السلام عليكم ورحمه الله وبركاته
انا مش عارفه انتظم ف الصلاة ونفسي احفظ القران ومش عارفه ارجع ل طريق ربنا ودخلت ف طريق وحش جدا وبغضب ربنا وبتفرح علي مواقع مش كويسه وبتابع مسلسلات وبتفح علي افلام فيها لقطات مش كويسة
وغير كل دا انا مختمرة كمان والله انا بجاهد مع نفسي ومش عارفه اعمل اي ونفسيتي اضمرت وعلاقتي مع اهلي باظت وديما بغضب ماما مني وكنت مخطوبه لواحد وكنت بحبه اتلكم معايا ف حاجات مش كويسه فسخت الخطوبه عشان مش بحب الحاجات دي ومن وقتها بقيت بتفرج علي القرف دا وكمان فكرت ف الانتحار من كتر ما برجع للقرف دا ساعدوني بالله عليكم
أصدق وصف للحاجات اللي بتتفرجي عليها هو الوصف اللي انت استخدمتيه بنفسك وهو (القرف)! استعمالك لهذا الوصف يدل على أن فطرتك مازالت سليمة وأنها تشمئز مما يجب أن يشمئز منه المسلم .. وكل ما عليك هو أن تستغلي هذا الاشمئزاز من (القرف) بصورة عملية تجعلك (تقرفين) من أن تفتحي هذه "المراحيض الفنية" مرة أخرى .. رجوعك لهذه المراحيض الفنية المرة بعد الأخرى غالبا سببه الفراغ الذي تشعرين به و إذا وضعت هدفا في حياتك وأشغلت وقتك بتحقيقه لن تجد نفسك مستساغا للنظر إليها مرة أخرى .. هناك الكثير من الأشياء التي يمكنك أن تملئي بها وقتك أعتقد أن الإجابات الأخرى ستذكر بعضا منها إن شاء الله
تم النشر الاثنين، ١٣ فبراير ٢٠٢٣
طالما سألتي السؤال ده .. وطريقة كتابتك للسؤال نفسها بتوضح انك فعلا عاوزه تتغيري مقدرة جدا انك بتجاهدي كل يوم اكتر من اللي قبله. وصدقيني الانتحار مش حل .. انتي كده مش بتصلحي حاجة، بالعكس هتعقدي الامور اكتر. هوني على نفسك شوية .. وهيجي اليوم اللي هتكوني فيه احسن. العبادات متقطعهاش ... مش شرط علشان اللي بتتفرجي عليه ده يبقى تقطعي العبادات. هضع ليكي كام رابط لأسئلة مشابهة .. اتمنى انهم يكونوا مفيدين ليكي https://fedni.net/q/61042885/إدمان-مشاهدة-الأفلام-الإباحيه https://fedni.net/q/29689036/ازاي-اواظب-على-الصلاة https://fedni.net/q/51118119/ارجع-اصلى-ازاى https://fedni.net/q/26582875/ازاي-اقرب-من-ربنا https://fedni.net/q/11358400/مشكلة-في-ألتزام-في-الصلاه
تم النشر الاثنين، ١٣ فبراير ٢٠٢٣
اهدي كده ربنا غفور رحيم ربنا بيحبك وانتي ف نعمه نعمه الضمير الصاحي احمدي ربنا واشكريه انك مهما عملتي غلط مش راضيه عنه وانك متضايقه من نفسك لان القلب القريب من ربنا دايما مشتاق انه يقرب من ربنا ومتضايق من بعده ف احنا هنمشي خطوه خطوه اول حاجه برافوا عليكي انك وقفتي خطيبك عن الكلام ده وربنا نجاكي منه بس هنعمل ايه هنمسح كل حاجه ليها علاقه بالكلام ده والمسلسلات والافلام لو جات اي لقطه افتكري انك متخفيه من الناس بس ربنا شايفك اكيد حابه ان ربنا يشوفك ف احسن صوره ويشوفك دايما غضه بصرك ودايما عافه نفسك