بنوتة اختى عندها ١٣ سنه التعامل معاها صعب اوى واسلوبها وحش جدا خصوصا مع مامتها طريقتها فى التعامل معاها سيئه للغايه مع ان احنا تربيتنا مش كده خالص
على طول واخده جنب لوحدها ومكشره وعايزه تكون مع أصحابها بس
محدش بيعرف يتفاهم معاها الا باباها وانا خالتها
فيه حاجه حابه ألفت الانتباه ليها هى كانت فى مدرسه من ٣ سنين وكان ليها اصحاب بتحبهم وبيحبوها وانتقلت لمكان تانى ومدرسه تانيه وده مأثر عليها لأنها مش بتعرف بسهوله تكون صداقات
السلام عليكم من سمات سن المراهقه كل اللي حضرتك كاتبتيه ده وخصوصا الميل اكثر الي أصحابها . اهم شئ ولدتها تحاول تقرب منها اكثر وياريت تغير طريقه المعامله معاها وتسمعها ودايما تحضنها وتحسسها بالامان ووالدها كويس جدا انه قريب منها ده مهم جدا وهي انصدمت لما سابت أصحابها وبتحاول تكون صدقات جديده وده صعب لاسف في سن المراهقه لاني بسميه سن التمرد البنت بتحاول تعمل عكس كل اللي يتقالها قربو منها اكثر وتنقشو معاها واعرف ايه اللي مدايقها وصحبوها اكثر وان شاء الله هتبقي مرحله وتعدي 🌹
تم النشر الاثنين، ٢٢ يوليو ٢٠٢٤
هذا السن يتصف بهذه الصفات دون أي مؤثرات خارجية، فما بالك أنها تفتقد صديقاتها وتشعر بالوحدة؟ طيب ممتاز أنك ووالدها قادرين على التواصل معها بدرجة فعالة، لو أردتِ نصيحتي، يمكنك أن تقدمي لها دعوة عشاء خارج المنزل ثم تمروا سويًا لشراء ملابس لها ولو قطعة بسيطة ثم تختمون اليوم بالمثلجات مثلًا. وخلال تجولكم احكي لها عن مشاكل فترة مراهقتك أنت، كيف كنتِ تشعرين، كيف أنك كنت تعتقدين أن المحيطين بك غير قادرين على فهم دماغك، إلخ. واجعلي نبرة الحوار ودودة بعيدة عن التكلف وترقب رد فعل معين منها. إذا حكت عما يزعجها كان بها وإذا لم تشأ الكلام فلا بأس، سوف تستعيد الحوار بينكما وتعود للكلام معك ومصارحتك. وعندما تفعل، سليها عما يضايقها من والدتها وكرري على مسامعها دائمًا كلمة أتفهمك، أشعر بك، وهكذا.
تم النشر الأحد، ٢١ يوليو ٢٠٢٤
أيوه، المرحلة دي صعبة شوية للبنات في سن المراهقة، وبتحتاج صبر وفهم من الأهل. ١. تفهم مشاعرها: خليكي قريبة منها وحاولي تفهمي المشاعر اللي بتمر بيها. البنات في السن ده بيكون عندهم تقلبات مزاجية كبيرة وممكن يكونوا مش عارفين يعبروا عن اللي جواهم. ٢. استمعي من غير حكم: لما تكلميها، حاولي تكوني مستمعة جيدة من غير ما تحكمي عليها. ده بيساعدها تحس إنها مش لوحدها وإنك بتفهميها. ٣. اهتمي بمهارات الصداقة: حاولي تساعديها تتعلم ازاي تكون صداقات جديدة. ممكن تقترحي عليها تنضم لأنشطة أو هوايات جديدة تساعدها تتعرف على ناس جديدة. ٤. وقتك معاها: اقضي وقت معانا بلعب أو مشاهدة أفلام أو أي نشاط بيحبوه مع بعض. ده بيساعد في تعزيز الروابط بينكم ويديها فرصة تتكلم براحتها. ٥. اتكلمي مع مامتها: الاحتمال الكبير إنها تكون متضايقة من حاجة معينة، ممكن تتكلمي مع مامتها وتشوفي لو فيه حاجة ممكن تقدروا تعدلوها فى طريقة التعامل معها. ٦. التشجيع: شجعيها دايماً وحسسيها إنها مميزة وفيها حاجات كويسة، ده بيعزز ثقتها في نفسها. وفوق كل ده، افتكري إن المراهقة مرحلة وبتعدي، ووجود دعم وحب من الأهل بيساعدهم يعدوا المرحلة دي بسلام إن شاء الله.
تم النشر الأحد، ٢١ يوليو ٢٠٢٤
ادوها وقتها بجد ودا سن مراهقه زي وانا بمر ب دا دلوقتي ، وكل حاجه هتعدي بس حاولو تخرجوها و تودوها نادي تتعرف علي بنات محترمه و من سنها لاننا بنكون محتاجين شخص في سننا نتكلم معاه و جيبولها حجات حلوه و شاركوها يومكم وخدو ارائها عشان متحسش انها لسه طفله
تم النشر الأحد، ٢١ يوليو ٢٠٢٤
والله عاملين كده واكتر بكتير بس على طول مفيش اى حاجه بترضيها خالص على طول ما عاجبها حاجه خالص ورافضه كل حاجه ..ربنا معاكى ومعاها يا حبيبتي انا حاسه بيكم والله بس انا بتضايق لما بلاقيها مش مبسوطه انا مش بس خالتها ده هى كل دنيتى حرفيا انا اللى مربياها
تم النشر الأحد، ٢١ يوليو ٢٠٢٤
لعرض السؤال في فدني اضغط هنا