط ف كل اللى بعمله...بقالنا 3شهور بنتكلم بس ديما نتخانق...حاليا بقالى اربع ايام مكلمتهوش وقررت انى انهى العلاقة دى بس لما بيكلمنى بحن تانى وافتكر الوعود اللى بينا وارجع اكلمه من تانى..من اسبوعين اتخاصمنا وقالى اننا لازم نبعد فتره عشان انو تعب نفسياً بسبب ظروف ما وان بباه صعبان عليه وساعتها انا انهارت من العياط وقلتله انا هفضل معاك مش هسيبك لوحدك،ومن ساعة م قالى كده والكلام قل بينا واخر مره اتكلمنا اتخانقنا ومتكلمناش تانى ،بس انا فكرت انى ابعد المره دى ومش عارفه ابدا ازاى وهل لما يكلمنى ارد عليه ولا اعمل اى نفسيتى تعبت بجد من الضغط ومن المزاكره.
مش عارفه انا بحبه ولا مجرد انه قالى بحبك حبيت الموضوع ،احنا من نفس البلد بس ولا مره اتقابلنا من ساعة م كلمنا بعض.
انصحونى نصيحة لوجه الله 🖤.
تربيتك وفطرتك الحمدلله سليمة وبتأنبى نفسك على حاجة غلط دى مشاعر لطيفة اه من كلمة اثرت فيكى لانك فى مرحلة بلوغ وهو كمان وانتى طبيعى تتأثرى بس ده مش حب حقيقى ولا نوع الحب اللى بيستمر نوع الحب اللى بيستمر هو الحب اللى على الطريق الصحيح انتى مش محتاجة نصيحة ...انتى محتاجة نأكدلك انك صح ونقولك كملى ووقفى الكلام ده فورا واقطعيه نهائى ومهما حصل متتكلميش تانى مع حد فى حب الا لما يكون دخل البيت من بابه عشان هو ده الراجل اللى بجد. ربنا يحفظك ويثبتك على الصواب
تم النشر الأحد، ٢٠ نوفمبر ٢٠٢٢
حضرتك ممكن تعملي حظر علي كل المواقع بحيث الموضوع ميتفتحش تاني بينكم وهتنسي مع الايام وممكن تكلميه تقوليله ان العلاقه بينكم خلاص لازم نسيب بعض وكده وتقفلي الموضوع بحيث ان خلاص مفيش كلام ما بينكم مهما حصل لانها اولا معصيه وثانيا انتو مش مواهلين لكده في الوقت ده والحجات دي بتاثر علي مذاكرتك خصوصا انك في ثانويه
تم النشر الأحد، ٢٠ نوفمبر ٢٠٢٢
انت قولتي حاجه مهمه جدا ان ضمريك مش مطاوعك ع كلامك معاه وعلاقتك بيه عشان طبعا من ورا اهلك .. انا كنت زيك كدا وعمري ما كلمت شاب واول واحد كلمته كنت مضايقه من نفسي جدا بس ف الاخر قطعت علاقتي بيه فضلت طبعا فتره كبيره حسه بفقدانه بس بعدها عرفت انه كان مجرد شعور الواحد ما بيصدق يلاقي حد يخرجه معاه مش اكتر ..
