كنت محتاجه تفسير .
انا بنت عندي ١٧ سنه و امي ربنا يبارك فيها عايشه الحمدلله
و انا بكلم واحد و ماما متعرفش و عارفه أن دا غلط بس انا كلامي معاه بحدود والله
و حلمت أن امي كانت تعبانه جدا و راحت المستشفي و بعد ما راحت المستشفي مرات عمي كانت بتتكلم عليها ف انا رديت عليها بدافع عن امي و قولت كل اللى أهلى عملوه مع امي وحش (بابا متوفي من ١٢ سنه و اهل بابا كانوا بيعملوها وحش) و بعد كدا لقيت نفسي كنت نايمه و صحيت لقيت أن دا حقيقه مكنش حلم و بعد كدا الحلم اتكمل ان الشخص اللى انا بكلمه دا كان معايا في الحلم و اخواتي كانت اختي الكبيره معايا(من بابا)و اختي الصغيره(من جوز ماما اللى معاها حاليا) و اخويا الصغير مكنش موجود (من جوز ماما اللى طلقها) ف انا اتعاركت مع اختي و روحت ادور على اخويا و الشخص اللى بكلمه دا فضل معايا كان طول الحلم بيواسيني و انا رايحه ادور على اخويا لقيت اختي الصغيره ماشيه ورايا بتنادي عليا رجعتلها و فضلت اعيط كتير و قعدت اقول لربنا ليه كتير و أقوله طب اختي دي ازاي هتعيش من غير ام و كنت طول الحلم ببكي كتير و رموشي وقعت من كتر العياط
حلمك بيدل ع احساسك بعدم الامان وان معامله اهلك ل والدتك ماثره فيكي نفسيا وتعب مامتك دا بيدل ع خوفك الدائم عليها وقلقك من انها تتعب او يحصلها حاجه ووجود الشخص اللي بتكلميه بيعبر عن تعلقك به واحساسك ان هو الامان والدعم لكي وعياطك هنا بيدل ع ندمك وخوفك وبعض الهموم بداخلك عليكي بالاستغفار والتقرب لله وحاولي تخلي العلاقه شرعيه ترضي الله ورسوله والله اعلم
تم النشر الثلاثاء، ٧ يناير ٢٠٢٥
لعرض السؤال في فدني اضغط هنا