يا ريت اللي يعرف يشخصني يرد 😔
أنا ١٨ سنه
مشكلتي إني بحس بضغط كبير اوي و توتر لما بكون قُدام أشخاص معينه و ينظروا لي كتير و أنا بتكلم مع حد تاني بحس إني مش عارفه أتكلم أو اضحك او افتح بؤي و بحس برعشه في وجهي بعيني و شفايفي بتكون واضحه جدا وعقلي بيفكر كتير اوي و برتعش و من فتره اعتزلت كل الناس و اصحابي لمده مش بتكلم مع حد ابدا و طول الوقت عصبيه جدا جدا و بفكر طول الوقت كتير جدا.
مع القريبين مني مش كده خالص و محدش يلاحظ عليا لأني ف مكانه اجتماعيه كويسه و شخصيتي قُدام الناس بكامل اناقتي دايما بلبس أحسن لبس و أبين للناس إن الlife style أحسن حاجه و متفوقه دراسيا كمان بحس إن نظرتهم ليا بتخليني ارتعش و فمي ما اقدر افتحه بس بحس إن اللي عندي ده كله من الاسره لانهم دايما يتخانقو مع بعض كبار و صغار و لأني متربيه من ونا صغيره بالشده و اقل غلطه كنت بتعاقب بالضرب و دلوقتي بعاني من الoverthinking دايما بفكر جدا ف حاجات مش عايزه أفكر فيها🙂
انا مش عارفه عندي رهاب اجتماعي ولا لا بس اللي لاحظته إني بقدر انزل لوحدي عادي و اشتري و اخرج و اكلم ناس أول مره اشوفها و اهزر معاهم و كنت ف اليوم التعارفي للجامعه اتعرفت على ناس كتير و مكانش في اي stress و كنت اجتماعيه جدا و مش عارفه انا عندي وسواس ولا توتر ولا في اي
بلاش تعتزلي عن الناس لان ده هيأثر عليكي بالسلب هخليكي تقعدي مع نفسك كتير وتفكرى دايما اشغلي وقتك بحاجة مفيدة اخرجي مع صحابك شوفي ناس قربي من ربنا اكتر اقرأي الاذكار فى ميعادها وورد قرآن على حسي مقدرتك انتى بس إللي واهمة نفسك أن فيه حاجة متسيبيش نفسك للشيطان أنه يوهمك ويخليكي تبعدي عن الناس استغفري كتير والتزمي بتاج الذكر انتى مش فيكي حاجة قربي من اهلك وصحابك انتى بخير متقلقيش وافرحي وعيشي حياتك
تم النشر الخميس، ٢٦ سبتمبر ٢٠٢٤
انا زيك جدا بجد زيك جدا جدا لما اروح عند اي حد نقعد هاديه مش بتكلم ومش بعرف ارد على اسالتهم ولا اي حاجه وببقى متوتره زيك بالضبط بس سمعت ناس بتقول اتفرجوا على فيديو ازاي يبقى عندك ثقه بنفسك والحوارات دي هتفرق معاكي جدا انا بحاول على قد ما اقدر ان انا افكر وانا معاهم اقعد اقول مش لازم اتكسف لا لازم اتعامل بطبيعتي ويحبوني بطبيعتي عادي انا بحاول ان انا ابقى شجاعه فاهمه انت بحاول ان انا افتكر اي حاجه تخليني هيقعدوا يقولوا لا دي ما بتعرفش ترد وكده فانت حاولي تسمعي على اليوتيوب ازاي ابقى واثقه ازاي اتعامل مع الناس والحاجات دي هتعلمك حاجات كثير
تم النشر الخميس، ٢٦ سبتمبر ٢٠٢٤
