الله يعينك عليها انصحك تقعدي معها وتكلميها وتبقي صديقتها افضل من ذلك
تم النشر السبت، ١٦ سبتمبر ٢٠٢٣
النبي صلى الله عليه وسلم عندما كان بعض سفهاء قريش يتنمرون عليه كان يتعامل مع ذلك بكل ثقة ولامبالاة .. مثلا أطلقوا عليه اسم لا يليق به فقال لأمنا عائشة "انظروا كيف يصرف الله عني شتم قريش ولعنهم إنهم يشتمون مذمما ويلعنون مذمما وأنا محمد" يعني نوع عالي من الثقة وعدم الاكتراث بكلام السفهاء رأي الآخرين فيك ليس حقيقتك إنما هو تعبير عما بداخلهم هم حقيقتك أنت يعلمها الله فقط في كل مرة تشعري بالغيط فسوف يتم تكرار الاستهزاء بك إذن الحل ألا تشعري بالغيظ وألا تكترثي بتاتا لأي كلام من هذا القبيل وسوف يعلم الجميع أنه كلام باطل ويعكس السوء الذي بداخل من يعتدي عليك بل أنصحك بأبعد من ذلك وهو أن تزيدي من برك بأمك وستنقلب علاقتها معك لمحبة "وَلَا تَسْتَوِى الْحَسَنَةُ وَلَا السَّيِّئَةُ ادْفَعْ بِالَّتِى هِى أَحْسَنُ فَإِذَا الَّذِى بَيْنَكَ وَبَيْنَهُ عَدَاوَةٌ كَأَنَّهُ وَلِى حَمِيمٌ"
تم النشر السبت، ١٦ سبتمبر ٢٠٢٣
ثقي ف نفسك ... واكسر حاجز الخوف من انك تكلمي والدتك ... واتعلمي دايما اي حاجه خايفه منها جربيها عشان تكسري دايما حاجز الخوف ... مهما كان اخواتك بعاد عنك حاولي تقربي ومتزهقيش منهم لان هما اللي هيبقوا ليكي ف حياتك الجايه ... أما والدتك وأنها تتريق عل مظهرك معلش ف الكلمه تبقي مش بتفهم لان الام اذا مكانتش دافع ل بناتها مين هيكون دافع نفسي ليهم ومش عندها دين ... اعرفي دايما ان ربنا خلقنا كلنا ف أحسن مظهر لينا ..>خلقناكم ف أحسن صوركم < ومفيش بني ادم كامل اصلا كلنا فينا عيوب ومميزات ... وما الكمال غير ل رسول الله صلي الله عليه وسلم دا البني آدم الوحيد اللي كامل ف خلق الله ..بس كدا اتمني ليكي التوفيق
تم النشر السبت، ١٦ سبتمبر ٢٠٢٣
اول شئ لازم تدركيه ان ربنا اولا عمره ما يخلق حد وحش، ولا حد يستاهل يتقاله الكلام ده .. ف غض النظر عن كلام مامتك انتي لازم تدركي انها غلط .. هل تعتقدي ان الكلام ده يطلع من حد فاهم وواعي وسوي؟ اكيد لأ .. مامتك ممكن تكون اساسا ضحية لهذا الكلام من اي حد .. ممكن ده يبقى مجرد اسقاط عليكي .. مش اكتر. ممكن يبقى تنفيس من اللي مثلا حصل فيها وهي صغيرة... انا عارفه انه مش ذنبك، ولا عمره اساسا ما هيبقى ذنبك .. ولكن انتي كامر واقع بنتها .. وده لا يغير في اي شئ. ف حاولي تدركي وتفهمي انك مش كده، وكل الكلام اللي بيتقالك ده عمره ما صح ولا هيكون صح. وللاسف كرهك لاخواتك هي برضه اللي عملته غصب عنها، ف حاولي تففهمي ان اكيد مش ذنبهم انك تكرهي اخواتك. انا مقدرة اللي جواكي كويس وحجم المعاناة .. بس اغلبية الاباء معندهمش الوعي ده اطلاقا ان قد ايه ممكن الكلام يكون جارح. الخطوات اللي لازم تعمليها، انك تثقي ان كل الكلام ده كلام فارغ، مبني اساسا على الولا حاجه. تاني شئ لو قدرتي طبعا تكلمي والدتك وتقولي لها كل اللي جواكي طبعا يكون احسن.
