انا عندي مشكله ف نفسيتي بسبب اهلي
اتجوزت وسافرت بعيد عنهم بس بردو لسه اللي كانوا بيعملوا معايا مأثر عليا لحد دلوقتي ولما بفتكر اي موقف بتجن وبتخنق واوقات بتعصب ف طريقتي بالكلام مع زوجي
وده بيأثر عليا لانه بيضايق وممكن نتخانق
يعني لحد دلوقتي بعاني بسبب اهلي
اعمل ايه عشان انسى كل اللي فات واقدر اكون نفسيه سويه تماماً
السلام عليكم ورحمة الله وبركاته شكرا لحضرتك ع المشاركة تخيلي مثلا انك سائقة عربية العربية وانتي سايقاها بيكون في مرايه جانبيه ومرايه قدامك بتشوفي بيها اللي وراكي وطبعا بتركزي فالطريق هل ممكن اركز ع المرايه اللي قدامي وافضل باصه فيها بس عشان خايفه ان اللي ورايا يخبطني ممكن كده يحصل ايه للاسف هتلبسي فاي حاجة واي حد قدامك وممكن للاسف تخسري نفسك او يحصلك مشاكل بسبب ده المرايه الاماميه اللي بنبص فيها ورا دي دا عبارة عن الماضي بتاعنا بالحلو والوحش اللي فيه والعربية دي حياتك وانتي اللي بتديري حياتك او بتسوقيها لو فضلت عينيا وتركيزنا باصص ع الماضي بس هنخسر حاضرنا ومستقبلنا فايده المراية دي ايه ابص عليها أأمن نفسي اخد بالي مجرد نظرات مش اكتر من كده بس تركيزي هيكون ازاي بسوق ورايحة فين يارب يكون وصلك قصدي
تم النشر الأربعاء، ٢٠ سبتمبر ٢٠٢٣
لابد من التشافى ، جواكى أثار قديمة لازم تتخلص منها ازاى؟ تكتبى كل مشاعرك تجاهم بالضبط بكل أريحية وتكتبى انتى ليه زعلانة منهم، وانك نفسك تحلى مشكلتك معاهم وبعد ذلك تسامحيهم لان ده مستوى وعيهم وتبدءى تتعلمى شىء مهم هو وضع الحدود بهدوء معاهم ولا تخافى تشجعى ان تضعى الحدود وتفهميم لو فى حاجة بتضايقك وتقولهم مشاعرك قبل اما زوجك يجى البيت تكونى حله الموضوع بينك وبين نفسك لو عندك مشاعر اتخلص منها بالكتابة ولا تردى على أحد منهم أثناء تواجد زوجك بالمنزل
تم النشر الأربعاء، ٢٠ سبتمبر ٢٠٢٣
انا نوعا ما زيك بس لسه موجوده في بيت اهلي وتحكمات بقي حاجات غريبه بتحصل بس لما بدأت اهتم بنفسي وكل حاجه يعملوها فيا موقف حصل بكتبوا في ورقه وقطعها وارميها في الهوا والراحه النفسيه اللي هتحسيها لا توصف بس نصيحه مني تنسيق الماضي وتغلبي عليه وزوجك ملوش زنبحاولي عشان نفسك مش عشان حد
تم النشر الأربعاء، ٢٠ سبتمبر ٢٠٢٣
حاولى تقربى من ربنا وتغفرى وتسمحى وكله فى ميزان حسناتك ان شاء الله وبعدين علشان ربنا يرحمهم فى الاخره بكره هيفرقوا الحياه وهتندمى لو مسمحتيهمش وربنا اسمه الغفور الرحيم وربنا يهدينا جميعا بس فى النهايه لازم تحاولى وتسمحى علشان لو انتى بنتهم ومش هتسامحى يبقى مين تانى هيسامحهم
تم النشر الخميس، ٢١ سبتمبر ٢٠٢٣
ايه هي المواقف ديه بالظبط؟ الحل في حاجات كتير .. أولهم انك تعبري عن مشاعرك ليهم، او تحاولي تفرغي مشاعرك ع ورق، تحاولي تكتبي كل ما بيبقى جواكي كبت. تاني شئ وهي محاولة الفهم .. فهم سيكولوجية الاهل .. ليه كانوا بيتعاملوا بالطريقة ديه، وديه محتاجين نتكلم في المواقف اكتر اللي كانت بتحصل بينك وبينهم.
تم النشر الأربعاء، ٢٠ سبتمبر ٢٠٢٣
هى دى بتبقى صدمات طفولة ....محتاجة بس تتابعى مع حد فى خطوات التخلص منها ...لان على حسب المواقف وعلى حسب اللى اترجم عندك وانتى طفلة ولسه مطبوع هيكون فى طريقة تفكى بنفسك الفهم ده بوعيك الحالى وانتى كبيرة . يعنى ممكن تكونى مصدومة ان ماما ضربتك على ايدك قصاد مجموعة من الناس ....وان ده مطبوع جواكى انه اهانه كبيرة فتفضلى وانتى كبيرة حاسه منها بالاهانه رغم انك دلوقتى بتتعاملى وسط الناس عادى فانتى بغضب وشعور الطفلة بتتعاملى وانتى كبيرة
تم النشر الجمعة، ٢٢ سبتمبر ٢٠٢٣
كويس انك بعيده وعيشي حياتك واخرجي واتفسحي وكلامك معاهم يكون على قد السؤال مش اكتر من كده
تم النشر الأربعاء، ٢٠ سبتمبر ٢٠٢٣
لعرض السؤال في فدني اضغط هنا