السلام عليكم انا طالبه في الثانوية بس تعبانه نفسيا وجسديا اعمل ايه وخائفة من تانيه ثانوي
أنا مقدره خوفك وخصوصا بسبب الواقع المجتمعي الذي يجعل للثانوي العام ما ليس له،، أولا القلق والخوف شيء صحي إذا كان دافع للانجاز أما عندما يزيد او ينقص فهو يصبح مشكلة يواجهها الشخص ويجب الحد منها ،، ثانياً الاهتمام بنفسك صحياً ورياضيا وعمل تمارين التنفس ضروري جدا لزيادة الثقة في النفس وخفض التوتر ،، ثالثا نتعامل باجتهاد والسعي هو ما يطلب منا والتوفيق من عند الله استعيني بالله وكوني على يقين أن الله لا يضيع اجر من احسن عملا ،، رابعاً هي مرحلة من العمر ليست مصيرية وليست محدده لمجال العمل كما يدعي البعض هي من متطلبات العمل والكورسات التي يحتاجها سوق العمل الآن كثيرة بجانب الشهاده الجامعية فهوني على نفسك واجتهدي في نفس الوقت ،، تحياتي لكي وبالتوفيق ،،
تم النشر الخميس، ٤ يوليو ٢٠٢٤
بصي نصيحه دا توتر وهتلاقيه عادي طبعا لازم تتوتري بس متخفيش هتلاقي الدنيا سهله وكدا وطبيعي تخافي كمان اكتر وقت الامتحان يعني أنا مثلا تالته ثانوي كنت في اول السنه خالص متوتره وبعديها الحوار كان عادي جدا رغم كميه الامتحنات الشامله الي كانو بيدهولنا في السنتر ودلوقتي بمتحن اخر السنه ومتوتره بس في نفس الوقت خلاص فرحانه اني هخلص فا التوتر ده لازم هتلاقيه في حياه كل واحد فينا بس متفضليش تدي نفسك طاقه سلبيه عيشي براحتك ومتشليش الهم اوي
تم النشر الثلاثاء، ٩ يوليو ٢٠٢٤
فى البداية كده.المرحلة الثانوية دى مرحله مهمه جدا ولازم نهتم بيها بس الاهتمام ميقلبش بخوف وقلق لأن ده هيأثر على تركيزك وصحتك ومستواكى كمان. ابدائى بأهم خطوه وهى انك تستعينى بربنا فى كل خطواتك. ترتبى يومك و أولوياتك وتخلى ليكى نظام . ذاكرى واعملى اللى عليكى وحاولى متأجليش واجبات علشان مفيش حاجه تتراكم عليكى مهم جدا انك لما تحس بضيق أو زهق أثناء الفترة الدراسية انك تهونى عن نفسك زى مثلا تخرجى أو تنمى موهبتك أو تعملى حاجه بتحبيها.وكل ما تنجحى كفئى نفسك لان ده مهم جدا وافتكرى دايما أن ربنا معاكى فى كل خطواتك وبيساعدك.وانك متفوقه وهتقدرى 🌷
تم النشر الجمعة، ٥ يوليو ٢٠٢٤
وعليكم السلام ورحمه الله وبركاته. وعليكم السلام ورحمه الله وبركاته. لو هقول لك على حاجه تعمليها يعني اعملي عليك وبس اعملي اللي في ايدك والجهد اللي تقدري عليه كله ما تقصريش بس ليه بقى لانه الدنيا اوسع من مساله الثانويه العامه دي بكثير جدا انا جاي لك من المستقبل اهو كلنا جايين لك من المستقبل وهنقول لك انه الثانويه العامه الحياه ما بتقفش عليها الحمد لله احنا بقينا في زمن الدنيا فيه اوسع من كده بكتير في مجالات تقدري. عذرا في مجالات تقدري. تتوجهي لها سواء مع الكليه اللي هتتوقعي بيها او مجالات بعد ما تخلصي الكليه تقدري تكتشفي نفسك من اول وجديد. فا ما تشغليش بالك وما تعمليش يعني جهد كده وضغط نفسي على نفسك والدنيا ممكن تبقى احسن من كده بكثير يعني لو توترنا احنا هنخسر لكن لو هدينا وعملنا اللي علينا يعني هنوصل اكيد افضل ربنا يوفقك وبس ارجوكي ما تخليش اي اجواء حواليك تتحرق على الفاضي وده اللي هيبقى عين التقصير اللي مفيش داعي.
