لو عندك صديق ما عرفت إنه مش ملتزم في الصلاة رغم علمه بأهميتها وعقاب تاركها ولكن ديما مبرره إنه بيسمع الأذان وهو في درس بيعمل حاجة، برا البيت مثلا، نايم وبعد ما الآذان بيخلص بينسى مش بيتكاسل مش بينكر هو بينسى بس.
تنصحة إزاي.
وكمان أخواتنا الشباب في سن المراهقة والتمرد أزاي نحببهم في الصلاة وننصحهم من غير ما نحسسهم إننا بنأمرهم..
مهتمة أسمع رأيكم جدا في الموضوع دا
اكيد ممكن الانسان ده مش عارف قيمه الصلاه او مش متعود عليها من صغره عشان لو متعود كان صلى او مثلا هو مش عارف قيمه الصلاه بالنسباله واكيد طبعا الحل انو لازم يحط ف دماغه قيمه الصلاه عشان يحبها ويحط هدف هو بيحبه ليه علاقه بالصلاه عشان لما يوصل للهدف ده يدرك ان الصلاه كانت اول سبب ف وصوله واكيد.لازم تشجيع وصحبه صالحه ونصيحه من الاهل والاهم يكون دايما بيروح المسجد عشان ده بيشجعو يصلي
تم النشر الأحد، ٢٦ مايو ٢٠٢٤
طب انا هجاوب من الواقع من الواقع اللي انا شفته. اللي انا شفته ان في اشخاص بعد ما بيكبروا في السن وبيلاقوا نفسهم مش ملتزمين في الصلاه يزعلوا قوي قوي قوي قوي قوي قوي ان ما كانش فيه حد بيزقهم على الصلاه وان ما كانش فيه حواليهم حد يعني ما بيزهقش من انه ينصحهم في موضوع الصلاه وان هم في مرحله المراهقه ما لقوش حد يقول لهم حتى بزعيقولهم لا ما ينفعش ما تسيبوش الصلاه يلا تعال صلي معي فعلا بعد ما الاشخاص دول بيكبروا بيلاقوا نفسهم كان نفسهم الاشخاص يعملوا معاهم كده رغم ان احنا بنبقى قاعدين في التوقيتات دي نفكر يا ترى نقولها لهم ازاي من غير ما نزعلهم. طيب يبقى كده يعني بشكل عملي نعمل ايه الشخص اللي بيكسل مخلينا احنا المتابعين له فلان سلام عليكم انت فين طب صليت الضهر لسه ما صليتوش نسيت صح طيب يلا يلا انا عايزاك تصلي وتكلمني او ترن علي اتاكد عليا انك صليت ولو انا موجود معه في المكان يلا بينا نقوم نصلي وابتسامه ومن غير ما نقعد نكرر الكلام عن انه الصلاه ضروري وعماد الدين لو هي لو هو كلام خلاص وصل له وهو فاهم الكلام ده يبقى احنا مش محتاجين نقوله تاني ما فيش داعي من تكرار المعلومات. ولكن احنا يعني ايه نغير في الافعال فاحنا؟ ناكد عليه يلا بينا نقوم نصلي لا انا مش هقوم اصلي من غيرك وافرش له المصليه بص انا فرشت لك المصليه وجهزت لك كل حاجه اهو يلا بينا يلا بينا طيب وهكذا.
تم النشر الجمعة، ٢٤ مايو ٢٠٢٤
امره بالحسني .مثلا يلا بينا نصلي وادعي له كثير واطلبب منه يكثر من الاستغفار او صلاة ع الرسول بالمنافسه مثلا من خلص اكار فيكن
تم النشر الاثنين، ٢٧ مايو ٢٠٢٤
من جهتي افهم إنه بعض الأوقات بتكون هناك ظروف تحول دون أداء الصلاة في وقتها، ولكن المهم هو النية والجدية في تحسين الوضع. لذا، يمكنك توجيه صديقك لتحديد وقت مخصص لأداء الصلاة، مثل تذكيره بوقت الصلاة مسبقًا والخروج من الدرس لأداءها بالوقت المناسب. أما بالنسبة لإخوتنا الشباب في سن المراهقة، يمكن أن تساعديهم على فهم أهمية الصلاة من خلال مشاركة قصص نجاح عن كيف تحسنت حياة الناس بعد أداء الصلاة بانتظام. بالإضافة إلى ذلك، يمكنك تحفيزهم بتقديم تحديات صغيرة لأداء صلاة معينة، مثلاً صلاة الفجر، والمراقبة لمدة أسبوع، ثم مناقشة النتائج بطريقة إيجابية. المهم في كل الحالات هو بث الحب والدعم وتعزيز الإيمان بطريقة مشجعة. ربنا يعينكم على الطريق الصحيح!
تم النشر الجمعة، ٢٤ مايو ٢٠٢٤
متمليش من النصيحة دايما ليه
تم النشر السبت، ٢٥ مايو ٢٠٢٤
اذا بيبرر افعاله يبقى النصيحة مش هاتنفع معاه لانه هايتجاهلها او يعمل بيها يومين و خلاص لذلك الحل هو التشجيع يعني فكري انك و انتي معدية تقوليله ما نيجي نسمع لنداء ربنا و نترك هم الدنيا و نروحله نكلمه و نتوددله سوا و تاخديه و تصلي حاولي تحببيه في الصلاة بالافعال و بعد الصلاة اقعدي اتكلمي عن اهميتها و قد ايه هي راحة نفسية و كذا هو حبة حبة هايحب الصلاة و ربنا يهدينا جميعا
تم النشر السبت، ٢٥ مايو ٢٠٢٤
لعرض السؤال في فدني اضغط هنا