دلوقتي أنا في مشكله جامده وأحتمال اطلق فيها أنا دلوقتي اتخنقت أنا وجوزي خلاف عادي وروحت عند اهلي وفي الزعل دا امه دخلت في الموضوع وسخنت الدنيا عليا انا متجوزه بقالي 3 سنين وكنت بعتبر حماتي دا صحبتي واختي وسري وكل حاجه المهم كنت بتفضل تحكيلي محمد عامل ايه معاكي ودنيته معاكي وكدا انا فتحت قلبي وحكيتلها أن هو مش مهتم بيا ومش معايا وبارد جدا والكلام دا وحكتيلها يعني هو بعمل ايه معايا بظبط المهم اشتريت الكلام دا اكتر من سنه اهو ودلوقتي هي وانا زعلانه انا وجوزي راحت حكيتله ع الموضوع دا وهي بتطلع سر اوضه النوم برا وحكيتله اللي انا كنت حكها ليها من سنه وبتقول وبتقول دلوقتي جوزي كان رافض يتكلم معايا طبعا ولما عرفت انها عملت كدا اتكلمت مع جوزي وفهمته أن انا مش حكتلها الكلام دا غير من سنه تقريبا ومش في المشكله ابدا هو طبعا سامع الكلام دا مش عارف يوجه أهله ولا يبوس في امه وكرامته في الأرض بسبب الموضوع دا وهو فاهم مني الكلام وقالي هنقعد انا وانتي وهي وابويا وتقولي اللي حصل دا انا دلوقتي صعبان عليا نفسي اوي ومش عارفه اتصرف ازاي وانا بعترف أن انا غلطانه فعلا أن اتكلمت معها ف الموضوع دا بس مش عارفه لما اقعد معهم مواقفي هكون ايه وزعلانه اوي اعمل ايه اقعد واقول اللي حصل ولا اتصرف ازاي انا فعلا مظلومه ولله 😓
اعملى ليه اللى هيريحه ردا لكرامته وارضاءا للخطأ اللى كان فى حقه لما قولتى الكلام ده حماتك اه كده كده غلطانه دلوقتى دى كانت غلطه واوعى تهربى من مواجهة العواقب بتاعتها عشان ما تزيدش اقعدى وقولى انك ايوه قولتى الكلام ده بس ده كله قديم وانك وجوزك دلوقتى مفيش بينكم اى حاجة من الكلام ده والمشاكل الحالية مشاكل طبيعيه. واعتذرى لجوزك قدامهم انك طلعتى اى حاجة تخصكم برا البيت وان ده مش هيتكرر . متوجهيش انتى اى كلام لحماتك انها غلطت او تعاتبيها حتى ..خلى ده يجى من جوزك وبس. اقصى حاجة تقوليها انا عارفه ان حضرتك اكيد قولتى الكلام اللى ما بينا ده من حبك فى ابنك ومكنتيش عارفه ان ده ممكن يعمل مشكلة اكبر .
تم النشر الجمعة، ١٦ فبراير ٢٠٢٤
تكلمي مع حماتك أو خلي حد من أهلك يتكلم معها ويوضح لها غلطها ويطلب منها تصلح غلطتها وتلطف الجو مع زوجك قبل ما يقعد معاكي علشان تحافظوا على البيت
تم النشر الجمعة، ١٦ فبراير ٢٠٢٤
اصبري لما تقعدوا انت و حماتك و حماكي و جوزك و حاولي تهدي الموضوع في القاعدة عشان متحوطيش جوزك في موقف صعب جدا بينك و بين أهله معلش تعالي علي نفسك المرة دي و انشاء الله ربنا يعدي الموضوع علي خير
تم النشر الجمعة، ١٦ فبراير ٢٠٢٤
بإذن الله بعد ما المشكلة تتحل متستأمنيش غير والدتك ع اي سر ، ومن بعدها اختك ، لكن اي حد خارج دائرة مامتك واختك فهو عير أهل للثقة مهما عمل
تم النشر السبت، ١٧ فبراير ٢٠٢٤
احكي كل حاجه
تم النشر الجمعة، ١٦ فبراير ٢٠٢٤
احكي اللي حصل وماتكدبيش وماتكرريهاش....مفيش حل تاني ومتسخنيش جوزك علي امه عشان مش هتسيبك في حالك
تم النشر الجمعة، ١٦ فبراير ٢٠٢٤
غلط انك تتطلعي اسرار بيتك برة حتي لو كانت حماتك
تم النشر السبت، ١٧ فبراير ٢٠٢٤
لعرض السؤال في فدني اضغط هنا