تم النشر الجمعة، ٥ يوليو ٢٠٢٤
وعليكم السلام ورحمة الله وبركاته حياكِ الله يـ لطيفة القلب 💚🕊 طمئن الله قلبكِ ويسر أمركِ وبث السَكِينة فـِ نفسكِ وأقر عينيكِ اللهم آمين 🤲🏻💚 فكرة التوتر والخوف هذا شيءٌ طبيعي ولاشك فـِ ذلك ولكن إلى أي درجة خوفكِ وإلى أي درجة توتركِ؟! هنا يكمن السؤال؟! ومهما كانت درجة توترك تحتاجين إلى الثقة فـِ الله عز وجل وإحسان الظن به تبارك وتعالى فـ سبحانه عند ظن عبده به.. واعلمي يـ حبيبة القلب أن ما قُدر لكِ سيكون لا محالة فـ لما القلق؟! رزقكِ مقدر لكِ ومكتوب ورزقكِ بيد الخالق تبارك وتعالى ولن يأخذه غيرك والخير كل الخير فيه فـ اطمئني وأبشري.. واعلمي ان المطلوب منكِ فـِ اي سنة دراسية هو السعي والتوكل ع الله عز وجل ولكن النتيجة توفيق من الله تبارك وتعالى.. فـ ابدأي صفحة جديدة وعهد جديد مع الله عز وجل.. التزمي فـِ عبادتك واجعلي لقلبكِ نصيبًا من الشحن الايماني بالذكر المتواصل والاستماع للمحاضرات الدينية.. خصصي وقتًا فـِ الاسبوع تستمعي فيه لمحاضرة تشحنين بها قلبكِ.. ونظمي وقتكِ من البداية ولا تبرحي عن الدعاء فـلا يغير القدر إلا الدعاء.. تضرعي إلى الله عز وجل وافتقري بين يديه تبارك وتعالى وادعي بكل م ترغبين وسبحانه حيي كريم حاشاه ان يرد عبدًا لجأ إليه أو افتقر بين يديه خائبًا بل يرده مجبورًا مطمئنًا.. وإن شعرتِ بشيء من القلق او التوتر فـ سارعي إلى صلاتك والسجود بين يدي الله تبارك وتعالى واجعلي ذكر الله عز وجل دومًا ع لسانكِ سواء بقراءة وردكِ من القرآن أو الاذكار وكذلك الصلاة ع الحبيب المصطفى ﷺ 💚🕊
تم النشر الخميس، ٤ يوليو ٢٠٢٤
وعليكم السلام! أولاً، حابة أقولك إن مشاعرك طبيعية تمامًا، الثانوية مش مرحلة سهلة وبتحتاج جهد كبير. نفسياً: تكلمي: اتكلمي مع شخص تثقي فيه عن مشاعرك، سواء كان صديقة أو حد من العيلة. خدي وقت لنفسك: حاولي تحصلي على بعض الوقت لنفسك يوميًا، ممكن تقرأى كتاب، أو تسمعي موسيقى هادية. رتبي وقتك: عمل جدول للمذاكرة والراحة هيساعدك تتعرفي على الأولويات ويقلل من الشعور بالتوتر. جسدياً: الأكل الصحي: حافظي على نظام غذائي متوازن، جسمك محتاج طاقة عشان يقدر يشتغل كويس. النوم الكافي: تأكدي إنك بتنامي وقت كافي كل ليلة، الجسم بيحتاج للراحة. الرياضة: وحتى لو كانت بسيطة زي التمارين المنزلية، بتفرق كتير في طاقتك ونفسيتك. ثانية ثانوي: خوفيك طبيعي: كل مرحلة جديدة بيكون ليها تحدياتها. بس تذكري إنك مش لوحدك وكل حد في دفعتك بيمر بنفس اللي بتمري بيه. اطلبي المساعدة: لو مش فاهماه حاجة في المواد الدراسية، متتردديش تسألي المدرسين أو زمايلك. في النهاية، حاولي تحطي في بالك إن دي مرحلة وهتعدي. خطوة بخطوة وقدرتك على تجاوزها بترجع لقوتك وإصرارك. أنا هنا لو احتجتي أي حاجة أو محتاجة تتكلمي. 💪🌟
تم النشر الخميس، ٤ يوليو ٢٠٢٤
معاااكى جدا.. الرؤيه للى بيحصل بقالنا كام سنه فى الثانويه العامه شئ مقلق وده مفيش فيه شك... بس هتهدى اول ما تفتكر وتؤمن بأن الله بيده الخير كله ... سواء عجبك او مش عجبك ... الرضا والإيمان بقدرة الله وعظمته .. ادعى بتيسير الحاله واستكينى "لو اجتمعوا على أن يضروك بشئ لن يضروك بشئ الا بشئ قد كتبه الله لك" اجتهدى واعملى اللى عليكى ده بس اللى تفكرى فيه بكرة ده مش بتاع حد ولا انتى شخصيا
تم النشر الخميس، ٤ يوليو ٢٠٢٤
اولا زودي ثقتك بنفسك واعرفي انك تقدري تعملي اي حاجه مهما كانت صعبة وقربي من الله سبحانه وتعالى وادعيه أن يختار لك الخير وحافظي على اذكار الصباح والمساء لأنها تجعلك في حفظ الله ورعايته الدائمه وحاولي قضاء وقت جميل مع نفسك أو صحابك أو عيلتك
تم النشر الخميس، ٤ يوليو ٢٠٢٤
وعليكم السلام ورحمه الله وبركاته لازم اول حاجه تحاولى على قدر الامكان تقوى صلتك بربنا ويكون عندك ايمان ويقين ان ربنا دايما معاكى فى كل وقت وعمره ما هيسيبك ولن يخذلك الخوف والقلق ده ممكن يكون سببه خارجى اصدقاء بتشوفى تجارب ناس وده مش مقياس كل اما يزيد ايمانك الخوف عمره ما هيتسلل لحياتك ثقى فى الله وتوكلى على الله واعملى الى تقدرى عليه وسيبى الباقى على ربنا ومتسمعيش لأى كلام من الخارج ربنا عمره ما بيضيع تعب شخص
تم النشر الخميس، ٤ يوليو ٢٠٢٤
ربنا يوفقك يارب ويكتبلك الفلاح والنجاح فى كل خطوة بتخليها يارب
تم النشر الخميس، ٤ يوليو ٢٠٢٤
التوكل على الله و فعل ما فى الايد
تم النشر الخميس، ٤ يوليو ٢٠٢٤
لعرض السؤال في فدني اضغط هنا