لو سمحتم انا لما بلاقي حد بيطلب حاجة لله وانا فريقي للكليةووانا كنت فالمدرسة بديله وبيصعب عليا بس بابا وماما بيزعقولي ويقولولي دول نصابين بس انا بقول انه لو نصاب هو اللي هيتحاسب وانا بطلعها لله عشان عاوزة اتصدق وبعدين قال الرسول(ص):ما نقص مال من صدقة لكن ماما بتقولي انا بتصدق عنك انا وبابا وملكيش دعوة واوعي تدي حاجة لحد وانا بتضايق منهم يعني بدل ما يشجعوني!!
فانا بقيت بطلع برضو لله للي بيسأل ولما بروح وماما تقولي صرفتي الفلوس دي فين بكدب عليا واقولها جبت بيها حاجة حلوة وهي بتفرح وبتقولي ايوا كده وأهم حاجة متديش حاجة لحد عشان دول نصابين واحنا بنديكي الفلوس دي عشان تجيبي بيها اللي نفسك فيه
هل انا عليا ذنب هنا اني بكدب على امي،وهل يجوز اني اتصدق بالمصروف اللي باخده مت ابويا مع انه مش موافق اني اطلع المال ده للناس اللي بتسأل أو لله عمتا
وسؤال تاني ازاي افرق بين الشخص المحتاج بجد والنصاب،واي الاماكن الموثوقة اللي اتصدق منها
بصي هو المسلم مينفعش يكون ساذج لازم يكون ناصح في ناس معينه أولي بالفلوس ديه زي أهلنا في غزه ده فرض علينا أن احنا نديهم فلوس لأن ديه حرب بين الإسلام والكفر أنت فهماني يعني المفروض يكون أولويات ده غير أن الناس الي فعلا بتبقا محتاجه فلوس بيكون عندهم حياء وعفه ومش بيطلبوا من أي حد الا بالعفه وخجل شديد مش زي الي إحنا بنشوفهم في الشارع
تم النشر الجمعة، ٥ أبريل ٢٠٢٤
لا يجوز التصدق بمال الوالدين دون رضاهم ، حتى لو كان المال قد أعطي لك لشراء الطعام أو غيره. والسبب هو أن المال ملك للوالدين : فلا يحق لك التصرف به دون إذنهم. الحل : استأذن الوالدين قبل التصدق بالمال : اشرح لهم رغبتك في التصدق بالمال وسبب ذلك. إذا لم يُوافق الوالدين على التصدق بالمال : احترم رغبتهم ولا تُصرّ على التصرف بالمال. ملاحظة : يُمكنك التصدق بجزء من المال بعد استئذان الوالدين : تأكد من أن الجزء المتبقي يكفي لشراء الطعام واحتياجاتك الأخرى. يُمكنك البحث عن طرق أخرى لمساعدة المحتاجين : مثل التطوع في العمل الخيري أو تقديم المساعدة المباشرة للمحتاجين.
تم النشر الجمعة، ٥ أبريل ٢٠٢٤
الناس المحتاجة فعلا عمرها ما بتنزل الشارع تشحت، ودا لاني قابلت وعرفت بيوت كتير مش بيكون عندهم أكل في بيتهم ممكن في رمضان مفيش سحور ولا فطار و لما اكلمهم اطمن عليهم بعرف من الأطفال ووالدتهم بتكون مستحيه تقول أو تطلب مساعدة حتى ولما بتطلب بيكون طلبها ( أي اكل للولاد وانا مش مهم ) طبعا دي حاله من ضمن حالات كتير جدا بنقابلها وكلهم المشترك فيهم إنهم عندهم عزه نفس ومش بيطلبوا ومش قادرين ينزلوا يشتغلوا.. أما اللي بيلفوا في الشوارع يقدروا يشتغلوا ومعظمهم عاوزين فلوس كاش محدش فيهم بيطلب مثلا أكل ياكله بدل الفلوس أو دوا .. لما بساعد لحد في الشارع بيكون مثلا شخص طالب دواء ممكن أقترح إني اشتريهوله بنفسي مثلا أو اجيبلهم أكل بنفسي وهكذا.. أما بخصوص إنك تتصدقي من مال أهلك بدون علمهم فلا يجوز لأحد أن يتصدق من مال أحد غيره بغير إذنه. وأهلك عايزينك تصرفي الفلوس دي بطريقة معينه وهي إنك تجيبي أكل لنفسك أو تكون مواصلات وراحه ليكي وهما زي ما قالولك بيتصدقوا عنك أكيد لأماكن موثوقة
تم النشر الجمعة، ٥ أبريل ٢٠٢٤
لايجوز الا بعلمهما لأنهم هم الذين يملكون هذا الحق فلو أنهم اذنوا لكي فلا مانع
تم النشر الخميس، ٤ أبريل ٢٠٢٤
