انا و خطيبي حصل بينا سوء تفاهم و اتخانقنا و خناقة كبيرة في الموبايل برغم ان انا وهو روحنا في بعض و قالي في اخر المكالمة تعالي ناخد بريك من بعض و انا قفلت بس مهانش عليا ولا هان نفضل زعلانين فضلت ابعتله في رسايل و اتصل مش بيرد لحد تاني يوم اتكلمنا بس بالعافية قالي انا مشغول وبعدين اكلمك و فضل لآخر اليوم معرفش عنه حاجة و بعدها كلمته و اتخانقنا تاني لأن كان اسلوبه وحش جدا و مكنش عايزني احكيله حاجة و لا أكلمه في حاجة ويقولي مليش دعوة بحياتك انتي حرة و متشاركنيش بحاجة و بقي يكلمني بأسلوب وكأنه مش طايقني.. فضلت احايل فيه عشان الموضوع ميكبرش و اخر المكالمة جبت اخري روحت قيلاله تقبل اللي أنا فيه ده علي اخواتك راح قافل في وشي و بعتلي رسالة مش هينفع نكمل مع بعض و انا صعب عليا نفسي واتصدمت لاني بحبه اوي ومقدرتش اسيبه و لكن عملت غلط كبير .. اني اتصلت بيه و فضلت اوجعه بكلام صعب جدا و قاسي و أقوله مش هسامحك و ربنا ينتقم منك و هيتردلك و انت انسان صعب التعامل ووصلت حتي الموضوع لحد أهله قسما بالله عارفة اني غلط لكن بعد ما قفلت معاه فضلت اعيط و لقيته عامل بلوك فيس دخلتله واتس فضلت اعتذر عن طريقة كلامي و اللي قولته واني مقدرش اسيبه وبحبه و دوست علي كرامتي عشان نرجع لاني عارفة اني جيت عليه حتي لو هو اللي غلطان من الاول .. واحدة واحدة قالي لازم تتغيري ولو متغيرتيش مش هتلاقيني تاني و انا بحبك و عايز ابقي معاكي لكن صعب عليا كلامك ووجعتيني اوي و غلطي فيا انا اه بحبك لكن صعب عليا اتخطا كلامك بسهولة و اديني وقت اهدا وانا كنت بحاول أعلمك درس عشان متكرريش اللي عملتيه عمري ما كنت ناوي اسيبك لكن انتي جرحتيني بكلامك ده كلو .. و في وسط الكلام حاولت أراضيه و اتفقنا نتقابل بعد بكرا عشان عيد ميلادي و انا حاليا بدور ازاي أراضيه و نرجع احسن من الاول هو انسان كويس و كل الناس بتشكر فيه ودي اول خناقة بينا واه هو وافق منبعدش لكن موجوع مني اوي و مخنوق و وافق بالعافية اشوفه .. ازاي اقدر انسيه كلامي أو اعمل ايه يراضيه لما اشوفه عشان نتخطي اللي حصل ده كلو
ربنا يصلح الحال وترجعوا احسن من الاول لكن يا حبيبتي خليكي حنينه فى الكلام فعلا فى حجات الواحد مش بيحب يحكيها لاقرب الناس ليه يمكن مش عاوز يشيلك الهم أو يمكن يكون من النوع الي مش بيحب اصلا يحكى ولازم تحترمى ده عشان ميحسش انك بتقلي عليه بالنسبه لموضوع انك قولتيلو كلام جارح ف لازم تعالجي المشكله دى بجد لانك كده هتكونى بتجرحي فيه بعد اى خناقه وافتكرى أننا لما بندايق ونتعصب بنقعد مع نفسنا نهدا شويه مش نجرح فى إلي حوالينا انا معرفش التفاصيل ومش عاوزه اعرف اى حاجه لكن لو انتى هتفضلي تجرحي فيه ابعدى عنه لحد ما تعالجي مشاكلك
تم النشر السبت، ١٣ يوليو ٢٠٢٤
