لو سمحتوا انا بنت وعاوزة اسافر برة مصر انا خريجة حقوق وسني 29 سنة ومش متزوجة مش عارفة ابدا ازاي او احضر ازاي لسفر برة مصر اي مكان دولة عربية واازاي ادور علي شغل قبل ما اسافر ياريت حد يفهمني ابدا ازاي
أنصحك بواحدة من هذه الطرق الثلاثة: أن تتزوجي بشاب يعمل في الخارج! أن تتزوجي بشاب عقد العزم على السفر للخارج والعمل هناك! أن تتزوجي بشاب سافر إلى الخارج وعاد وعقد العزم على السفر مرة أخرى للخارج!! بهذه الطريقة ستكونين كونت أسرة (وهذا هو الوقت المناسب للتفكير في هذا الأمر) وسافرتي للخارج في نفس الوقت .. يعني اثنين في واحد!
تم النشر الثلاثاء، ٢٢ نوفمبر ٢٠٢٢
اسمعي مني .. واضح ان سؤالك انك عايزة فرصة عمل بره مصر و كمان عايزة تعرفي إجراءات السفر .. اولا بالنسبة للمحرم معدش شرط لأنها كانت السعودية اللي بتطلب محرم مع الانثي اللي هتسافر و مبقتش تطلب خلاص .. ثانيا أوراق السفر جواز سفر حديث و ساري التاريخ و راجع الرابط هنا هيفيدك https://blog.travil.io/home/post/28
تم النشر الأربعاء، ٢٣ نوفمبر ٢٠٢٢
ازيك .. يارب تكوني بخير. بالنسبة للشغل .. ف ممكن تدوري على شغل على لينكد ان، أو وظف. بالنسبة للسفر فيه منصة اسمها فرصة عليها منح، هضع اللينك بتاعها، في الحقيقه مش بس منح اللي عليها .. هي عليها كورسات ووظائف ومقالات وحاجات تانيه كتير إن شاء الله هتساعدك. وده اللينك بتاعها https://www.for9a.com/ وفيه قناة على اليوتيوب برده متخصصة في المنح https://www.youtube.com/c/AmrRamadan/videos بالتوفيق والنجاح دوما
تم النشر الثلاثاء، ٢٢ نوفمبر ٢٠٢٢
موقع LinkedIn من افضل المواقع وتقدرى تبحثى فى البلد اللى انتى عاوزاها ... ولازم تعززى السى فى بتاعك بالمهارات اللى تحتاجها الوظايف اللى هتقدمى عليها ...مهارات لغوية او تكنولوجية او ادارية ...ده هيخلى فرصتك كويسة باذن الله. من دلوقتى حضرى جواز السفر و خدى رخصة قيادة مثلا وتابعى كل الجهات الحكومية اللى بتقدم خدمات استخراج الاوراق اون لاين ...( عشان ممكن تحتاجيها فى اى وقت ) كل ورقك حضرية متصور scanner على الكمبيوتر ...عشان لو احتاجتيه تبعتيه بسهولة لاى جهه ( البطاقة وشهادة الميلاد وشهادة التهرج واى شهادات اخرى) التفاصيل دى بتاخد وقت وممكن تعطلك لو ربنا مرمك بفرصه كويسة ..كونى مستعدة اتمنى ربنا ييسرهولك لو خير ليكى يارب
تم النشر الأحد، ١١ ديسمبر ٢٠٢٢
اولا لو انتي مسلمة يبقي لا يجوز دون محرم ثانيا مجال المحاماه كويس جدا في مصر ليه الغربه والمرمطه ثالثا وده الأهم موضوع السفر ده صعب ومسؤوليه كبيره علي نفسك كفايا موضوع الغربه لوحده دي نصيحه
تم النشر الأربعاء، ٢٣ نوفمبر ٢٠٢٢
حاولي تشتغلي ريموتلي اسهل
تم النشر الأحد، ٢٢ يناير ٢٠٢٣
تابعي جروبات الفيس الخاصة بالسفر بينزلوا فيها تفاصيل كتير بتساعد زي traveller experience و travel secrets club
تم النشر الثلاثاء، ٦ ديسمبر ٢٠٢٢
نصيحه ... من واحد سافر الامارات ١١ سنه . تجربه تستحق الاهتمام . لو معاكي فلوس ... غير كده ...لاش مرمطه
تم النشر الاثنين، ٢٨ نوفمبر ٢٠٢٢
لعرض السؤال في فدني اضغط هنا