جالي كلية تمريض وأنا مش مستريحة نفسيا أبدا ليها
وفي نفس الوقت عايزاها عشان الشغل والتكليف والسفر
بس انا مش متقبلة فكرة اني اكون ممرضة ومش تقليلا منهم ابدا بس الحكاية انا مش بستحمل حد يزعقلي او يتعامل معايا بأسلوب مش كويس ودا بيحصل كتير مع طاقم التمريض وكمان نقطة السهر والشيفتات اللي بتقعد بالكام ساعة
فدلوقتي قدامي علوم وألسن وتمريض وأنا مش عارفة أستقر على تمريض رغم عدم تقبلي ليها ولا اعمل اي وعايزة ادرس مجال طبي عشان اقدر اساعد في تعب امي
وعلوم مالهاش شغل بس انا ميالة ليها
وشايفة ان السن ممكن اخد اللغات وادرسها لوحدي بدون الكلية
انا فعلا تايهة ومش قادرة احدد انا عايزة اي ومتأكدة ان اللي قرأ اكيد بقى تايه
بس انا مش عارفة استقر على حاجة بجد
أنت ممكن تدخلي أي كلية من دول وتشتغلي حاجة تانية خالص لو أنت بتعرفي تتعلمي لوحدك - علوم وألسن مختلفين في طبيعة الدراسة .. علوم محتاجة عقلية تحليلية وألسن محتاجة ذهن بيحفظ كويس ويستمتع باللغة والأشياء الأدبية .. ألسن ممكن تفتح لك مجال في عمل يتطلب لغة أجنبية (ولو كانت حاجة غير الإنجليزية وتفوقتي في اللغة دي هتلاقي المنافسة قليلة - ما اعتقدش أن فيه كتير هيدرس اللغة الصينية لوحده ويبقى بنفس براعة خريح الألسن فيها) وعموما أنت ممكن تدخلي ألسن أو علوم وتشتغلي في مجال البزنس والإدارة وال HR مثلا .. لكن ربما احتمال أقل مع كلية تمريض دي مجرد نقط تساعدك في التفكير وربنا يوفقك
تم النشر الثلاثاء، ٢٢ أغسطس ٢٠٢٣
اختاري الكلية اللي انت تفهمي فيها وصلي استخارة
تم النشر الجمعة، ١ سبتمبر ٢٠٢٣
دايمن الطريق الي المجد والمعالي بيكون صعب لايوجد انسان نال المجد من غير ان يدك الأرض هذا دليل على انك علي الطريق الصحيح فان مع العسر يسرا فصبرا جميل فدايمن جزات الصابر حاجه مكان أبدا متخيلها وحاجه عظيمه جدا فالصبر مفتاح الفرج ومع السلامه
تم النشر الخميس، ٢٤ أغسطس ٢٠٢٣
مش عارفه بس بقول التمريض حلو للبنات كوظيفه وكويس للولاد كاستقرار مادي ويخلص ويزوج علطول من حيث التكليف وانت بتقول بتحبى المجال الطبى و بعد الكليه هتبقا اخصائى تمريض وده مش بتزعقله لانه مش ممرض لا ده مشرف ولو على الشفتات وكد صحبتى بتقول الاخصائى ده بياجى بدري يكتب اوراق وبس مش بكون عليه ارهاق زي الممرض العادي تقريبا لو مش هتشغلى نفسك فى كذا واحده او حتى خاص وكليه بتتقسم للاقسام مثلا لو كنت عايز طب جراحه ادخل تمريض عنايه مركزه ومش عارفه بتحديد يعنى بس شفتات بتبقى من 4ساعات وبعد فتره بتتبدل بدل صبح وبلليل وبس مش انتى لوحدك بكون مع طاقم معين.. بس انت لو مايله لعلوم فهى مش بتوظف والسن ادخلى اي حاجه مفهاش تشبع لطلاب فيها لان السن نسبه الطلاب فيها مشبع فى دوله فلو دخلها لازم تكون مميزه فيها وبلاش قسم انجلش والتمريض مفيش تشبع منه.. واستخيري ربنا فى الاول والاخير بعد ماتسالى عن كليات التلاته من حد متخرج او اكبر وشاف الدنيا فيها
تم النشر الثلاثاء، ٢٢ أغسطس ٢٠٢٣
لعرض السؤال في فدني اضغط هنا