تم النشر الاثنين، ٢١ نوفمبر ٢٠٢٢
اهتمي بدراستك ومستقبلك وده سن مراهقه مشاعرك هتتغير وبردو سن اكتر الولاد يلعبو بالمشاعر وحوارات فبلاش تقيدي نفسك في علاقه غلط وملهاش اي فائده ليكي غير انها هتعطلك في دراستك قربي من ربنا واهتمي بصلاتك ودراستك دول اهم حاجه وهيفدوكي ومش مجرد نصيحه دخلت اقولهالك بس عشان انا فعلا مريت بالتجربه وخسرت كتير بعدها😔
تم النشر الأحد، ٢٠ نوفمبر ٢٠٢٢
شوفي يا حبيبة قلبي المستقبل قدامك لسه طويل اهتمي لمستقبلك وتكوين نفسك الاول مفيش حاجه مضمونه تدريب وطوري نفسك وبعدين حبي لما تحسي انك ينضج كفاية لاقامه علاقة
تم النشر الأحد، ٢٠ نوفمبر ٢٠٢٢
انتم الاثنين صغيرين وانت عاطفية وحنينة جدا ومشاعرك دي مش اي حد يستحقها . ركزي في حياتك واشغ ل نفسك بمذاكرتك ودراستك وادعي ربنا يرزقك بالزوج الصالح
تم النشر الثلاثاء، ٢٢ نوفمبر ٢٠٢٢
السلام عليكم حبيبتي انا جاية ليكي من المستقبل... يعني حصل نفس الشئ أمامي ف سوف اعطيكي خبرة سنوات أولا حبيبتي انتي اول شئ حكيتيه تعليمك وتعليمه ف أكيد الأهل أول شئ بينظرو له هو التعليم فهذا الشخص غير مناسب فكريا لمستواكِ وهاتلاحظي كده اذا استمريتي معه وانتي لسا صغيره لتحكمي حياتك برجل من الآن ثانيا اللي بيحب بيجي ع بيتكن بيدق الباب وبيشوف رأيك عن طريق اهلك اذا غير كدا بيعني شئ مش حلو يعني انتي ايش اللي ناقصك لحتى تحبي في الظلام مو متل المخطوبات انتي مثلا او المتزوجات بيحبون بالعلني في مثل يقولك يضل العسل بمكمره لحتى يجي اللي بيقدره
تم النشر السبت، ١٧ ديسمبر ٢٠٢٢
معلش بس اعزرني بس ممكن تفكر من نحيتو هو ده مهما كان ممكن يكون شخص كويس متظلمهوش وهو اكيد ممكن بيكون بيفكر بحلال ربنا وانو مهما كان ليه قلب واكيد حس بالحب من نحيتك ده النبي (ص) قال ربي لا تلومني فيما لا أملك وهو يقصد قلبه ومشاعره تصارح معاه وشوف النية من نحيتو وقدرو وراعي ظروفه 😓🌹☕
تم النشر الجمعة، ١٦ ديسمبر ٢٠٢٢
احسن حاجه أن ضميرك لسه صاحي .ولسه ثابته علي دينك ومبدأك .بصي هي العلاقه دي حرام لأن مش شرعيه . علشان العلاقات الشرعية بتبقي للرجالة بس اللي بيخشوا البيت من بابه .بلاش تخلي كلام زي بحبك وكده يخدعك لازم تتصرفي بعقلك وتعرفي فين الغلط والصح وتوشيفي الصح وتعمليه ♥️
تم النشر الأربعاء، ٣٠ نوفمبر ٢٠٢٢
١٨ سنة والعمر كله قدامك وانتي بضيعيه دلوقت ليه؟ انتي فعلا جاوبتي على نفسك، انتي مش بتحبيه، الحب مش كده يا حبيبتي، الحب مش كلمة بتتقال وخلاص. لما تكبري شوية هتعرفي أن اللي كان كل اللي بيحصل أنه كله مجرد لعب، ومشاعر مراهقة. طبيعي في السن ده، لكن اديها قيمتها الحقيقية، قيمتها هي مجرد مشاعر مراهقة لكل اللي في السن ده لا اكثر ولا اقل. ركزي من فضلك على مذاكرتك، مضيعيش ثقة بابا وماما فيكي، مضيعيش تعبك وتعبهم. أنتي في المرحلة ديه المفروض كل شغلك الشاغل هي مذاكرتك. وهو اساسا مش بيحبك يابنتي، في الاخر ممكن يكون بيضحك عليكي، انتي ايه اللي خلاكي تثقي فيه اساسا؟ جبتي كل الثقة ديه منين؟ الشباب في السن ده ل أما بيكونوا بيخبطوا في حياتهم ومحدش فاهم نفسه اساسا ومش عارف هو بيعمل ايه؟ ل أما البعض للاسف برده بيتسلى. احفظي كرامتك من فضلك وابعدي، اعملي بلوك من على كل السوشيال ميديا والفون... كل حاجه.! واهتمي بنفسك وبمذاكرتك، ومتستعجليش الحاجات ديه جاية جاية .. بس كله في وقته. أتمنى ليكي كل التوفيق
