اخويا الصغير عنده 12 سنه شخصيته ضعيفة جدا والموضوع ده تاعبني نفسيا، بيكذب كتير جدا علشان يبرأ نفسه وبيخاف يقول لنا لو حد ضربه مع ان احنا دايما بنقف معاه ويحلف كذب كتير وانا دايما بقول له ان ده حرام وبجيب له ادلة بس بردو مفيش فايدة مع العلم ان هو بيديني الأمان جدا و متعلق بيا ممكن اعمل ايه يخليه يبقي اقوي
الدعم والتشجيع واشعاره بالاهميه/يعنى لما يعمل عمل كويس سواء تصرف او اداء كويس فى المدرسه شجعيه/واشعاره بالاهميه زى الاحتفال بعيد ميلاده او اعطاء هديه واخد رايه فى الامور الخاصه بيه/والاشتراك فى لعبه رياضيه فى مركز رياضى ممكن كمان يزود الثقه بالنفس ويحس المهارات الاجتماعيه.
تم النشر الثلاثاء، ٨ أكتوبر ٢٠٢٤
السلام عليكم ورحمه الله وبركاته اولا انا يعني بشكرك او بشكرك ان في اهتمام كده بشخصيه الاخ الازهر. احلى حاجه تخلي الولد يبدا يبقى عنده ثقه في نفسه ان انا ادي له حاجه واقول له ان انا معتمد عليك فيها وابقى موريه فعلا ان انا مؤمن ان هو هيعرف يعملها كلما هياخد حاجه وهيحس بقوه نفسه ان هو يقدر يعملها هيبدا ياخذ ثقه في نفسه وشخصيته هتبقى اقوى خلينا ناخد امثله هنقول مثلا انه تعالى شيلي انت دي لانه انا قوتي ما بتقدرش انها تشيلها في الاول طبعا هو يستغرب وانت بتضحكي عليا يعني لا انا باضحك عليك تعالى كده انا هحاول اشيلها وممكن تشيلها معايا ممكن تساعدني لانه انا بعتمد عليك لانه انا واثقه فيك هنردد الكلام ده عليه كتير في كل موقف احنا بنستعين به علشان نبقى بنوصل له رساله ان انت عندك قوه وبتقدر تستخدمها واحنا كمان بنعتمد على القوه دي فما تخبيهاش او همم ما تفقدش ايمانك بها ده هيوصل له بالتدريج ده ممكن في الحاجات اللي هي جسمانيه طب والحاجات الثانيه اللي هو تعالى معايا علشان انا بكون مطمنه لما بتمشي معايا المشوار. تعال معايا عشان ممكن الراجل اا يتكلم معاه او يعاكسني مثلا لو انا بنت. وانا وانا لوحدي فمحتاجه يكون في ولد راجل معايا لما يشوف فيه ولد معايا هيتكلم كويس وهكذا واحده واحده مساله بقى الخوف والكذب احنا مش محتاجين نقعد نقنعه بالكذب قد ما احنا محتاجين نوريله ان مساحه الصدق افضل بكتير. هبدا اوري له مواقف انا كنت ممكن اجذب فيها ولكن انا اخترت ان انا اقول الصدق واتحملت النتائج هبدا اوري له ان اللي بيقول الصدق بياخد نتائج كويسه مش شرط ياخد نتائج وحشه هبدا اوري له ان تراكم ااا الكذب هيؤدي لنتائج مش حلو هعمل ده ازاي هنحط برده امثله. مثال ان انا هاجي اقول له بص انا اشتريت مثلا الحاجه دي بس يعني مش عارفه لو قلت لماما هتقعد تقول لي دي ما لهاش لازمه وكده فانت ايه رايك ما اقولهاش احسن فطبعا هو بالطريقه بتاعتك ما تقراش فانت لا انا هقول لها وحتى لو هي مش مقتنعه فيعني ايه على الاقل ااا هعرف استمتع بالحاجه وانا مش مخبياها لكن