السلام عليكم
كنت عايزة اسماء كورسات مجانية ومواقع اشتغل عليها اونلاين و لو فيه نصايح لمواقع الشغل انصحوني بيها
أولا، حددي ايه افضل طريقة تتعلمي بيها. في ناس بتحب وبتتعلم أحسن من الكتب، وناس من فيديوهات وناس محتاجة الأسلوب الأكاديمي في كورسات تحضرها في مكان التدريب عشان تحقق أفضل استفادة. في ناس هاتفضل الشروحات القصيرة واسلوب tips and tricks وناس هاتفضل الدروس المطولة المتعمقة. حاليا، تقدري تلاقي فيديوهات وكورسات تعليمية مجانية في المواقع اللي قالت عليها ذكية، وكمان يوتيوب. الشركات المنتجة للبرامج اللي عاوزة تتعلميها هاتلاقيها منزلة كورسات وفيديوهات وشروحات تفصيلية. الفرق ان الشركة المنتجة هاتشرح الأدوات الموجودة في البرنامج في كل كبيرة وصغيرة، لكن أي كورس من برة الشركة غالبا هايشرح مثال ما وطريقة تحقيقه باستخدام الأدوات المختلفة ويمكن باستخدام اكتر من برنامج كمان. أشهر برامج ثنائي الابعاد هاتلاقيها من شركة أدوبي Adobe والاكثر شيوعا Photoshop, Illustrator وثلاثية الأبعاد من أوتوديسك Autodesk وفيهم Maya, 3D Studio Max. لكن ليهم بدائل مجانية ومفتوحة المصدر زي GIMP في ثنائي الابعاد وBlender في ثلاثي الأبعاد. شغل الجرافيك ولما تتقدمي فيه بإذن الله محتاج جهاز قوي وكارت شاشة عالي، والافضل يكون جهاز ديسكتوب مش لابتوب. لكن في الاول وانتي بتتعلمي، مش هاتحتاجي حاجة قوية. حاولي تلاقي لابتوب او كمبيوتر مستعمل لو مافيش امكانية انك تجيبي جديد. حاولي تلاقي أحدث حاجة تقدري عليها في حدود الميزانية المتاحة. من الأفضل يكون في حد معاكي فاهم مواصفات الكمبيوتر كويس وعارف انتي هاتستخدميه في ايه عند الاختيار والشراء. أخيرا، وزيادة على مقترحات ذكية في التسويق لنفسك، ممكن تعرضي شغلك للبيع مباشرة على مواقع زي https://graphicriver.net/
تم النشر الجمعة، ١٢ يوليو ٢٠٢٤
كوس اون لاين ده تحتمل إحتمالان الاول إنك مقدرة ومعاكي ثمن كورس وساعتها هيكون الافضل إنك توفر لنفسك عناء البحث ومتبخليش بشراء كورس اون لاين وتستفادي بكل الخدمات اللي موجودة لانه في الكورس الاون لاين المدفوع المادة العلمية بتبقي مجرد خدمة يعني انتي مثلا لو قابلتك اي مشكلة في خلال 6 شهور من مدة الكورس ممكن تكلمي صاحب الكورس وتوصلو لحل مع بعض وخدمات كثير بتختلف من كورس لتاني او إنك مش مقدرة ساعتها هيبقي الحل إنك تبحث على يوتيوب وعلى منصات الكورسات المجانية على الكورسات إلي انتي عايزاها. اما موقع عمل اون لاين ده برضو بتحتمل إحتمالان اما إنك معاكي مهارة بس مش عارفه تشتغيلي بها كيف واما إنك مش معاكي مهارة وعايزه وسلية سهل عشان تجيبي فلوس في الحالة التاني هنقول إنك عشان تجيبي فلوس سواء من النت او من اي حته يزمن يكون معاكي خدمة تقدميها في مقابل الفلوس إلي انتي هتخديها. ولو هقترح مواقع عمل على الانترنت بشكل عام عندك مواقع الفلانس العربية خمسات ومستقل والاجنبية فلانسر و اب ورك وعندك مواقع التجارة الاكترونية ممكن تعمل متجر على خدمة وسيط زي جوملي و امازون و نون وإن كنت مش بانصح بأمازون ونون عشان المقاطعة وممكن تنشئ متجر خاص بكل باستخدام وورد بريس ولو بتحبي تشاركي معلومات ممكن تفتحي قناة. على يوتيوب او مدونة اكترونية بس تكون معلومات مفيده. وفي النهاية انتِ لو عايز تشتغل اون لاين لازم اول حاجه تحدد مجال معين وبعد كده تبحث عنها ووتعلمي إزاي تشتغل فيه اهم حاجه يزمن يكون عندك صبر وعندك إيمان في الحاجه إلي هتشتغلي فيها عشان
تم النشر الخميس، ١١ يوليو ٢٠٢٤
و عليكم السلام! كيف حالك؟ حلو فكرة الشغل أونلاين 🌟 وفعلاً فيه كورسات مجانية ممكن تبدأي بيها، وكمان مواقع شغل تقدر تشتغلي عليها: كورسات مجانية: كورسيرا (Coursera) : فيهم مواد من جامعات مرموقة زي ستانفورد وميت. إدكس (edX) : برضو من جامعات معروفة. يوديمي (Udemy) : عندهم كورسات مدفوعة ومجانية في مجالات كتير. خان أكاديمي (Khan Academy) : أكتر موجه للطلاب بس مفيد جداً. اليوتيوب : الدورات التعليمية موجودة بكثرة، بس لازم تدوري على قنوات موثوقة. مواقع الشغل أونلاين: فريلانسر (Freelancer) : لخدمات زي الكتابة، التصميم، البرمجة، ترجمة، وغيرها. أب وورك (Upwork) : موقع جيد جداً في مختلف المجالات. فايفر (Fiverr) : بتركزي على تقديم خدمات صغيرة، بيسموها "Gigs". خمسات : موقع عربي شبيه بفايبر. مستقل : شبيه بخمسات لكن المشاريع أكبر. نصائح للشغل أونلاين: تطوير مهاراتك : استمري في التعلم والتطوير. الدنيا بتغير بسرعة، ودايماً في جديد. بناء بورتفوليو : اعملي معرض أعمال حلو، كتبي معرض مشاريعك بوضوح لتسهل للعملاء إنهم يثقوا فيك. إدارة وقتك : الشغل أونلاين ممكن يكون مرهق لو مش منظمة وقتك. خلي عندك جدولة واضحة. التواصل الجيد : خصّصي وقت للرد على العملاء والشركات بسرعة وباحترافية. التركيز والانتظام : خلي عندك مكان مخصص للشغل يكون هادئ وبعيد عن الإزعاج. أي حاجة تانية تحبي تسألي عنها؟ 🌸
تم النشر الخميس، ١١ يوليو ٢٠٢٤
مواقع شغل عليكي و علي LinkedIn بالنسبالي للكورسات في أماكن كتير و بعضها مجاني زي LinkedIn learning و Edraak و CFI و It Sharks و TeraCourses و EBI و Coursera و Udmey
تم النشر الجمعة، ١٢ يوليو ٢٠٢٤
ادخلي موقع زي إدراك بيبقا فيه كورسات مجانيه وفي قنوات كتير علي اليوتيوب بتفيد كتير جدا ابدئي بس خطوه خطوه
تم النشر الخميس، ١١ يوليو ٢٠٢٤
لعرض السؤال في فدني اضغط هنا