تم النشر الثلاثاء، ٢٢ نوفمبر ٢٠٢٢
بصي ابعتي مسدج وضحي فيها اسباب رغبتك في الانفصال(ان الموضوع ده حرام مثلا)وياريت ده يكون في مسدج بس مش كلام بينك وبينه لإنك هتحني زي كل مرة وبعد كده اعملي حظر ❤
تم النشر السبت، ١٧ ديسمبر ٢٠٢٢
للمرة المليون ركزي في حياتك و سيبك منه تماما و طريق الجواز معروف ..ييجي يتقدم لما يكون عنده إمكانية غير كده لاء لان اي سيناريو تاني هتكوني خسرانة فيه و هتكوني استهلكت مشاعرك في تجربة مضيعة للوقت الاحسن توفري تعب القلب و الأعصاب للشخص اللي هيكون من نصيبك مش لأول واحد جاي يعرض نفسه ، ركزي في مستقبلك
تم النشر الاثنين، ٢١ نوفمبر ٢٠٢٢
حبيبتى بنتى انهى الموضوع وخلاص كدا جاب اخره ...لانه مفيش توافق دا اولا وتانيا انت لسه صغيره وقدامك المستقبل وهتلاقى فتى احلامك ف الوقت المناسب وخليك ف مستقبلك دا اهم حاجه صدقينى
تم النشر الأحد، ٢٠ نوفمبر ٢٠٢٢
أنت جاوبت نفسك بنفسك يا بنتي .. مجرد أن شخص قال لك بحبك لقيتي نفسك حبيتي الموضوع .. مش عارف مال بنات اليومين دول عاملين كدة ليه!! لما عدد الخناقات بينكم يوصل ٥٨ ابقي طمنينا على مجموعك في الثانوية العامة!
تم النشر الأحد، ٢٠ نوفمبر ٢٠٢٢
معلش بس اعزرني بس ممكن تفكر من نحيتو هو ده مهما كان ممكن يكون شخص كويس متظلمهوش وهو اكيد ممكن بيكون بيفكر بحلال ربنا وانو مهما كان ليه قلب واكيد حس بالحب من نحيتك ده النبي (ص) قال ربي لا تلومني فيما لا أملك وهو يقصد قلبه ومشاعره تصارح معاه وشوف النية من نحيتو وقدرو وراعي ظروفه 😓🌹☕
تم النشر الجمعة، ١٦ ديسمبر ٢٠٢٢
فيه معايير تقدري تحطيها عشان تقدري تحددي اذا كان دة غلط او لا .المعيار الديني بيقول انه غلط .المعيار الاخلاقي بيقول انه غلط لانك بتعملي حاجة غلط ومن ورا اهلك اتمنى تثبتي ومترجعيش تتكلمي معاه لان حتى لو مش شخص لعبي فهو سنا صغير جدا ان يكون فيه ارتباط رسمي ويتقدم لاهلك فكدة الكلام بينكوا هيستمر لامتى
تم النشر الأربعاء، ٣٠ نوفمبر ٢٠٢٢
السنة دي سنة ٣ ثانوي وعدينا الامتحانات كانت صعبة بتمنالك النجاح لنا وايأكم وخلي ثقتك في ربنا كتير وكل حاجة بتعدي انت بس اطمئن وممكن تسمع نونية الامام القحطاني هتساعدك جدا وهتلاقي اجابات كتيرة لاسئلتك+كل التوفيق (: 3>
تم النشر الخميس، ٢٧ يوليو ٢٠٢٣
:) (: :) 3>
تم النشر الخميس، ٢٧ يوليو ٢٠٢٣
تخيل كده تبقى حاطط كمية عشم وفرحة كبيرة جدا في شخص قدامك وانت مقدمتش شئ مثلا يثبت انك حبيتو بنفس حبو ساعتها هو بيحاول يبتكر اي طريقة عشان يحسسك انو محتاجك فعلا حتى لو طلب منك ده او طلب انو يبعد اعرف انو محتاجك وممكن تغير حياتو وتقلبها حتي لو بخطوة صغيرة منك😓☕
تم النشر الجمعة، ١٦ ديسمبر ٢٠٢٢
لعرض السؤال في فدني اضغط هنا