السلام عليكم. خليني اقول لك انه المواقف اللي بتحصل في الخطوبه. هي لو عرفنا نتعامل معاها حتى لو اتخانقنا حتى لو اختلفنا حتى لو شدينا لو عرفنا نتعامل مع المواقف دي. ده بياكد ان احنا ينفع نعيش مع بعض لكن لو لقينا ان احنا مش عارفين نتعامل مع المواقف ومجرد ان حصل الموقف خلاص كده حسينا ان الدنيا باظت يبقى ده معناه انه احنا صعب ان احنا نعرف نتعايش في الحياه لانه هي دي الحياه الطبيعيه احنا هنختلف هيطلب ان انا. افعال غلط فيها هنخرج عن شعورنا فممكن نتخطى الحدود مع اللي قدامنا واحنا بالنا فكل الحاجات دي بتبقى انذارات وبتفهمنا انه لا احنا لازم نكون واعيين اكثر من كده الاجابه على السؤال بتاعك بانك ازاي تنسيك ولكن محتاجه انك توريه في علاقتكم ان الدنيا ممكن تكون افضل حتى لو اختلفت وحتى لو صدر فعل مش كويس ومش ده لازم يكون بانه انت تتغيري انت لازم تنتبهي لنوعيه الاخطاء اللي ممكن تطلع منك وانت هتشتغلي على نفسك لنفسك قبل اي حاجه تاني لان انت مش من حقك حتى لو انت متضايقه او ااا زعلانه من موقف معين انك تجرحي اللي قدامك ده مش مش حقك ابدا ولازم انت تبقي شايفه الحدود دي واخده بالك منها وهترجعوا تاني تتعاملوا مع بعض واحده واحده مش لازم تفضلوا ترجعوا تبصوا على اللي حصل. لا ارجعوا اتعملوا الاعتذار خلاص انت اعتذرت عن اللي انت عملتيه لازم يعني كمان تعاملاتك يكون فيها قدر من الاحترام هو يشوف فيه انك بتعتذري بالافعال لكن مش كل شويه هتقعدي بقى انت لسه زعلان مني من اللي انا عملته لا خلاص وقفت الكلام ده لانه مش هيكون كويس. وطالما هو انسان يعني قال لك انه ده كان موقف تقيل عليه وهو يعبر عن ده احترمي ده وما تتكلميش في الموضوع كثير ولكن اظهري احترامي لي بشكل اكبر في الايام اللي جايه.
تم النشر الجمعة، ١٢ يوليو ٢٠٢٤
يا حبيبتي، أنا حاسة بوجعك وفهمت أكتر قدي إيه الوضع ده صعب عليكِ. لما يكون في علاقة بتحبيها أو شخص بيمثّل قيمة كبيرة ليكِ، بيبقى صعب إنك تشوفيه زعلان أو موجوع. عشان تتخطي الموقف ده وتصلحي ما أفسدتيه، هقولك شوية نصايح: الاعتذار من القلب : أول حاجة، لما تقابليه اعتذري له تاني بس من قلبك، خلي الكلام يطلع من جوة وبكل صراحة وحب. قولي له إنك فعلاً متندمة وإنك مفكرتيش كويس وقتها وإنك تجاوزتي الحدود. اسمعيه بتركيز : لما تتكلمي معاه، اسمعيه بتركيز وحافظي على هدوئك. خلي عندك استعداد تفهمي مشاعره حتى لو كان الكلام صعب. الهدايا الرمزية : جيبي له حاجة صغيرة تعبر عن حبك ليه، مش لازم يكون حاجة كبيرة أو مكلفة، يمكن وردة أو حاجة بتحبيها وبيعزها. فكري في الحاضر والمستقبل : حاولي تكوني إيجابية وابعتيله رسائل مشجعة عن المستقبل وعن الحاجات الكويسة اللي جايه في علاقتكم. خليه يحس إنك جدية في التغيير. حافظي على هدوئك : لو حصل نقاش، حافظي على هدوئك وما تزودي الوضع سوء. مشاعرك مهمة لكن برضو هدوءك مهم في الوقت ده. خذوا بريك مختصر : لو حسيتوا إنكم لسه مش قادرين تسيطروا على غضبكم، اختاروا تاخدوا بريك قصير كل واحد يشوف حاله فيه. ربنا يسهل الأمور وترجعوا لبعض، بس الأهم إنك تتعلمي من الموقف ده وتفهمي إزاي تتعاملي في المواقف الصعبة بعد كده. هو باين عليه إنه برضو بيحبك وعايزكم تبقوا مع بعض، وأكيد لو حس بإصرارك ورغبتك في التغيير هيرجع الأمور لأحسن حال. مع تمنياتي لكِ بالتوفيق والسعادة 💖.
