انا نفسي تغيرت مش عاجبني نفسي وشكلها وحياتها زهقت حاسة اني ايامي كلها ملل واحد حاسس انه مش قادر وانا عارفة اسباب بس مش عارفة أغيّر
كنت في الأول بقدر أغيّر حاجات في حياتي دلوقتي لا كمان مضغوطه الفترة ديه جدا مشكله ان حاسة اني بضيع من أي حاجه حاسة اني عايزة تكون حياتي أحسن نفسي انتظم في الصلاة نفسي أقرأ قرآن
بحس ان لما بقوله هعمل حاجه وعمل وتاني وخلاص مش بكمل لما بقا حماس قل وفي نفس الوقت نتيجه مش على طول وده اللي بخليني مش عايزة اكمل
أعمل ايه؟ نفسي أتغير، نفسي محسش بملل عايزة حياتي تكون حلوة مبهجه عايزة أتغير ومش عارفه وكما مش واثقة في نفسي ولا عندي أصحاب ولا ايه حاجه كل للي بعملو اني ماسكه الموبيل في ٢٤ ساعه
اي عمل نعمله لازم يكون وراه حافز .. والحافز هو دعم ذاتي وهو مرتبط بقبول النفس ... منطقيا لو واحد مش بتقبله ازاي هحفزه ... فإذا انا مش متقبل نفسي الأصلية مش هحفزها بلطف ولكن بجلد ذات ... وهنا تزيد المشكلة اني كاره نفسي وبجلدها والومها فأكيد هكون متضايق ومش هيجيلي نفس لأي حاجة بل بالعكس هدور على المثالية والكمال وأصعب على نفسي اكثر فمش هعمل حاجة في النهاية ... فباختصار قبول > تحفيز > عمل ... إبدأ بأي واحدة من الثلاثة دول واستمر عليها وهتلاقي الإثنين الثانيين جهم تلقائيا
تم النشر الخميس، ١٠ أبريل ٢٠٢٥
السلام عليكم اختي، اعرفي انو التغيير بحياتك بتكون نتيجة تغيير روتين يومك، ما بنفع بس تقولي عاوزة وانما فوتي الاشي على نظامك، والنتائج صحيح مش دائما فورية بس راحة البال بتكون فورية لما الاشي بتعلق بالقرب من الله. حابة تصلي؟ قومي صلي ما تفكري ببعدين اذا قصّرت بالصلاة، ما تفكري ببعدين فكري حاليا باللحظة، لانه التفكير بالمستقبل مرات بيحرقلنا اوقاتنا الحالية. ابدئي بالاستغفار جيبي مسبحة واستغفري ربنا على كل تقصير. جيبي ورقة وقلم واعملي برنامج ليومك؛ بحيث انه تستغلي كل لحظة اختي. يعني مثلا: ١. اصلي الفجر ٢. اذكار الصباح ٣. اقرأ قرآن ٤. اشوف برنامج عن السيرة النبوية... وحاولي فوتي بهجة على حياتك بامور بسيطة حتى، مثلا جيبي "ستيكيرز" وزيني دفتر البرنامج فيو... السوشال ميديا بيضيع اوقاتنا وطاقاتنا، ابدئي بهاي اللحظة واذا في عندك اي تساؤلات انا جاهزة اجاوبك. بالتوفيق🌸
تم النشر الخميس، ١٠ أبريل ٢٠٢٥
بصي هقولك اول حاجة انك تبعدي التليفون تماما عن حياتك تاني حاجة انك تكتبي بس تلت مهام تعمليهم حتي ولو بساط جدا و التزمي كل يوم ب نص صفحة قرآن و كافأي نفسك طول الوقت و حاولي تتفرجي علي اي فيلم كرتون ( بلاش مسلسلات و الحاجات اللي فيها ممثلين وناس علشان حرام) ممكن تتفرجي علي نوع من الأفلام اسمه افلام استوديو غيبلي و بالنسبة لموضوع الصحاب حاولي لو انتي طالبة تتعرفي علي زميلتك اللي قاعدة جمبك ولو بتشتغلي اتعرفي علي زميلتك في الشغل و حاولي تتكلمي معاها و بالنسبة لموضوع شكلك ده لازم تعرفي أن الشكل مش مقياس اهم حاجة الاخلاق و الدين و لو مدياتك كويسة جيبي منتجات للبشرة بس اهم حاجة تفضلي راضية عن شكلك و اهم حاجة ترضي ربنا و اهم حاجة التزمي بدينك و ربك و النص صفحة قرآن و صدقيني ربنا هيكرمك ❤️ إذا الأمر نفع معاكي لا تنسيني في دعواتك يا قمر و بإذن الله كل حاجة هتتحسن
تم النشر الخميس، ١٠ أبريل ٢٠٢٥