طيب احنا لو قلنا احنا ما راي مامتك وباقي ولا مع تصرفك انت فخليني اقول لك نصيحتي انا الشخصيه انه كلامهم هم الاصح لان الناس اللي حقيقي فعلا محتاجه مش هم دول اللي بيكونوا في الشارع وبيتسولوا بالطريقه اللي الناس دي بتتسول بها ابسط حاجه هقولها لك الناس اللي واقفه تتسول دي وتقدر بالجهد تفضل واقفه على رجليها او قاعده في الشارع الوقت الطويل ده الناس دي تقدر يعني تصرف نفس الجهد ده في شغل. ليه اختاروا ان هم يقفوا في الشارع ايديهم علشان ده اقل جهد فيعني ما اعتقدش انه الشخص اللي مستخسر جهده وعافيته اللي ربنا ادهاله وبيعمل كده انا اسهل عليه الموضوع كمان وادي له وانت مش مشكله عندك في الخمسه جنيه وغيرك ما عندوش مشكله في الخمسه جنيه والشخص ده بيعمل فلوس اكتر من حد ثاني بيتعب وبيصرف كل جهده في شغل حقيقي فبيبقى نوع من انواع الظلم بصراحه اللي احنا ممكن نشارك فيها يعني ده مع ان في حتى اروى العلماء زي رايك كده انه لا احنا نعطيهم والعهده عليهم هم لو هم نصابين. ادي بقى ينفع عندك تجذلي على مامتك طبعا لا للكذب لا يبرر مهما كان حتى لو انت بتعملي صادقه او بتعملي حاجه صح مش هينفع تكذبي يعني انت ممكن تقولي انك صرفتي ده لحد محتاج او تقولي انا طلعتها صدفه زي ما في ناس كده طرحت عليك حاجات كتير تعمليها صدقه مستشفى من المستشفيات تقولي وتعملي ده فعلا يكون افضل لك كثير يعني والانجذب لا يعني طبعا هتاثمي عليه لانه كده مش مسموح به. طيب انت بقى ينفع تطلعي من الفلوس دي صدقه ولا لا ولازم تكون باذنهم ولا لا هو نشوف الاول هم مديني الفلوس دي الحاجه محدده ولا مدينها لك كمصروف شخصي لو هم مدينها لك كمصروف شخصي خلاص وطلعت من ذمتهم ان هي مصروف شخص ليكي فانت لك الحريه انك تصرفيه بالشكل اللي انت شايفاه لكن لو هما الدورك الفروز يقولوا لك الفلوس دي عشان تعملي بها كذا الفلوس دي عشان تجيبي بها كذا وبس طبعا هيبقى لازم انك ترجعي لهم لو انت هتصرفيها في حاجه تانيه.
تم النشر الخميس، ٤ أبريل ٢٠٢٤
خليكي وسط ماتطلعيش كتير يعني مثلا خمسه جنيه فضه وزعيها ع كذا حد وخلي بالك من نفسك برضو ماتخديش حد وانتي ف حته فاضيه هم فعلا ناس مش تمام خصوصا اليومين دول بيبقوا عصابه أصلا والأطفال دي بتبقى متسربه تبع ناس ف خمسه جنيه مش كتير اول ولو كتير ممكن خمسه ع مدار الأسبوع ادي اتنين اتنين لشخصين ولو طفل أديه جنيه وبس كده
تم النشر الخميس، ٤ أبريل ٢٠٢٤
@eman elshenawy تسلمي وجزاك الله خيرا
تم النشر الخميس، ٤ أبريل ٢٠٢٤
rozana walid@ جزاك الله خيرا،بس في ناس فعلا بتسأل وبتبقى محتاجة وبيصعبوا عليا اوي يعني مجتش عالخمسة جنيه اللي هديهالهم جبرا لخاطرهم حتى
تم النشر الخميس، ٤ أبريل ٢٠٢٤
بصي هو دة مصروفك فمتهيألي مبقاش فلوس بابا .هما عطوكي فلوس فخلاص بقت بتاعتك وانتي اللهم بارك كبيرة في كلية فمسؤلة طبعا من ربنا وانا بالنسبالي ببقي عارفة ان مش مهم الشخص الي قدامي مخادع او لا الصدقة قبل ما تديها للشخص نفسة فأنتي بتعطيها لربنا وكمان ممكن تعمليها من باب ان انتي مردتيش ايد سائل زي ما ربنا قال والذين في اموالهم حق معلوم للسائل والمحروم و وكمان ايام حادثة الافك الي السيدة عائشة اتهمت فيها الشخص الي اتهمها كان بياخد فلوس من سيدنا ابو بكر فسيدنا ابو بكر كان عايز يقطع عنة النفقة الي بيدهاله ولكن ربنا انزل ايآت وليعفوا وليصفحوا الا تحبون ان يغفر الله لكم والله الغفور الرحيم ومن ساعتها وابى بكر مقطعش الصدقة لحد ما مات .فمش مهم الشخص وحش ولا لا انتي بتتعاملي مع ربنا . وبالنسبه لأهلك لما يسألوكي قولي عملت حاجه بحبها بالفلوس (وانتي اصدقك تصدقتي ودي حاجه بتحبيها)او قولي جبت لنفسي خير كتير (هي هتفهم حاجات حلوة ولكن انتي اصدك الخير الي ربنا هيدهولك) وربنا يتقبل منك يارب
تم النشر الخميس، ٤ أبريل ٢٠٢٤
تقدري تخلي عندك محفظه علي تليفونك وتتبرعي للرقم المستشقي دي وده افيد كتير
تم النشر الخميس، ٤ أبريل ٢٠٢٤
حببتي اول حاجه الصح انك تدي الناس المحتاجه مش اي حد وخلاص لان الموضوع ف الناس الي بتشحت اكبر من ما انتي متخيله طيب ازاي تعرفيهم ** الناس الي محتاجه غالبا بيكون عندها عفاف زي مثلا لما تلاقي وحده بتبيع خضار مثلا ***غير كده ف اماكن كتير للتبرع زي مستشفيات والبرع فيها باي فلوس مش شرط مبلغ
تم النشر الخميس، ٤ أبريل ٢٠٢٤
لعرض السؤال في فدني اضغط هنا