مشكلتي انى كنت مرتبطة بحد قبل كدا وكان قاسى جدا ف طبعه ومهملنى وكان بيعاملنى وحش المهم انه سابنى وتعبت شويه بس تخطيت الموضوع عشان قدرت اقنع نفسي انى استاهل حد يعاملنى كويس ويحترمنى ويحترم كيانى على عكسه المهم عدا وقت وارتبطت بحد تاني عكسه ف كل حاجه طيب وحنين ويخاف على زعلى ويقدرنى وبيهتم بيا لدرجه انى اتعلقت بيه اوى عشان كنت مفتقدة الاحساس دا وخصوصا ان اهلى مش بيدونى الدعم العاطفي دا فلقيت الشخص دا بيدينى كل حاجه كانت نقصانى قعدنا مع بعض سنه وقرر انه يخطبنى فكلم اهله لكن اهله مش موافقين بسبب ظرف معين خصوصا والدته اللى مش موافقه فقالى مش هينفع نكمل عشان اهله مش موافقين بس انا اتعلقت بيه اوى ومش عارفه ابعد ارجوكم حد يفيدني اعمل اى بحس ان عمرى مهقابل حد كدا بسبب الشخص الاولانى عملى عقدة
السلام عليكم أولاً هل حاولتي تعرفي ليه مامتو مش حباكي؟ او اي الموقف اللي خلاها تكرهك و متوافقش بيكي؟ لو عرفتي الأسباب انها تكرهك و هي رفضاكي رفض تام ف كدا مش بإيدك حاجه تعمليها. بس حابه اعرفك حاجه كان المفروض تلتفتي ليها من البدايه هو إن كل دا شيئ طبيعي لإنك داخله علاقه مترضيش ربنا من الأول العلاقات اللي بدايتها لا ترضي الله عمرها مبتكمل و تبقا علاقه ناجحه انتي مش بإيدك حاجه غير انك تستني ابن الحلال اللي ييجي و يخطبك من البدايه مش يرتبط بيكي بعدها يخطبك المفروض الحُب ييجي بعد الخطوبه لإنها تعتبر فتره ارتباط و لكن شرعيه الأهل موافقين بيها و عارفين بيها بالتالي مش هيحصل اي مشكله من اللي حصلتلك انسي اللي فاتك و ابدأي حياه جديده و اعرفي انك ذي نسيتي الأول هتقدري تنسي التاني و نصيحه مني ليكي بلاش ارتباط من البدايه لإنو عمرو مبينتهي ب علاقه ناجحه و اتمنى ليكي التوفيق و الهدايه
تم النشر الاثنين، ١ يوليو ٢٠٢٤
أفهم تمامًا مشاعرك والألم اللي بتمرين بيه حاليًا. الحياة أحيانًا بتكون قاسية، وأوقات بنواجه تحديات كبيرة. خليني أساعدك ببعض النصايح اللي ممكن تساعدك في تخطى المرحلة دي: عبّري عن مشاعرك : متحاوليشي تكتّمي مشاعرك جواكي. احكي لصديقة مقربة أو حد بتثقي فيه. الفضفضة مرات كتير بتساعد في تخفيف العبء النفسي. اهتمي بنفسك : استغلي الوقت ده عشان تهتمي بنفسك، سواء بإنك تعملي أشياء بتحبيها، تقري كتب، تمارسي الرياضة، أو تكتشفي هوايات جديدة. ابني دعم اجتماعي : يمكن أهلك مش بيدوكي الدعم اللي بتحتاجيه، لكن ده ميمنعكيش إنك تكوني شبكة دعم من الأصدقاء أو حتى تحضري جلسات دعم نفسي إذا لزم الأمر. واقعية التوقعات : فکّري بواقعية. كُنتي ندمانه على العلاقة الأولانية مدار سنين، لكن الحمدلله تخطيتيها وخرجتي منها. هتقدري تعملي كدا تاني. الأحلام عن المستقبل مش لازم تندفن، والحياة بتفاجئنا دايمًا بأشخاص جُداد وأوقات حلوة. تقبلي الحديث مع محترف : مرات بنتعرض لعدة صدمات بتأثر علينا، وساعتها بيكون مفيد ندور على معالج نفسي أو مستشار يساعدنا ف التعامل مع الموضوع بشكل أفضل. استمري في طُرقكِ المؤدية للسعادة : امنحي نفسك الوقت والمساحة اللازمة. الأمور مش بتتغير بين يوم وليلة، بس خطوة بخطوة هتلاقي نفسك بتتعافي وتبني حياة أجمل وأقوى. افتحي قلبك للحياة الجديدة ولاتحبسي نفسك في تجارب الماضي. الحياة مليانة فرص ومفاجآت، وربنا كريم هيديك اللي تستحقيه في الوقت المناسب. 🎈
تم النشر السبت، ٢٩ يونيو ٢٠٢٤
عفكره لسه خارجه من علاقه زيك كده بالظبط بس الشخص دا كان زي الشخص الاول مهما تعملي مفيش تقدير ف المهم تقريبا كان في اعجاب وخصوصا انه كان زميل مش اكتر ف لما لقيته مزودهم اوي بعدت عنه ومسحت رقمه ف كل م ارجع مع نفسي واقول نتكلم.. يمكن.. اقول لا ميستاهلش وكنت بفكر نفسي بكل موقف خذلان خذلني فيه ف ظل كل اللي كان متقدمله ورد.. ف المهم عشان تتخطي تاني شخص لازم تكون عندك كرامه حتي عشان يحترمك هو واهله قوليله انا احترم رغبه اهلك طبعا وابعدي انتي وصدقيني مفيش حاجه للبنت غير الكرامه حتي لو كنتي بتتقطعي.. وبخصوص عدم الدعم الكافي من اهلك والله يقمر لو اتقربتي من ربنا وعملتي ورد يومي من القرآن تبدأي من سوره البقره ل سوره الاخلاص مش مهم عدد الصفحات ف اليوم بس المهم انه كل يوم انتي هتاخدي دعم م اللي خلقك اللي رحيم بيكي اكتر من اهلك هتلاقي تكاد يكون مفيش مشاكل ف حياتك هتلاقي حياتك فيها هدوء وشويه تفتكري اللي امه مش كانت موافقه بس ابقي فكري نفسك ملكيش غير كرامتك واوعي ترجعي لازم تكوني متحكمه في تصرفاتك وشويه كده وشويه كده هتلاقي نفسك نسيتي الشخص اصلا تفكتريه هتقولي واي يعني.. واتمني ربنا يعوضك باللي يستاهلك يقمر
تم النشر الأحد، ٣٠ يونيو ٢٠٢٤
كلميه وخليه يحاول مع اهلو تاني و انتي حاولي تتعرفي عليهم
تم النشر الثلاثاء، ٢ يوليو ٢٠٢٤
لعرض السؤال في فدني اضغط هنا