انا دايما مضغوط فى الشغل بس انا بحب شغلى جداااا و. معظم الوقت برا البيت بس بيبقى لازم طول ما انا فى الشغل بضحك و ببتسم مع الناس و المديرين!
طبعا ده بينعكس على طاقتى اصلا اللى هو انا ممكن اكون متضايق بس مضطر اضحك !!
ده بيأثر على علاقتى بأهلى او بالبيت اللى هو بخش دايما متعصب و مش مستحمل اى حاجة تحصل على طول بزعل و بزعق و بتقمص !
و ده طبعا ميرضيش ربنا انى اضحك برا و ادخلهم اكشر و متعصب و متنرفز !
و حاولت كتير اعمل توازن بس بخسنى بفشل فى كل مرة
اعمل ايه ؟!!!
حاول تخرج الضغط اللي عندك في حاجه تانيه زي انك تلعب رياضه بتحبها أو تنزل چيم، حاجه تفرغ فيها طاقتك المكبوته أثناء فترة شغلك... والأهم انك تفهم أهل بيتك الكرام اسباب غضبك او ثوراتك عليهم لأسباب عادية .. وطبعا واجب عليك تحد من الأمر ده معاهم وإلا هتوصل لمرحلة أن وجودك بقى غير مستحب .. وهنا بتبدأ المشاكل الكبرى. ربنا يوفقك ويقويك.🙂
تم النشر الخميس، ١٨ مايو ٢٠٢٣
حاول يكون في اليوم بتاعك و حتى يومين في الاسبوع او ع قد ما تقدر تعمل رياضة فيهم .. علشان تخرج شحنة الضغط اللي انت فيها، وممكن تروح الجيم كمان بعد الشغل بحث تخرج شحنة الضغط ديه ةبعد كده تبقى كويس وانت مروح. واول ما تدخل البيت حاول ترمي كل مشاكل الشغل ورا ضهرك .. متفكرش في اي حاجه كأن حد تاني اللي دخل البيت مش انت. اشرح ليهم كمان في البيت انك مش مضايق منهم، وغصب عنك اللي بيحصل وانك مضغوط .. وقولهم حاولوا مثلا تساعدوني في ده .. ادوني وقت مثلا اول ما ادخل ياريت بلاش حد يتكلم معايا في مشاكل وادوني وقت اهدى فيه .. وادخل في مود البيت ..
تم النشر الجمعة، ١٩ مايو ٢٠٢٣
اجعل لنفسك وقت خاص بك تخرج فيه كل هذا الضغط والتوتر، واشرح لأهل بيتك ما شرحته الآن حتى يفهموا أن وقت عودتك من العمل تكون في أشد حالات التعب والغضب والإرهاق النفسي فيدركوا ما عليهم فعله حينها بتركك تهدأ وتعود إلى طبيعتك ... الوقت الخاص في حالتك مهم جدًا كساعة تخرجها مع صديق لك تروحان عن نفسيكما ... لعب رياضة ... جلسة مساج في مكان متخصص ... أو أي شيء آخر من سبيله تفريغ الطاقة السلبية التي تملأك
تم النشر الخميس، ١٨ مايو ٢٠٢٣
لعرض السؤال في فدني اضغط هنا