السلام عليكم
انا بنت عندى 23 لسه متخرجة السنادى انا كنت برتب على دفعتى طول ال 3 سنين ونص وجيت اخر تيرم تعبت ونجحت بالعافية
حاليا انا حاسه انى معنديش طاقة اعمل اي حاجة فى حياتى مرهقة نفسيا مش ببقى قادرة اخرج من البيت حتى واحيانا بلاقينى عاوزة اخرج وعاوزة اتعامل مع اهلى علاقتى بربنا كانت كويسة جدا دلوقتى بصلى فروضى بالعافية مش عارفه اعمل ايه وحاسه ان حياتى واقفه ومش عارفه اتحرك ولا ايه الخطوة اللى بعد كدا
انا الحمد لله على قدر كويس من الجمال الكل بيشهدلى بيه ومع ذلك من كام سنة مش بيتقدملى عرسان واللى بيتقدموا يااما مش بيردوا يااما بيرفضوا ولو حد وافق انا بكون مخنوقة ومش قادرة اقعد معاه
للاسف انا مابقيتش فاهمة ايه اللى انا بمر بيه او امتى هكون بخير او امتى هحس انى نجحت فى حياتى لان ثقتى فى نفسى قلت اوى
دي حاله بتحصل لنا كلنا او بعضنا بعد التخرج متقلقيش لانك انتقلتي لمرحله مختلفه حاولي انك تاخدي كورسات او تستغلي متفكريش في الجواز دلوقتي كله بيجي في وقته ركزي علي نفسك في الفتره الحاله عشان اما يجي الشخص المناسب تكوني جهزتي نفسيا وفهمتي الدنيا الشغل بيفرق جامد في شخصيه الواحد وده من تجربه شخصيه وغير ده هتحسي انك عندك ثقه في نفسك وانك تجيبي فلوسك بنفسك
تم النشر الجمعة، ٢٠ سبتمبر ٢٠٢٤
اقرأي سورة البقرة ونفسيتك هتتحسن ان شاءالله وهتعرفي تخرجي من اللي انتي فيه هي فتره بس وهتعدي انتي شخص ناجح وتفوقتي ع كثير من زملائك وباعلي التقديرات ف لا يصح ابدا ان تضيعي تعبك ومجهودك كده وتذكري رب ضارة نافعه الترم اللي تعبتي فيه دع لعل سبب ف منع شر لا تعلمي عنه شئ استعيدي قواكي تاني واقرأي سورة البقرة مررارا وتكرارا حتي يرفع الله عنك
تم النشر الجمعة، ٢٠ سبتمبر ٢٠٢٤
وعليكم السلام ورحمة الله وبركاته اولا أمني إن طبيعي الفتره دي بيمر بيها اي حد واغلبنا يعني اكيد حياتك مش هتبقا كلها مستقيمه وانتي هتكوني على طول نشيطه ومفعمه بالحماس فطبيعي جدا حاله الضعف دي بس اللي مش طبيعي إننا نستسلم ليها فهماني لازم تساعدي نفسك على انها فتره وهتعدي وانتي وشطارتك بقا حابه تطولي فيها ولا هتعملي كل اللي هيطلع بأيدك عشان ترجعي زي ما كنتي وأحسن ولا اي لان محدش هيساعدك لو انتي من جواكي مش عايزه تساعدي نفسك بالنسبه للعرسان نصيبك لسه مجاش دا رزق خالص من ربنا سبحانه وتعالي ربنا يرزقك بالزوج الصالح وبعدين صدقيني النجاح مش شرط يكون إنجاز الناس تتكلم عنه لا احنا كل يوم بنعمل إنجازات من اول ما بنقوم من النوم لاخره حبي نفسك واتقبليها وكوني رحيمه بنفسك متبقيش جلاد ل اخطأك او عثراتك واتقبلي نفسك في كل حالاتك
تم النشر الخميس، ١٩ سبتمبر ٢٠٢٤
وعليكم السلام ورحمة الله وبركاته اختي مش لوحدك بتشعري بالمشاعر دي أغلبنا بعد التخرج مش بيبقي عارف هيعمل اي او عايز اي حاولي الفتره اللي جايه ترتبي أولوياتك وتعملي plan للخطوه اللي جايه وتحددي انتي عايزه اي دا هيساعدك شويه الأول بس افهمي انك ف فتره وهتعدي ومهما طالت او قصرت مدتها هتعدي حاولي برضو بتقولي بتصلي بالعافيه تستغفري كتير وانتي قاعده وقرائه الأذكار وسوره البقره لو بقدر استطاعتك اقرائيها او شغليها كل يوم في البيت اما بقي امتي هكون بخير! ف دي ب أيدك حاولي متستسلمش للوضع والأفكار دي انك مش بخير وتعبانه والكلام دا وحاولي تشاركي حد بمشاعرك صديقتك اختك بالمشاعر اللي تعباكي هتحسي بالراحه اما بقي امتي هحس اني نجحت انا بشوف مش كل النجاح لأزم يكون ملموس فيه نجاحات تانيه انك تقدري تعدي من الفترة دي دا نجاح انك تكملي اليوم ومتسبيش نفسك ل افكارك دا نجاح انك تصلي فروضك ومتستسلميش لوضعك دا نجاح انتي ناجحه ومميزة في اي حاجه صعبه قدرتي تعديها اما بخصوص انك حاسه ثقتك قلت لأ مش قلت انتي بس حاسه بكدا علشان مرهقة شويه لكن في غير العادي وانتي كويسه بتبقي ثقتك ف نفسك تمام
تم النشر الخميس، ١٩ سبتمبر ٢٠٢٤
تذكري وحطيها ببالك "فتره وهتعدي" إن شاء الله، لا تقعدي تلومي نفسك بافكار سلبيه وغيرها بل فكري ايه الي حيصير لما اقوم اعمل كدا؟ مثلآ اتأمل وانظم افكاري واسترخي وانصحك بتطبيق loona يساعد ع نوم وتأمل واهم حاجه لما تتأملي كدا وانتِ بتسمعي نغمات هاديه تنفسي شهيق زفير ركزي بتنفسك وبعدين لا تشغلي بالك بالعريس وما عريس ركزي ع نفسك الزواج قسمه ونصيب الله أعلم ممكن الله ييسر أمرك لا تقعدي بس تتشكين كثير بدل هذا التشكي اعملي حاجات خفيفه تساعد نفسك وركزي ع نفسيتك واذا كان عندك القدره ع زياره طبيب نفسي او طبيبه نفسيه فروحي أبدي وحده وحده اول حاجه ابتعدي عن الهاتف وبدل ما تأجلي الصلاه او اي حاجه تانيه بدلها خلي عقلك يفكر انو لو خلصها الأن افضل حيوفر وقت اكتر وحيرتاح بعدين اذا خلص هذا الشيء اقنعي عقلك بهذا الشيء ونامي كويس واتغذي كويس وتوكلي ع الله واسعدي نفسك لا تقعدي بدائره من السلبيه اضحكي شاهدي مسلسل مضحك اي حاجه اخرجي مع صحابك تكلمي مع اهلك حافظي ع انتظام وقتك اتعلمي مهاره جديده مثلآ رسم اسعدي نفسك بنفسك دايمآ لما تحسي بضغط تأمل واسترخي وحتى ع اليوتيوب تعلمي اشياء صدقيني لو شفتي اي حاجه من اللي كتبته صغير بس تأثيره ممكن ينفعك ابحثي عن الي يفيدك ويساعدك واهم حاجه هي توكل ع الله والله يوفقك بحياتك ويسعدك فيها المهم حاولي تلقي حلول لنفسك وكمان حطي لك اهداف صغيره مثل تعلم اي حاجه او تعملي حاجه وابحثي ب اليوتيوب كيف تزيد ثقتك بنفسك؟ المهم لا تبقي بدائره تضيع وقتك بالافكار السلبيه ودائره سلبيه حاولي تخرجي منها ب اي وسيله وكمان ابحثي عن سبب قله ثقتك بنفسك وانا اصلآ بسألك بنفسي ايه سبب قله ثقتك بنفسك؟ ونسيت حاجه ممكن لما تعدي هاي الفتره وتكوني انتِ من بعد الله نجحتي بتعديها وقومتي نفسك بنفسك وساعدتيها نجاح بحياتك ونفسك حاولي تحصلي ع هذا نجاح وشعور الي متعرفيش اي هو حاولي تعيشيه الدنيا تجارب وكلنا بنمر بفترات بس مش صعب علينا توكلي ع الله وابدي بالمحاوله مهما فشلتي حاولي وشوفي ايه الي فشلك اي هو سبب وطوري من نفسك عشان شعور نجاح نفس وذات هو من نجاح حياتك
تم النشر الخميس، ١٩ سبتمبر ٢٠٢٤
السلام عليكم ورحمة الله وبركاته حالتك دي بتأكد انك مصابة بعين حسد قوية أدت إلى تعطيل فى حياتك بشكل عام و عن تحقيق اي اهداف هامه فى حياتك و عن الزواج بشكل خاص.. لذلك انتي تحتاجي لأتباع رقية شرعية ضروري... و افضلها ما تتبعيها بنفسك لا تذهبي لمشايخ... خصصي وقت لنفسك يوميا تتوضى و تقري فيه الفاتحة ثم سورة البقرة يوميا... و قبل ان تتمي الشهر ستكوني امورك اختلفت للأفضل بشكل كبيــــــــــــر جدا بأذن الله.
تم النشر الخميس، ١٩ سبتمبر ٢٠٢٤
وعليكم السلام ورحمة الله. عزيزتي، أشعر بما تمرين به من مشاعر التوتر والقلق بعد التخرج. من الطبيعي أن يشعر الإنسان بالحيرة وعدم الثقة بالنفس بعد مرحلة كبيرة مثل التخرج، حيث أن الكثير من التغييرات تحدث في الحياة. إليك بعض الأفكار التي قد تساعدك: تقبل نفسك : حاولي أن تتقبلي مشاعرك السلبية كجزء من التجربة الإنسانية. كلنا نواجه تحديات في بعض الأوقات، وما تمرين به هو مرحلة من مراحل النمو. تحديد الأهداف : يمكنك أن تبدئي بتحديد أهداف صغيرة لنفسك. قد تكون هذه الأهداف بسيطة مثل الخروج من المنزل لبعض الوقت أو قراءة كتاب تحبينه. رويدًا رويدًا، ستجدين نفسك تعودين إلى النشاط. التواصل : حاولي أن تفتحي حوارًا مع أفراد أسرتك أو أصدقائك عن مشاعرك. قد يساعدك الحديث معهم على الشعور بالدعم والراحة. التقرب إلى الله : العناية بالصلاة والذكر يمكن أن يكون له أثر إيجابي على نفسيتك. حاولي أن تجدي طرقًا لتقوية علاقتك بالله، مثل قراءة القرآن أو الدعاء. استشارة متخصص : إذا استمرت مشاعرك لفترة طويلة أو زادت حدتها، فقد يكون من الجيد التحدث مع مختص نفسي، حيث يمكن أن يساعدك على فهم ما تمرين به ويقدم لك الدعم. الثقة بالنفس : تذكري أن كل شخص لديه مميزاته، وكل تجربة تمرين بها هي فرصة للنمو. حاولي التركيز على قدراتك ومهاراتك، واعملي على تعزيز ثقتك بنفسك من خلال الإنجازات الصغيرة. أخيرًا، تذكري أن كل مرحلة في الحياة تحمل دروسًا وتجارب تُعزز من قوتك الشخصية. لا تتعجلي على نفسك، بل امنحيها الوقت اللازم للتعافي والنمو. استمري في السعي لتحقيق أهدافك، وتذكري أن الله معك دائمًا.
تم النشر الخميس، ١٩ سبتمبر ٢٠٢٤
لعرض السؤال في فدني اضغط هنا