لو فضلت مخبياها عنها مش هستمتع بيها حتى لو الحاجه انا مبسوطه بيها هيفضل فكره ان انا مخبياها بتحرمني من اني استمتع بالحاجه عشان انا كذبت او عشان انا خبيتها. هنيجي مثلا لمثال ثاني ان احنا نعزز الصدق فنيجي نقول. انت عارف ان انا حصل معايا موقف صاحبتي قعدتها اتصل بيها وما ردتش عليا وكنت قلقانه عليها جدا وكنت كمان عماله بفكر هي قصده انها ما تردش عليا ولا هي حصل معاها موقف وكنت مستنيه ان هي تكلمني علشان تقول لي الحقيقه انه انا الحقيقه كانت هتريحني. قولي له ان فعلا صاحبتك اتصلت بيكي وقالت لك انا ما ردتش عليك عشان بصراحه انا كنت زعلانه وكنت قاصده ان انا ما اردش عليك وتقولي له ان انا اجابتها دي ريحتني بدل ما هي كانت ممكن تقول لي انا كنت مشغوله او ما سمعتش التليفون انا ساعتها ما كنتش هعرف ان صاحبتي زعلانه وما كنتش هعرف اصالحها وكانت هتفضل زعلانه مني وكنا ممكن نبطل نبقى صحاب فانا مبسوطه ان هي قالت لي الحقيقه حتى لو الحقيقه دي ان هي زعلانه مني وهكذا وان شاء الله الموضوع بالتدريج يبدا يحسن من شخصيته.
تم النشر الأربعاء، ٩ أكتوبر ٢٠٢٤
إن تعزيز شخصية أخيك الصغير يتطلب منك نهجًا صبورًا ومحبًا. هنا بعض الخطوات التي يمكنك اتباعها: الثقة والدعم : حافظي على تعزيز الثقة لديه. اشعريه بأنه يستطيع الاعتماد عليك وأنك دائمًا إلى جانبه. استخدمي تعزيز السلوك الإيجابي عند تفاعله بصدق أو عندما يواجه صعوبة. التواصل الفعال : تحدثي معه بانتظام عن مشاعره وتجربته. استمعي له بعمق وحاولي فهم ما يشعر به. قد يشعر بالخوف أو القلق، وعندما يعرف أنك تهتمين بمشاعره، ستساعدينه على التعبير عنها بصراحة. تعليم الصدق والشجاعة : شاركيه قصصًا عن الشجاعة والصدق من خلال الأمثلة الحياتية. يمكنك استخدام قصص الأنبياء أو الأشخاص الذين عانوا ولكنهم كانوا شجعانًا وصادقين. تنمية المهارات الاجتماعية : اتبعي نشاطات تساعده على بناء صداقات جديدة وتعزز من ثقته بنفسه. يمكن أن تشمل هذه الأنشطة الانضمام إلى نوادي، أو الرياضة، أو المشاركة في الفعاليات الاجتماعية. كن قدوة حسنة : كوني مثالًا يحتذي به. تأكدي من أنك تتحدثين بصدق وتعبرين عن مشاعرك بطريقة صحية. عندما يرى أخوك كيف تعتزين بالصدق والشجاعة، سيؤثر ذلك فيه. تقديم المساعدة عند الحاجة : إذا كان يحتاج لمساعدة خاصة، مثل استشارة متخصص نفسي، فلا تترددي في اتخاذ هذه الخطوة. فقد يكون لديه مشاعر تحتاج إلى معالجة أعمق. تذكري أن التغيير يحتاج إلى وقت، لذلك تحلي بالصبر واستمرارية الدعم. ومع مرور الوقت، سيتطور سلوكه وشخصيته بإذن الله.
تم النشر الثلاثاء، ٨ أكتوبر ٢٠٢٤
ممكن في حاجه مسببالو خوف انو يعمل رده فعل او يقول الحقيقه وانتي مش عرفاها او شاف الي حوليه بيعملو كده
تم النشر الأربعاء، ٩ أكتوبر ٢٠٢٤
لعرض السؤال في فدني اضغط هنا