من ناحية التشخيص فإن شاء الله يرد عليكِ المختصين بالإجابة الصحيحة لتشخيص حالتكِ. بالنسبة لتوترك أمام أشخاص معينين فنصيحتي إنك تدربي نفسك وتزرعي داخلك فكرة إن كل الناس بشر ولا داعي أبدًا أبدًا للشعور بالتوتر والخوف أمامهم. لا تعطيهم هالة ضخمة وركزي تفكيرك على أنهم بشر مثلك لا يتميزون عنكِ في شيء. ما أسوأ ما يمكن أن يحدث معهم؟ هل سيأكلونكِ مثلًا؟ ماذا بهم حتى تخافي منهم وتتوتري وتعطيهم أهمية للدرجة التي تجعلك ترتعيشين أمامهم؟ إذا دربتِ عقلك وأقنعتِ نفسكِ أنهم بشر وأنهم عاديون ولا يستطيعون فعل شيء لكِ وأنهم مثل الآخرين الذين لا تتوترين أمامهم ستجدين أن المشكلة قد حُلت ودون أن تدخلي نفسك في تعقيدات وتحليلات نفسية ومخاوف من أن تكوني تعانين من رهاب اجتماعي وغيره. بالنسبة للتفكير الزائد، هل تفكرين مثلا في أشياء ماضية حدثت وتظلين تستعيدينها وتندمين أنك مثلا لو كنتِ فعلت كذا أو كذا؟ أو هل هو تفكير في مخاوف وأشياء لم تحدث وقلق ناحية المستقبل؟ حاولي عمل بعض تمارين التنفس والاسترخاء لتقليل التوتر، يمكنك تفريغ أفكارك في جلسة خلوة مع النفس أو بكتابتها على الورق. وأيضًا اشغلي نفسكِ عن التفكير بالاستغراق في نشاطات مختلفة مثل الكتابة أو الرسم أو ممارسة الرياضة أو أي نشاط يمكن أن يشغل ذهنك عن الأفكار غير المجدية. وأيضًا كل يوم في الصباح حاولي كتابة صفحة واحدة تفرغين فيها أفكارك ومارسي تمرين الامتنان لمدة خمس دقائق بكتابة الأشياء والنعم التي أنتِ ممتنة لوجودها في حياتكِ. كتابة الإيجابيات والنعم سيجعلك تركزين على الأشياء الجيدة في حياتك ويبعدكِ عن الأفكار السلبية. بالتوفيق إن شاء الله.
تم النشر الثلاثاء، ٢٤ سبتمبر ٢٠٢٤
من الجيد أنك تبحثين عن طرق لتحسين صحتك النفسية. ولكن يجب أن تعلمي أن أخذ الأدوية يجب أن يتم تحت إشراف طبيب مختص، حيث إن لكل دواء تأثيرات جانبية واحتياطات يجب مراعاتها. قبل اتخاذ أي قرار بشأن الأدوية، من الأفضل أن تتحدثي مع طبيب نفسي أو مختص في الصحة النفسية. سيكون لديهم القدرة على تقييم حالتك بشكل صحيح وتقديم النصائح المناسبة. وبالإضافة إلى ذلك، يمكنك أيضًا التوجه نحو بعض العادات الصحية مثل ممارسة النشاط البدني بانتظام، وتناول طعام صحي، والحفاظ على نوم جيد، حيث أن هذه الأمور جميعها تساعد في تحسين الحالة النفسية والتقليل من التوتر. إذا كنت بحاجة لمزيد من الدعم، يمكنك البحث عن استشارات نفسية، تذكري أن الاعتناء بصحتك النفسية هو خطوة هامة نحو العافية. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٤ سبتمبر ٢٠٢٤
يا روحي انتي طبيعية جدا مفكيش حاجة، كلنا في السن دا كنا كدا وانا كنت زيك كدا ودلوقتي مفيش الكلام دا😂 بجد فكرتيني ب وأنا صغننة🥹 المهم تقبلي مشاعرك دي وماتخليهاش تأثر عليكي سلبيا، يعني صاحبي زمايلك البنات واخرجي معاهم واتكلمي واضحكي بس من حيث المشاعر هتختفي مع الوقت
تم النشر الأربعاء، ٢٥ سبتمبر ٢٠٢٤
يارب يارب يارب يارب يارب يارب يارب معاكي
تم النشر الخميس، ٢٦ سبتمبر ٢٠٢٤
ربنا معاكي يارب يقلبي كلنا بنحس بكده بس حاولي انك مش تحطي ف بالك عشان متتعبيش
تم النشر الخميس، ٢٦ سبتمبر ٢٠٢٤
يروحي ربنا معاكي يارب
تم النشر الخميس، ٢٦ سبتمبر ٢٠٢٤
لعرض السؤال في فدني اضغط هنا