ما تفسير حالتي وكيف أخرج من هذا الوضع الذي أنا فيه؟

Question

أنا عندي 15 سنة، و فاقدة الشغف تجاه أي حاجة، معنديش طاقة، دايما حاسة إني مش قادرة اعمل اي اوردر بيطلب مني. والأعراض اللي بتجيلي من ضمنهم صداع في العين، جسمي دايما واجعني بدون اي مجهود مبقتش عايزه آكل، بقيت باكل عشان ارضي ضميري تجاه أن دا جسمي ولازم احافظ عليه عشان ربنا أمرنا بكده. نغزات في القلب ودوخة وزيادة في ضربات القلب وضيق تنفس وتنميل في الجسم ارتعاش الجسم وحرقان في كل جسمي مبقتش بفرح بأي حاجة كنت بعملها زمان وببقى فرحانة أو بمعنى أصح مبقتش مهتمة بيها بس قلت دا يمكن عشان لما بنكبر اهتمامتنا بتتغير دايما عندي إحساس بذنب ناحيه نفسي و بلوم نفسي كتير بفكر كتير، نومي بقى متقطع، بصحى كتير ف نص نومي وممكن من كتر التفكير معرفش انام مثلا غير ساعه ساعتين كدا يا إما انام اكتر من 11 ساعه مش عارفه أذاكر من كتر التفكير وعدم التركيز دايما محبطة بدون سبب أو بسبب دايما حاسة إني هتعرض للأذى وإن أي كلام لطيف بيتقالي مش حقيقي وأي اهتمام من اي حد هو اهتمام مزيف بقيت بتضايق وبتعصب بسرعة من أي حاجة وأي حد وممكن يكون السبب تافه دايما بحس إني متوترة وقلقانة بدون سبب معنديش أي ثقة في نفسي وبميل إني أقعد دايما لوحدي معنديش صحاب كلهم زمايل من وأنا صغيرة وأنا معرفتش اعمل صحاب، مكنتش بحب اعمل صحاب معظم و قتي بكون في البيت عشان مش بحب انزل عشان بكره الناس المتصنعة المزيفة و العالم كله كدا كدا ف حالة تصنع ولو نزلت بحب اروح مكان هادي ميكونش فيه حد و اكون لوحدي علاقتي بأهلي مش احس حاجه محدش فيهم بيفهمني دايما مقارنات ف كل حاجة وخناقات علي أتفه الأسباب دايما بتضايق من اهلي وهما يزعقولي علي كل حاجه وبيزعلوني و مفكرني معنديش دم ومش بحس مؤخرا بقا بيجيلي افكار إيذاء النفس وساعات بنفذها زي اجيب اي حاجه واخربش نفسي بيها لحد ما تجيب دم عامه انا كنت شايفه نفسي إن دا طبيعة اي مراهق ف السن دا بس لما ماما قعدت تتحايل علي اروح لدكتور وانا كنت رافضه فكرت ف الموضوع لما فكرت ف الموضوع وقولت لبابا خد الموضوع هزار و لما فهمته اني مش بهزر طنش بس محدش حاسس بي و انا خايفه و متوترة طول اليوم و محدش حاسس بالوحده و الانعزال اللي كنت فيه محدش حاسس باني ممكن اقعد بالايام مش بنام بسبب التفكير و الخنقه و محدش حاسس بانهياراتي و نوبات البكاء بلا سبب ف حسيت هنا اني لازم اشوف انا عندي ايه عشان بدأت أحس أن دا مش طبيعي زي ما كنت فاكرة اسفه لو طولت

Accepted Answer

السلام عليكم ورحمه الله كل الأعراض الجسميه التي تم ذكرها هي نتيجه لافكارك ، انتي فعلا محتاجه كذا حاجه تنميه و تعديل و تغير افكار و محتاجه تتعلمي تأمل و استرخاء علشان نوقف إيذاء الذات و للاسف الاجابه علي هذه الحاله هتكون مجرد نصيحه لازم يكون فيه تدريب ليكي علشان ترجعي حياتك بشكل طبيعي. ف انصحك بزياره اخصائي أو لو والدك معارض فيه اونلاين تقدري تاخدي الخطوه و ربنا يوفقك و يحسن حالك. تحياتي لك

Answer

عزيزتي، أشكر لك مشاركتك مشاعرك وتجربتك. يبدو أنك تمرين بفترة صعبة، وأنتِ تضعين أصبعك على أمور مهمة تستوجب اهتمامًا خاصًا. من المهم أن نبدأ بفهم أن المشاعر التي تمرين بها ليست شيئًا غريبًا أو معزولًا. الكثير من المراهقين يشعرون بالتوتر والقلق، لكن الأعراض التي تصفينها، مثل فقدان الشغف، الأرق، المشاكل الجسدية كالألم والصداع، وكذلك الأفكار السلبية أو إيذاء النفس، تحوي دلالات تتطلب عناية واهتمامًا أكبر. أولًا، أود أن أوصيك بشدة بالتحدث مع متخصص مثل طبيب نفسي أو مستشار نفسي. وجود شخص مدرب يمكنه مساعدتك في تحويل هذه المشاعر إلى سبل للتعامل الإيجابي هو خطوة هامة. أحيانًا يكون من الصعب الحديث عن مشاعرنا مع العائلة، وقد يكون التواصل مع متخصص مفيدًا للغاية. ثانيًا، حاولي أن تتذكري أهمية الاعتناء بنفسك، ليس فقط جسديًا ولكن أيضًا ذهنيًا. يمكن أن يكون بدء يومك ببعض الأنشطة البسيطة مثل المشي أو قراءة كتاب أو حتى الكتابة عن مشاعرك خطوة مفيدة. ثالثًا، اطلبي الدعم. تحدثي مع والدتك أو من تثقين بهم حول ما تشعرين به. هم ربما لا يدركون عمق مشاعرك، ولكن بفتح الحوار قد يسهل التواصل وفهم ما تمرين به. أخيرًا، كوني لطيفة مع نفسك. لا تظلمي نفسك بسبب مشاعرك أو قلة الطاقة. كوني صادقة مع مشاعرك، ودومي على التواصل مع الذات. فكل إنسان يمر بمراحل مختلفة من الحياة، ومن الطبيعي أن نواجه تحديات، لكن بالبحث عن المساعدة والدعم، يمكنك تجاوز هذه المرحلة. أسأل الله أن يمدك بالقوة ويعطيك القدرة على التغلب على هذه المشاعر. لا تترددي في طلب المساعدة، فهناك من يهتم بك ويريد مساعدتك.

ما تفسير حالتي وكيف أخرج من هذا الوضع الذي أنا فيه؟

نفسية

اجتماعية

سؤال من nadin ess

تم النشر الثلاثاء، ١٩ نوفمبر ٢٠٢٤

2 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك