في انتظار كرم الله عز وجل
الآن أنا طالبة مصرية حصلت للتو على شهادة البكالوريا وفي مرحلة اختيار التخصص المناسب حصلت على مجموع 87% . و الكليات الطبية مجموعها من 90% . شعرت بحزن كبير وقت ظهور النتيجة لكن بعدها ألهمني الله الصبر و الرضا بقضائه مع العلم أنني متفوقة دراسيًا وفي كل عام . حتى أنني حصلت في الشهادة الإعدادية على 100% وكنت الأولى على محافظتي و استمر التقدم في الأول و الثاني الثانوي بمجموع 93% وكنت من أوائل مدرستي . وبذلت في الصف الثالث جهودا مضاعفة لأحقق حلمي بدخول كلية الطب لكن القدر أراد شيء آخر و قررت أن ألتحق بكلية التمريض بدافع عدة أشياء منها السفر للخارج أو التكليف الحكومي كما أن الرواتب مجزية للغاية لكن لا أعلم هل سأحبها أم لا . أخاف أن أصادف في العمل أطباء أتذكر حلمي الذي خسرته أو الطلاب الذين كنت أفوقهم دراسيا و حصلوا على مجموع أكبر مني كلما قررت أن أنظر للمستقبل يغلبني التفكير في الماضي . الآن أريد أن أعرف أكثر عن مهنة التمريض و مميزاتها و ما الأبواب التي يمكن أن تفتحها لي وهل أستطيع تحقيق نجاح ساحق فيها مع العلم أنني لن أعمل كممرضة فقط أخطط أن أكون صاحبة أعمال وتحقيق نجاح عن الطريق المنصب سواء في الجامعة كأستاذة جامعية أو المال .كما أن الكليات المتاحة أمامي غير التمريض( كل الكليات ماعدا الصيدلة و طب الأسنان و العلاج الطبيعي و الطب البشري )
مبدئياً الف مبروك ليكي و ربنا يوفقك في بدايتك الجديدة 🤍 ثانياً كل الكليات تُقدر وكل الكليات تُحترم واننا نخلص ثانوية عامة وندخل كلية مهما كانت الكلية دي ايه ف طالما موجودة و دخلتيها يبقي ليها دور في مجتمعنا هتكلم عن تمريض ، تمريض من اجمل الكليات اللي ممكن تشوفيها لو هنبص علي الجانب الإنساني ف دورك مهم جدا فيها و ليكي ثواب عظيم جداً علي اللي بتعمليه فيها سواء في الكلية أو فترة العمل لما تخلصي الكلية ، ليها مستقبل كبير برا وجوا مصر بس عايزة اعرفك حاجة مفيش كلية ملهاش مستقبل بالعكس كلهم ليهم مستقبل بس الشاطر اللي يعرف يروح للمستقبل بنفسه بمعني ايه ؟ أن كل سنة ملايين الناس بتتخرج لكن مش كلهم بيتعينوا و ده بيعتمد علي كذا حاجة الكفاءة و القدرة والتميز ف اول حاجة تعمليها حبي الكلية بتاعتك وحاولي تتقبليها عشان تعملي كل حاجة فيها بحب وشغف تاني حاجه ذاكري واعملي اللي عليكي و اشتغلي لما يرضي الله و سيبي الباقي علي ربنا طول ما سعيتي افتكري أن ربنا مش هيضيع سعيك ابدا تالت حاجة خليكي متميزة في مجالك خدي كورسات كتير أتعلمي حاجات ممكن تساعدك تطوري من اللغة الإنجليزية لانها مهمة جدا في الكلية كمواد ودراسة ، طوري نفسك بحيث لما تتخرجي يبقي عملتي اللي عليكي وهتسعي ورا اي فرصة هتيجي ليكي نظمي وقتك و ظبطي يومك بلاش ضغط علي نفسك ظبطي نومك بردو و ظبطي اي حاجة في حياتك عموماً و اعملي الحاجة اللي بتحبيها وشوفي نفسك تتعلمي ايه ك موهبة و اتعلمي تسلي بيها وقتك مجموعه حلو خالص والله و كليتك احلي كمان متقلقيش وثقي في ربنا وربنا يوفقك🤍
تم النشر الأحد، ١٨ أغسطس ٢٠٢٤
السلام عليكم ورحمه الله وبركاته اولا الف مبروك على النجاح وعلى انك انتقلتي من مرحله الى مرحله. كل حاجه في الحياه كلها وفي كل مراحل الدراسيه انك تكوني فعلا عارفه تنتقل الى المرحله لمرحله اعلى منك طيب بعد ما بتنتقل من المرحله الثانيه بتبداي دائما تعيدي الحسابات وتشوفي انت كده في اتجاه الهدف بتاعك ولا لا؟ لو انت محبه المجالات الطبيه عموما وحبه تبقي. في اي حاجه ليها علاقه بالمجال الطبي وخصوصا لو انت بتتكلمي بقى هنا على بيزنس فانا ممكن اقول لك انك حتى لو توجهت انك في اي مجال مش طبيب حتى ما دخلتيش تمريض اصلا او اي حاجه درست فيها. المجال الصحي فانت تقدري تكوني جوه المجال بانك مثلا بتشتغلي في المستلزمات الطبيه بما انك تكلمت عايزه تعملي اللي انا عايزه اقوله لك انك حبك في مجال معين ممكن يخليكي تدخليه جوه البزنس اللي انت عايزه تعمليه باي شكل. ان شاء الله انت هتعملي ده طول ما انت حاطه هدفك قدام عينك. لو هنتكلم بقى على كونك انك هتبقي ممرضه فعلا تشتغلي في المجال ده.
تم النشر السبت، ١٧ أغسطس ٢٠٢٤
اولا مبارك يا روحي على النجاح في كذا حل سألت ممرضه عشان اختي جايبه ٨٠٪ وزيك عايزه تدخل اي مجال في الكوادر الطبيه فلما سألت الممرضه قالت الي احسن من التمريض حاليا معهد فني صحي تبع الحكومه حاجه زي كدا انا مش عارفه معلومات كتير عنها مممكن تبحثي عنها او تدخلي خاص كليه طب اذا كانت امكانتيك الماديه تسمح او تاخدي منحه تسافري برا مصر ذي تركيا مثلا في منح فيها مموله بالكامل
تم النشر السبت، ١٧ أغسطس ٢٠٢٤
اولا الف مبروك الصراحه ما اعرف اشنو اقول لان انا ايضا مثلك كنت كل السنين الماضيه شاطره ومتفوقه وهذه السنه طلع معدلي لو مكمله اختبار فوق ال90 ولكن الحمدلله لا اعتراض على حكمه حذفت كلشي وقررت اعيد السنه ولكن انتي اذا كان عندك اراده تقدري تحققي اكثر واكثر واتذكري ان الخير في ما اختاره الله انتي ذكيه وشاطره ما شاء الله لا تخلي هاي السنه توقف حاجز بينك وبين طموحك وهذه معدل ما شاء الله مو الكل يحصل عليه وعسى ان تكرهو شي وهو خير لكم يمكن انتي تكرهي معدلك ولكن يجعل الله لك فيه كل الخير والسعادة ويفتح عليك ابواب انتي مو منتبها لها انتي ثقي بقدراتك وحاولي لا تتوقفي عند الدراسه فقط اي مهاره ثانيه عندك طوريها وكوني ناجحه بحياتك ولا تتقيدي بشي ربي يوفقك ويسعدك ويفرح قلبك يارب 🌷🌷
تم النشر السبت، ١٧ أغسطس ٢٠٢٤