تم النشر الجمعة، ١٥ سبتمبر ٢٠٢٣
هعمل كده وشكرا ليكي خالص والله
تم النشر الجمعة، ١٥ سبتمبر ٢٠٢٣
لاحول ولا قوة الا بالله
تم النشر السبت، ١٦ سبتمبر ٢٠٢٣
متقوليش كدا هي اه بتأذيني بس برضو دي امي ومقبلش اي حد يقول عليها كدا
تم النشر السبت، ١٦ سبتمبر ٢٠٢٣
حسبى الله ونعم الوكيل في امك
تم النشر السبت، ١٦ سبتمبر ٢٠٢٣
كل الموضوع ان شخصيتك مختلفه و فكرك مختلف و دا مش عيب و لو حاسه انك محتاجه مساعده و حد تتكلمي معاه يساعدك فى فهم الموضوع أو تشوفيه من منظور و طريقه مختلفه مش غلط برضوا بس صدقينى الاجابه عندك اقعدي مع نفسك و افتكرى كل موقف زعلتى فيه منهم ايه الغلط اللى هما عملوه و ايه الاسلوب الغلط اللى رديتي بيه على موقف حتلاقي زى ما هما عندهم اغلاط انتى كمان عندك اغلاط بس بالنسبه لطريقه تفكيرهم و طريقه تفكيرك كل واحد فيكم شايف انه الصح
تم النشر الجمعة، ١٥ سبتمبر ٢٠٢٣
هحاول اتشجع واعمل كدا لان انا تعبت بجد والله وساعات بحس اني عاوزة دكتور نفسي يمكن يكون العيب فيا وانا مش حاسه. مش عارفه
تم النشر الجمعة، ١٥ سبتمبر ٢٠٢٣
انا فهماكى لانه انا كمان مش بعرف اعبر ولا عمرى كنت قريبه منهم و نفس الحاجه دايما امى بتشكر فى اختى عكسى بس انا عملت ايه سيبت الحزن جوايا و بعدت عنهم و عن الناس و فضلت لوحدى لحد ما لقتنى وحيده ماعنديش حد اتكلم معاه لما اكون فى مشكله او متضايقه و بعدين بدأت اتخانق معاهم على اتفه الأسباب فضلت عايشه دور الضحيه لمده طويله و انا كنت الخسرانة الوحيدة كلهم كانوا كويسين ماعدا انا و عملت بينى و بينهم فجوه و مشاكل بالنسبه ليهم ملهاش اساس عشان كدا زعلوا منى جامد بس لما اخدت قرار التغير بدأت افكر ايه اساس المشكله لقيت الأساس انى عمرى ما كنت قريبه منهم و لا كنت بتكلم معاهم و ازعل وقت الزعل و اعترض هل وقتها كان ممكن يبقا فيه فرق قعدت و رتبت افكارى و كل موقف زعلنى و كلمتهم لقيت ان فعلا دا السبب لما فهموا طريقه تفكيرى و ليه زعلت فى الموقف دا وليه سكت هنا بدأوا يتغيروا معيا و انا غيرت نفسى لقيت الحزن على شئ واحد اثر عليا ف اكتر من حاجة اثر على شكلى طريقه تعاملى تفكيرى فى النهايه النصيحه الاولى اطلبى منهم قاعده تتكلموا فيها عن كل شئ و تقهموا بعض و تانى حاجه اوعى الزعل منهك يأثر على باقى حياتك اوعى تعملى نفسك و تهملى مذاكرتك مع تفكير ما خلاص ما انا وحشه ايه الفايده او انا نحس اكيد حفشل حتى لو ماحصلش تغير من ناحيه اهلك ماتخليش دا ينسيكى انهم دايما حيكونوا معاكى وقت تعبك و فى كل وقت
تم النشر الجمعة، ١٥ سبتمبر ٢٠٢٣
انا مش قريبه منها عشان اتكلم معاها وانا من النوع المش بيعرف يعبر عن الجواه وغير كدا لو قاعدين مثلا مع قرايبنا تفضل تشكر في اختي وتقولي دي حبيبتي ومش عارفه ايه وانا بكون قاعده بتقول عليا الكلام الوحش بس
تم النشر الجمعة، ١٥ سبتمبر ٢٠٢٣
اتغدى اتكلمى مع مامتك و فهميها ان كلامها دا جارح بالنسبه ليكى ممكن تكون مش قاصده لانك مش بتبينى دا اما بالنسبه للخناق ف امى بتستعمل نفس الاسلوب للاسف و كنت بزعل بس لانى ماكنتش فاهمه الاهل دايما بيجوا على اللى بيسكت مفكرين انه ساكت لانه الموضوع كدا خلص مايعرفوش اننا بنكون زعلانين و مش راضين عن الموقف
تم النشر الجمعة، ١٥ سبتمبر ٢٠٢٣
لعرض السؤال في فدني اضغط هنا