السلام عليكم ورحمه الله وبركاته انا هقول لك على حاجه وعايزاكي تبداي تجربيها. لو عندك هدف بتقومي عشانه كل يوم ده تقدري تحطي عليه كل التاسكات او كل المهام اللي انت هتعمليها في اليوم كله وهتحسي في يومك بالانجاز وهتحسي انك اللي انت قمتي عشان الصبح فعلا اشتغلتي عليه طول اليوم وحققتي حاجات منها او حققتيها كلها ده هيخليك تعرفي ثاني يوم لما تقومي يا ترى عايزه تعملي نفس الهدف مره ثانيه بس تشتغلي عليه وتعمليه بشكل احسن ولا حابه تحطي هدف جديد طيب كل يوم هقعد افكر في هدف هنا بقى بتيجي افضل حاجه تتعمل بدل ما كل يوم افكر هو انا هاص بتنتهي شكلها عامل ازاي هو ده اللي هيحدد لك وهو ده اللي هيبقى هو المشجع الدائم عندك هو هيبقى الحافز اللي كل شويه هتفكري نفسك بيه فكل يوم هتبقي عارفه انت صاحيه الصبح تعملي ايه ايه الهدف اللي انت بتسعي وراه هتحطي كل مهامك بناء على الهدف ده اتمنى النقطه دي لو فكرتي فيها شويه تساعدك وتخليكي تحسي انك بتطوري نفسك او بتتحركي للافضل.حى بكره علشان هدفي في الحياه يكون ايه انا محتاجه اكون عندي هدف كبير هيبقى عامل بالنسبه لي زي النور اللي في اخر الطريق انا عايزه اوصل هناك انا هفضل ماشيه الطريق ده ايا كان ايه هو عشان انا عيني على النور او عيني على الهديه اللي في اخر الطريق ايه هدفي انا عاوزه اوصل لايه انا عاوزه مثلا اعيش حياتي كلها وامشي الطريق كله واعيش الايام كلها عشان خاطر ابقى في نهايه الطريق انسانه ناجحه بالطريقه الفلانيه هي بقى الطريقه الفلانيه دي عاوزه تنجحي ازاي عاوزه؟
تم النشر الأحد، ١٣ أبريل ٢٠٢٥
عزيزتي، أقدر تمامًا مشاعرك وأفهم أنك تمرين بمرحلة صعبة من حياتك. الشعور بالملل وفقدان الحماس هما أشياء طبيعية يعاني منها الكثيرون في أوقات معينة. لكن من الجيد أنك تدركين ما ترغبين في تغييره، وتلك هي الخطوة الأولى نحو التحسن. إليك بعض النقاط التي قد تساعدك في تغيير حياتك إلى الأفضل: تحديد الأهداف الصغيرة: ابدئي بتحديد أهداف صغيرة وقابلة للتحقيق، مثل قراءة صفحة واحدة من القرآن يوميًا أو أداء الصلاة في وقتها. يمكنك زيادة هذه الأهداف تدريجياً. تخصيص وقت لنفسك: حاولي قضاء بعض الوقت لنفسك بعيدًا عن الهاتف. يمكنك ممارسة هواية جديدة، أو تعلم شيء جديد، أو حتى الخروج في نزهة بسيطة. الاهتمام بالصحة النفسية: حاولي التفكير في ممارسة بعض الأنشطة التي تعزز من مزاجك، مثل القراءة أو الكتابة عن مشاعرك. شاركيها مع شخص تثقين به أو حتى ابدئي بتدوين تلك الأفكار. التقرب من الله: حاولي توسيع وقتك للعبادة والصلاة، واشعري بقربك من الله في كل خطوة تخطينها. فقد يجد الإنسان سعادته ورضاه في هذه التقربات. البحث عن دائرة اجتماعية: ابحثي عن أصدقاء جدد أو انضمي إلى مجموعات تهتم بنفس اهتماماتك. يمكن أن تكون الأنشطة الاجتماعية وسيلة رائعة لتجديد طاقتك. التفكير الإيجابي: حاولي تدريجيًا تغيير الأفكار السلبية إلى أفكار إيجابية. يمكنك كتابة ما تشعرين به من إيجابيات في حياتك، مهما كانت بسيطة. أذكّرك أن التغيير يتطلب وقتًا وصبرًا، فلا تتعجلي النتائج. الأهم هو أن تجهدي لتحققي كل يوم خطوة صغيرة نحو التغيير الذي ترغبين فيه. أنا هنا لدعمك، فلا تترددي في طرح أي استفسار أو مشاركة ما تشعرين به. وفقك الله.
تم النشر الخميس، ١٠ أبريل ٢٠٢٥
انضمي لجمعيات تطوعية بيعملوا مشاريع اجتماعية جميلة هتغيرك اكيد للاحسن
تم النشر الخميس، ١٠ أبريل ٢٠٢٥
لازم تحسني نفسيتك علي الاقل عشان تستمري في الحياه وتشوفي الضغوطات الي عليكي
تم النشر السبت، ١٢ أبريل ٢٠٢٥
لعرض السؤال في فدني اضغط هنا