سلام ياحبيبتي ألف ألف مبروووك مجموعك حلو ماتندميش ممكن تدخلي كليه علوم وتكملي دبلومة تحاليل وتبقي دكتوره تحاليل في المستشفي زيك زي غيرك لو أنتي بيفرق معاكي اللقب وممكن تفتحي معمل تحاليل أو تتشاركي مع حد وده الربح فيه ممتاز وممكن كمان تشتغلي مندوبة أدويه ودي مرتبها مربح جدا أو ممكن تدخلي معهد فني صحي ده التكليف نازله بتخلصي السنتين بتتعيني ومجالاته كتير تحاليل وأشعه وأسنان وبتكملي بعده علوم طبيه وده مستقبله فعلا حلو خالص في مجالات كتير بس الشاطر اللي يدور ربنا يوفقك
تم النشر السبت، ١٧ أغسطس ٢٠٢٤
أولاً، حبيبتي، مبروك على مجهودك الكبير والنتائج الرائعة اللي حققتيها! فعلاً تعبك واجتهادك يظهر في كل سطر. أنا عارفة إن الحزن اللي حسيت بيه بعد النتيجة كان صعب، لكن حلو إنك قدرتي تتلقي الرضا وتحولي مشاعرك السلبية لإيجابية. مهنة التمريض مهنة نبيلة ورائعة، وبتفتح لك أبواب كثيرة. ممكن تشتغلي في المستشفيات، أو تكوني ممرضة متخصصة. ممكن كمان تستمري في دراستك وتحصلي على درجات أعلى وتكوني أستاذة جامعية، أو حتى تدخلي مجال إدارة المستشفيات. بالنسبة لموضوع تذكرك لحلمك في الطب، هذا طبيعي، لكن حاولي تذكري نفسك كل يوم إن كل طريق له مميزاته. التمريض تكسبك خبرات عملية قيمة وتعلمك عن الرعاية الإنسانية. وكمان الراتب ممكن يكون مجزي ومش بس كده، كمان تقدر تفتحي مشروع خاص بيكي. إذا انتي حابة تكوني صاحبة أعمال، ممكن تستخدمي خبرتك في التمريض لتطوير منتجات أو خدمات جديدة في مجال الرعاية الصحية. العالم مليان فرص. خذي وقتك في اختيار التخصص، لكن كوني متفائلة، وما تخليش الماضي يثقل عليك. انظري لقدام وفكري في الخطوات الصغيرة اللي تقدري تخطيها نحو تحقيق أحلامك. وما تنسيش إن الرضا بقضاء الله هو مفتاح السعادة. لو عايزة تفاصيل أكتر عن مهنة التمريض، أنا هنا للمساعدة!
تم النشر السبت، ١٧ أغسطس ٢٠٢٤
السلام عليكم مبروك النجاح /هل فكرتى فى طب بيطرى؟ممكن يكون فى اماكن فى المرحله التانيه متبقيه
تم النشر السبت، ١٧ أغسطس ٢٠٢٤
بصراحة يمكنك أن تستلهمي منه الكثير، كما أن انضمامك لجروبات التمريض وخاصة مجتمعات لينكد إن ستطلعك على الكثير من الفرص. موفقة يا رب.
تم النشر السبت، ١٧ أغسطس ٢٠٢٤
ايوا طبعا لسه تقدري تكوني دكتوره اوعي يكون تفكيرك ان الثانويه بتحدد دي سنه عاديه جداااا فوق متتخيلي انا فشلت اصلا في الثانويه والنهارده الحمد لله بحمد ربنا اني مدخلتش طب في حاجات حلوه كتير بعد الثانويه
تم النشر السبت، ١٧ أغسطس ٢٠٢٤
قصته نفس قصتي من حيث أنه كان يحلم بالإلتحاق بكلية الطب لكن القدر اختار له مهنة التمريض
تم النشر السبت، ١٧ أغسطس ٢٠٢٤
اجل أعرفه هذا سبب من الأسباب الذي جعلني أفكر مرة اخرى في مهنة التمريض
تم النشر السبت، ١٧ أغسطس ٢٠٢٤
سأخبرك شيئًا، يبدو تافهًا قليلًا لكنني أتابع على فيسبوك ممرض اسمه هنداوي السيد، في الواقع أظن أن حبه لعمله وانغماسه في المجال وابتكاره في صنع محتوى مفيد ومميز يجعل المهنة حلم لأي أحد.
تم النشر السبت، ١٧ أغسطس ٢٠٢٤
لعرض السؤال في فدني اضغط هنا