طيب ياجماعه هو لما هيحصل علاقه بين اتنين ممكن التانى ميحبش عيوب جسم التانى ويبعد عنه؟
السلام عليكم ورحمه الله وبركاته. يعني بعد ما قرات التعليقات على السؤال وبرضو الاجابات وتعليقك عليها انت عندك تخوف من العيوب بتاعه الجسم وانت شايفه انه ممكن بعد الجواز الزوج ما يتقبلش ده فيحصل مشكله طيب خلينا نقول ان قبل الجواز لو انا شايفه ان انا في عندي حاجه عيب في جسمي فمفيش مشكله خالص ان انا اوضح ده لخطيبي اقول له على فكره انا في عندي في الجسم مثلا كذا هل دي حاجه بالنسبه لك غير مقبوله عادي جدا ايا كانت درجه الحاجه دي وهو ممكن نستعين بصور من على النت انا عندي حاجه شبه دي بس كده بنفس الدرجه دي، دي ممكن تكون خطوه تريحني طيب هل انا كده بكسف نفسي خالص مش بكسف نفسي زيها زي الحاجات الشخصيه اللي احنا بنقول انا عيبي مثلا ان انا بطيئه شويه وانا بعمل شغل البيت انا عيبي ان انا ممكن بتعصب او بيجي عليا وقت بكون محتاجه اخرج فهحتاج ان انت تخرجني كده يعني فعادي جدا زيها زي ده لو انا شايفه ان في عندي حاجه فعلا ممكن تسبب مشكله فاتخلص من العبء ده باني اتكلم عنه فتره الخطوبه موجوده عشان كده والله رد فعل خطيبي او الشخص ده كان رد فعل صادم بالنسبه لي دي بتكون واحده من علامات ان احنا الافضل ما نكملش اصلا للجواز لانه في شكل من اشكال عدم التقبل وهتبقى حاجه هتعمل لنا ازمه قدام. طيب ممكن لا ده احنا ممكن نتناقش فيها قوي يقول لك اه والله حاجة محبهاش بس ايه رايك تعالي ندور على حل ان احنا ممكن نحلها نشوف لو لها علاج ودي تكون حاجه كويسه انه احنا مهما لقينا عيوب او مشاكل ندور على حلولها مع بعض تمام زي ما كده استاذه الاء قالت لك في الاجابه الاخرانيه قالت لك هل انت تفتكري انه كل المتجوزين ما عندهمش عيوب في جسمهم كله كل حد عنده شكل من الديفوهات والعيوب في جسمه يعني وخلينا نقول لك بشكل واقعي مش كل الناس بتدقق في كل حاجه يعني مش كل المتزوجين كمان ممكن لو دققوا في بدايه الجواز بعد كده خلاص يعني الحياه وتفاصيل الحياه العلاقه بيبقى شكلها مختلف تماما والناس ما بتركزش في عيوب جسمهم زي بدايه الجواز خالص يعني احنا بس في بدايه الجواز ممكن الموضوع يكون متركز عليه اكثر عشان دي حاجه جديده او لسه بنستكشف بعض انما بعد كده خلاص يعني بنتعود على بعض وبنتعود على بعض معناها التقبل ده بيكون بدرجه اعلى فاحنا بنحب بعض زي ما احنا كده الحب بيكبر على ان احنا انا حاببها زي ما هي كده حاببها باللسعات اللي في ايديها بسبب الفرن حاببها بظوافرها للكسرت من المواعين عادي جدا. فمش عاوزاكِ تقلقي من الموضوع ده واتمنى ان انا اكون ساعدتك.
تم النشر الجمعة، ٢١ مارس ٢٠٢٥
علاقة ايه؟ قصدك انك متزوجة وزوجك مش عاجبه عيوب عندك؟ ولا علاقة تاني؟ ولا ايه؟
تم النشر الخميس، ٢٠ مارس ٢٠٢٥
هفترض معاكِي إن العيوب اللّي بتتكلّمي عنها سيلولايت مثلا،او شوية دهون في منطقة البطن،او غمقان في مناطق معينة، متحسيسهوش إنك عندك مشكلة اساسا لإن دي حجات عند معظمنا مفيش داعي للقلق. بس هقترح عليكِ حاجة أثناء وقت العلاقة،لو تعرفي تعملي إضائة هادية زي نور اصفر،احمر اي لون بس بدرجة خفيفه،او انك تكتفي بـ نور الأباجورة لو مُتاحة هيكون الوضع ممتاز
تم النشر الخميس، ٢٠ مارس ٢٠٢٥
من المهم أن نفهم أن الحب الحقيقي يتجاوز المظهر الخارجي. عندما يبدأ شخصان علاقة، تكون البداية قائمة على المشاعر والتعلق الروحي والعاطفي. ومع تقدم العلاقة، ينكشف الطرفان لبعضهما البعض ويظهران عيوبهما، والتي قد تتضمن ملامح جسدية أو صفات شخصية. إذا كان الشريك يهتم بك بصدق، فسيتقبل عيوبك ويفهم أنها جزء من كيانك ككل. من ناحية أخرى، إذا كان الشخص يركز فقط على الجوانب الجسدية، فقد يكون هذا مؤشراً على وجود سطحية في مشاعره. تأكدي من التواصل المفتوح مع شريكك. تحدثي معه عن مخاوفك واستفساراتك، والتأكد من أنكما تشعران بالراحة مع بعضكما البعض سينعكس إيجابًا على العلاقة. الثقة والمواصلات المفتوحة هما الأساس لبناء علاقة صحية. فإذا كنت كذلك تشعرين بأنك بحاجة إلى التأكد من مشاعر شريكك تجاهك، فكوني صادقة في طرح أسئلتك ومشاعرك.
تم النشر الأربعاء، ١٩ مارس ٢٠٢٥
لازم تثقي في نفسك واننا بشر وكلنا عندنا عيوب .. واه ممكن شخصيات تنتقد العيوب وتجرح وفي شخصيات محترمة هتحترم اانا بشر مش ملائكة.. فلما ترتبطي بحد اختبري الجزء ده عنده وشوفي هل هو بينتقد اي شيء زي الاكل ناقص ملح مثلا فهتعرفي ان دا طبعه وبتعدي .. ونقطة مهم لو العيب دا مضايقك وينفع تصلحيه اعملي دا عشانك وعشان نفسيتك وثقتك بنفسك
تم النشر الخميس، ٢٠ مارس ٢٠٢٥
لاء مش متزوجه أنا بسأل هل هو هيتقبل ده ولا لاء لأن عندى وسواس فى الموضوع ده
تم النشر الخميس، ٢٠ مارس ٢٠٢٥
سؤلك مش واضح انتي متجوزه ولالسه داخله علي المرحله دي وليه بتفكري كده انتم واخدين بعض علي حب
تم النشر الخميس، ٢٠ مارس ٢٠٢٥
لعرض السؤال في فدني اضغط هنا