تم النشر الجمعة، ١٢ يوليو ٢٠٢٤
بصي اولا محتاجه تفكري في أنه هل حقا هو بيتجاهلك زي ما بتقولي ولا انتي اللي كنتي مضايقه من اي موقف وبناء عليه اخد
تم النشر الجمعة، ١٢ يوليو ٢٠٢٤
مفيش شات هنا فالبرنامج ؟ انا لسه جديده ف مش عارفه وكدا
تم النشر الجمعة، ١٢ يوليو ٢٠٢٤
طب ازاي في رقم او يوزر او اي حاجة توصلني بيكي
تم النشر الجمعة، ١٢ يوليو ٢٠٢٤
اكيد يحببتي تواصلي عادي
تم النشر الجمعة، ١٢ يوليو ٢٠٢٤
هو انا ينفع اتواصل معاكي باي طريقة خاص ولا صعب
تم النشر الجمعة، ١٢ يوليو ٢٠٢٤
ومتتغيريش عشان حد ليه اغير كل حاجه كل الناس اللي بتحبني قبلاني بيها ومش بيشتكوا وليه اتشكل زي ما انت عاوز بصي انا معرفش طبيعة علاقتكم بس لو كان خير ربنا يقربه ولو شر ربنا يبعده
تم النشر الجمعة، ١٢ يوليو ٢٠٢٤
ليه تفكريه طيب بوفاة أخوه وكدا مش حاجه كويسه برضه .. وطالما صعب التعامل بالنسبالك ليه تمسكتي بيه طيب هتقوليلي عشان بتحبيه هقولك بتحبيه فتجلدي نفسك لا المفروض يبقا احن عليكي من نفسك انتي تستاهلي تتعاملي بشكل حلو وزي ما قولتلك فالرساله اللي فوق
تم النشر الجمعة، ١٢ يوليو ٢٠٢٤
انا كل كلامي ان قولتلك مش مسحماك و ربنا هيردهالك في اغلي حد عندك و انت صعب التعامل و دخلتله في حوار وفاة اخوه و فكرته بالجرح ده ف ماسك في الكلام ده
تم النشر الجمعة، ١٢ يوليو ٢٠٢٤
بصي انا معرفش انتي قولتيله اي بصراحه ف دي تخليني مثلا معرفش احكم اوي تتصرفي ازاي بس طريقته غلط وانتي مكانش المفروض تيجي علي كرامتك اتعودي اي علاقه متجيش علي كرامتك فيها لانه هياخد علي كدا وبعدين ضامن وجودك اوي يعني ضامن وجودك بشكل فظيع المفروض والله هو اتضايق كنت استنيتي وقتها ودخلتي قولتيله عادي جدا لو غلطت فحقك متزعلش انا مكنتش اقصد اكيد اني اضايقك بس انت مثلا يستي وليكن كلامه استفزك بس كلامك استفزني وضايقني اوي فكانت ردة فعل مني وتسكتي هتفضلي تبعتيله رسايل اكتر هيتهرب ومش هيرد لانه لو شاف اول رساله ومردش هيشوف الباقي ومش هيرد ف كنتي بس تبعتي رساله وتشوفي بقا هو وقت مهيهدي هيرد عليكي لكن هتضغطي علي دماغه ولا الهوا وهيحب الموضوع اكتر وهيتمادي فيها متعوديهوش علي كدا ومتخليهوش يبقا ضامنك لان هيعمل الحركه دي مره واتنين وانتي اللي هتخلصي طاقتك وتستهلكي وتقولي اصلي بحبه فهاجي علي كرامته لا لا متحبيش حد اكتر من نفسك ومتسمحيش لحد يتعامل معاكي بجفاء او طريقه متعجبكيش لانه هيفضل يعملها معاكي مره واتنين وتلاته ومحدش هيطلع خسران غيرك بلاش يحببتي والله عشان نفسك بس تتعلقي بحد أوي حتي لو بتحبيه اوي انتي ليكي حدود شخصيه لا يمكن يتخطاها
تم النشر الجمعة، ١٢ يوليو ٢٠٢٤
لعرض السؤال في فدني اضغط هنا