بصراحه انا بقالي كتير مش بصلي وانا في نيتي زعلانه وعايزه ارجع لربنا واتوب عن دا انا غلط كتير اوي بس انا زي مقسومه نصين نص عاوز يرجع لربنا والنص التاني مش قادر ومافيش شغف انا تعبت اوي وايه ان ربنا مش راضي عني انا والله بحاول وعايزه انول رضا ربنا ياريت حد يفهم السوال 😞
ابتدي ثبتي حاجات صغيرة ف يومك وحافظي عليها ، الموضوع محتاج مواظبة بس ، واسمعي فيديوهات كتيرة عن اهمية الصلاة واعرفي ان احنا اللي محتاجين الصلاة عشان نشكي لربنا عن اللي بيحصلنا ، وابتدي ابني يومك علي الصلاة اللي هو انا اموت ولا اني اضيع صلاة واحدة ، ومتسماعيش لكلام الشيطان اللي هو انا منافقة انا يوم اهه ويوم لا ده كله عشان يشكك ف نفسك المهم انك تجاهدي نفسك و تدعي ربنا انه يثبتك ، واعملي ج،ول للصلاة شوفي انتي بيفوتك انهي صلاة وبيفوتك ف ايه وحاولي ع قد ما تقدري انك تصلحيها ، وربنا يثبتك ويثبتنا جميعا
تم النشر الثلاثاء، ١٣ يونيو ٢٠٢٣
ارجعى وابدأى حتى لو بنص واحد...وقاومى النص التانى ده. النص التانى ده اللى بيحبطك ده اللى لسه بيسمع للشيطان واليأس فى اى حاجة الا فى علاقتك بربنا. اوعى تبطلى تزعلى على تقصيرك واوعى تتعودى على التقصير. ان شاءالله ربنا هيكون راضى عنك طول ما انتى بتحاولى وهيساعدك طول ما انتى بتسعى تقربي منه...قربي بكل الطرق ..الدعاء فى كل وقت ..الاذكار والتسبيح والاستغفار. اعملى خير...اجبرى خواطر ...ساعدى غيرك ولو بحاجات بسيطة ...اتلككى عشان تقربي لربنا...كونى واثقه ان ربنا مش هيضيعك ابدا
تم النشر الثلاثاء، ١٣ يونيو ٢٠٢٣
النص اللي معندوش شغف ..؟ تقصدي بيه ايه؟ يعني ايه معنديش شغف ارجع لربنا!
تم النشر الثلاثاء، ١٣ يونيو ٢٠٢٣
هقولك شوية مقتطفات عن الصلاة و مش بعيد تقومي و تصلي فى ساعتها الصلاة ركن من أركان دينا الحبيب ركن من أسهل و أحسن الأركان اللي بنقضيها يومياً. ليه يعني ؟ الصلاة منها بنقابل الكريم و بنكون بين أيديه الصلاة منها بنقرب لربنا اكتر الصلاة منها بنكفر سيئاتنا الصلاة منها الشفاء للمشكلات النفسية الصلاة مفتاح للثبات و الانتظام اللي من خلالها تقدري تنجحي فى حياتك الصلاة من خلالها بتضافي عند أكرم الضيافين (الله) و بدون وسطه تخيلي كل ده و اكتر كمان فى صلاة واحدة بتاخد أقل من خمس دقائق لا و غير كده لو اذنبتي ذنب و قومتي بعدها صليتي رقعتين غفر لك ده الصلاة لوحدها ما بالك بالتوبة باب التوبه مفتوح لحد يوم قيام الساعة و يحظ التائب إن قوبلت توبته و الله أكرم من أن يرفض توبة عبد من عباده و أظن إنك عارفها إيه هيا نتيجة التوبه !! أيوا صح يغفر لك كل أعمالك السابقة الورقة بترجع بيضة ولا كأنها مكنش فيها حرف من كلمة سيئه و يبدل كل ده بحسنات مش هقولك أبدا صلي و اقراء قرآن و اذكرى الله لا لا لا بالعكس حبه حبه إن الله يحب العمل الصغير الذي يدوم ولا يحب عمل كبير إن لم يدم خوديها واحده واحده ابدأ بالصلاة الأول صلي اللي فاتك من انهاردة و أدعي فى صلاتك (اللهم يا مغيير القلوب ثبت قلبي على دينك) و بس و إن شاء الله تكوني من القوامين الصائمين التوابين .
تم النشر الثلاثاء، ١٣ يونيو ٢٠٢٣
ماذا وجد من فقد الله وماذا فقد من وجد الله
تم النشر الأربعاء، ١٤ يونيو ٢٠٢٣
فكري لما بتزعلي بتقولي يارب ولما تفرحي بتقولي شكرا يارب ربنا موجود معانا في كل مكان بس لو صليتي هتقربي اكتر من ربنا هتحسي بالامان وهتحسي انك سعيده باقل حاجه هتحسي براحه محستها قبل كده شجعي نفسك وابعدي الشيطان عنك الشيطان عايزك تبعدي عن ربنا وتكوني انسانه ضالة بس انت متخلهوش يحقق الي هو عايزه قبل الصلاة بخمس دقائق روحي اضوتي وافرشي المصلية واستني ياذن هتفرق معاكي ويارب اكون استفتي مني حاجه
تم النشر الأربعاء، ١٤ يونيو ٢٠٢٣
فيه تطبيق اسمه صليت ولالا هيساعدك ويفكرك وخليكي مواظبه ع الاذكار وقربي م ربنا اكتر ولو فيه حد م صحابك شاركيه وشجعو بعض
تم النشر الأربعاء، ١٤ يونيو ٢٠٢٣
دا الشيطان بيضحك عليكي قومي قومي نفسك واتوضي وصلي وادعي ان ربنا يقربك ليه واقرأي قرأن وقولي اعوذ بالله من الشيطان الرجيم وعودي الي الله محدش ضامن عمرو
تم النشر الثلاثاء، ١٣ يونيو ٢٠٢٣
لعرض السؤال في فدني اضغط هنا