عن الخطاء والحرام واعملي جدول للصلاه والقرأن كل يوم بتصلي فيه علمي واقرأي حتى لو صفحه من القرأن لان كل منتي قريبه من ربنا كل مالمعصيه كانت صعبه عليكي وهتكوني نافره منها وخلي لسانك ع طول متعود يذكر ربنا ويستغفر ف هل هتقدري تشوفي حاجه وحشه وانتي بتذكري ربنا هيبقا صعب طبعا وحاولي تلعبي رياضه فرغي طاقتك وشتتي ذهنك عن اي وقت فراغ يرجعك تاني لغلط وكمان حاولي تقرأي روايات او كتب دي تحفزك انك تفضلي متماسكه متضعفيش ومتقفليش ع نفسك اوضتك ومتدخليهاش غير ع النوم وحاولي تفضلي مع اهلك وقت كتير عشان متضعفيش وان شاءالله هتكوني احسن وافتكري ان ربنا بيحبك قوي لدرجه انك حاسه بكده لانه عايزك دتيما احسن انسانه وقريبه دايما من ربنا وف عبادات دايما
تم النشر الاثنين، ١٣ فبراير ٢٠٢٣
انصحك و بشده انك تقرأي كتاب اسمه فاتتني صلاه ! تقدري تلاقيه على جوجل بكل سهوله و بدون اي فلوس ولا حاجه و حتى الكتاب مش كبير هيفيدك جدا إن شاء الله و هيجعلك تحبي الصلاه جدا و يزودلك ايمانك و يخليكي عايزه تنتظمي في الصلاه عشان بتحبي ربنا و عايزه تقبليه مش عشان بس تدخلي الجنه انتي هتدخلي الجنه في الدنيا و الاخره لما هتقرأي الكتاب دا اتمنى تقرأيه بالتوفيق
تم النشر الأربعاء، ١٥ فبراير ٢٠٢٣
اعملي حجامه واقرأي سورة البقرة يوميا حتى لو لمدة اسبوع واحد فقط واعملي ورد ثابت من الصلاة على النبي صلى الله عليه وسلم ووورد تاني من الاستغفار حافظي عليهم كويس حفظ القران ابدأي بآيه واحده فقط يوميا ومتزيديش عليها وكل يوم راجعي اية امبارح مع اية النهرده والصلاة تعودي تسمعي الاذان تقومي مباشرة تتوضي وتصلي كل ما تيجي تتفرجي على حاجه افتكري الزلزال ووتخيلي حال الناس دي ال في لحظة بيوتها وقعت عليها عالحال ال كانت فيه وحياتها انتهت عالحال ال كانت عليه استعيذي بالله كتير من الشيطان وربنا يعافيك يارب
تم النشر الأربعاء، ١٥ فبراير ٢٠٢٣
كل يوم احمدى ربنا انك لسه بتتأذى من الغلط حتى لو بتعملية احمدى ربنا انك لسه سليمة من جوه. النفس ضعيفة واحنا بنسيب نفسنا لحد ما الذنب يلزق فينا فطبعا مبيكونش التخلص منه فى يوم وليلة كل مرة بتجاهدى فيها على قد ما بتقعى على قد ما كل الالم اللى بتعدى بيه وانتى بتجاهدى ووانتى زعلانه من نفسك بيكون اجر بردوا ليكى. اهم حاجة فى الموضوع ده انك تكونى اغلب الوقت مشغولة وكل ما تلاقى الفكرة بتلح فى دماغك استعيذى بالله من الشيطان كتير جدا واتوضى حتى لو مش هتصلى انزلى اتمشى لو ينفع. سبحى كتييير جدا اقرأى النصايح الكتير والخطوات العملية اللى اتكتبت فى كتير من الاسئلة اللى فى نفس الموضوع ..ان شاء الله ربنا هيعينك وهتوصلى للاحسن . اللى لازم عمره ينتهى مش انتى .....الفعل القرف اللى وصفتيه وكل اللى عدى وبس . انتى حياتك غاليه ولسه فى خير كتير هتعمليه .
تم النشر الأربعاء، ١٥ فبراير ٢٠٢٣
اوعي اوعي تيأسي هي حرب نفسيه ولو حتي عملتي حاجه وحشه ومثلا صليتي بعدها متفكريش انك منافقه .... أليس كلما إتسخ ثوبك غسلتيه ... هكذا اتبعي السيئه الحسنه تمحها .... لازم تبعدي عشان ميحصلش سوء خاتمه.. الموضوع مش سهل عارف بس انتي أقوي منه
تم النشر الأربعاء، ١٥ فبراير ٢٠٢٣
عليكم السلام ورحمة الله وبركاته حببتي اوعي شيطان ييأسك من طلب المغفره اطلبيها من ربنا توبه لا رجوع بعدها أبدا ويقويكي ضد شهوتك وأنصحك تتفرجي علي حلقه جميله إسمها خطوات الشيطان .. هيفضل يستهدفك ويصطادك ده هدفه.. بس ربنا بيحب الأوابين اي يفرغ من الذنب يتوب،، كل مره يقع يرجع ويبدل سيئاته حسنات ويقينه ف مغفره ربنا اقوي من شهوته.. افضلي ارجعي واترجي ربنا كتير ينجيكي صدقيني الشيطان هيمل منك أصلا وتدخلي ف معركه أصعب وهي جهاد نفسك فدايما استعيذي من سوء النفس وضعف الشهوه وربنا خلقنا ضعاف نلجأ له.. اوعي تكرهي نفسك لأن دي احلي هديه للشيطان لما تقوليله أنا أهو ملكك اغويني لإنه خلاص ميؤوس مني... والعياذ بالله من اليأس ربنا قال لابدلنهم بقوم يذنبون ويستغفرون فحقيقي استمري في المجاهده وادعي أول متضعفي يارب ابعدني و قويني وقومي اشغلي نفسك و اتوضي ولما تقعي قومي فسعتها اسجدي وعيطي لربنا يا مغيث اغثني وخالطي صحبه تساعدك وكتري من استماع حلقات تمزج بين حب الله والخوف منه.. وازني بين حبك ويقينك فرحمته وخوفك من عذابه
تم النشر الاثنين، ١٣ فبراير ٢٠٢٣
حاضر سلمت
تم النشر الأربعاء، ١٥ فبراير ٢٠٢٣
قد ما تقدري اشغلي وقتك بأشياء تعمليها او تتعلمي اشي و لا تقعدي كثير لحالك و ابدأي بالتدريج قللي عدد المرات الي بتشوفي فيها هاي المواقع لأنه مش سهل تتركيه فجأة لو صارلك فتره بتتفرجي على هاي الشغلات و بخصوص الصلاة حاولي ضلي على وضوء دايما و اول ما بتسمعي الأذان روحي صلي مباشرة طبعا بالبداية صعب تلتزمي بس حاولي و لا تياسي و بالتوفيق
تم النشر الأربعاء، ١٥ فبراير ٢٠٢٣
حاولي تشغلي وقتك اكتر متسبيش نفسك للفراغ
تم النشر الاثنين، ١٣ فبراير ٢٠٢٣
لو عرفتى تسيطري ع وقت فراغك وتتمسكى بالتسبيح هتبقى سهله اوى معاكى
تم النشر الخميس، ١٦ فبراير ٢٠٢٣
التوية
تم النشر الأربعاء، ١٥ فبراير ٢٠٢٣
هحاول حاضر
تم النشر الاثنين، ١٣ فبراير ٢٠٢٣
لعرض السؤال في فدني اضغط هنا