انا مخنوقه جامد ومش عارفه اتكلم مع مين حقيقي بس انا عندي مامتي حرفيا مش بتفهم كل همها كلام الناس وانا أولع عادي والموضوع دا من زمان انا حتي حاولت انتحر 3 مرات قبل كدا واخدت سم ومحصلش حاجه ودلوقتي انا ثانويه عامه وهي قرفاني حقيقي انا كل ما بصلي بقول يارب يجيلي كانسر واموت كنت ساعات اقوم بليل الفجر وادعي بكدا ودلوقتي عايزه أنتحر بس انا بخاف جدا من السكينه.وبفكر اهرب من البيت بس مش عارفه اروح فين انا.❤️🩹
ثانيه واحدة هو انتى بتصلى لمين الفجر وبتدعى مين ؟ ربنا .. ربنا الى خلقك واداكى نفسك امانة عندك وحرم عليكى الانتحار والى يعتبر من الكبائر !!… هيستجيبلك مثلا ؟ … وخايفة من السكينة ومش خايفة من ربنا ؟ .. موتى نفسك وانتحارتى هتقولى اى وقت السؤال ! يارب انا انتحرت عشان موقف ضايقنى وكنت بدعيك بكذا وكذا قبل ما اموت نفسي …! انتى مدركة الموضوع ماشي ازاى ! متخيلة حضرتك بعدين هيكتبلك الجنه وان رحمته واسعة ومش مشكله لو انتحرت واستسمحت … الله يفعل ما يشاء ويحاسب كيف ما شاء وليس لنا حكم على حكم الله .. لكن دا شيطان بيضحك على عقلك ! فوقى .. شيطان عاوز يوقعك ف الغلط ويعيشك السناريو دا ف دماغك .. انتحرى وربنا غفور رحيم .. اهو بنييم بيها عقلنا بالكلمتين دول .. لا حول ولا قوة الا بالله
تم النشر الجمعة، ٢٠ ديسمبر ٢٠٢٤
طيب انا عيزاكي تهدي الأول كده انا متفهمه المرحله العمريه اللي بتمري بيها. وعارفه انك في وقت انجراف مشاعر بشكل كبير اوي. عايزين كده نتكلم في حاجتين اولا هل في اي حد في بيتك يقدر يساعدنا ف التعامل مع ماما. طيب لو مفيش حد ازاي اخلي العيش مع ماما في صالحي. يعني ماما بتزعق ليه او عايزه كلام الناس في ايه. ممكن اياكان اللي بتعمله تقوليلها حاضر وتقللي معاها مشاكل. طيب عندك صاحبه تقدري تفرغي معاها غضبك ده؟. ومعلش انا عيزاكي كمان تعذري ماما وسنها وخلفيتها عن التربيه. ثانيا ممكن تدي لنفسك فرصه تعيشي ياحبيبتي وبصي كده ع فكره انك لسه صغيره ومعاكي الحمدلله وقت وصحه وفي بيت وكمان بتتعلمي غيرك فعليا يتمنى اي حاجه منهم أصغر او أكبر. يبقى نتقرب من ربنا ونحمده ع نعمه صحتنا مش انها تزول او انك تنتحري وتضيعي حياتك اللي ممكن تكون حلوه اوي❤️. اهلينا بيبقوا تحدي لينا في الدنيا واحنا مطالبين نبرهم.انا متفهمه انك عايزه نتنحري غضب من حياتك بس كل ماخلاص تحسي بكده تقومي تصلي وتقولي يارب لا ملجأ ولا منجا منك الا ليك وتدعي ييسر حياتك عليكي وتجيبي مجموع حلو كده وتدرسي حاجه تحبيها وقبل ده كله يهدي ماما ليكي ويوفق بينكوا❤️. حبيبتي لو هربتي محدش هيرحمك والدنيا أكبر بكتير اوي من منظور الغضب عندك دلوقت.اشكري ربنا من قلبك ان في حد بيراعي حتى لو هو مش متفهم تصرفاتك . ممكن تدوري كمان ع نشاط بتحبيه من البيت ممكن ترسمي تعملي رياضه ف اوضتك لو ماما مش هتخرجك.ممكن تعملي ورد صغير تتعلمي فيه عن لطف ربنا يوتيوب او تقري انتي. هاتيلك ورده ارعيها. فكري تخلي حياتك أجمل ازاي غضبك هيقل وهتعرفي ان الحياه ابسط من كده. واحنا كلنا هنا جنبك.
تم النشر السبت، ٢١ ديسمبر ٢٠٢٤
مبدأيا كده انا مقدر اللى بتمري بيه وعارف شعورك وإحساسك كويس بس خلينا نتكلم بعقلانية وبمنطق اولا مهما حصل مامتك دى تعتبر باب من أبواب الجنة ولو نفرض انها شديدة معاكى أو ضدك مثلا فالمفروض تصبري واعرفى إن مفيش حد بيختار أمه وأبوه فحاولي تتقبلى الوضع وتتعاشي حتى ياتى فرج ربنا ثانيا حياتك أو روحك مش ملكك دى ملك ربنا وحده فبلاش تحاولي تتخلصي منها بسهولة كده لانك هتتحسابي عن ده فى الآخرة وخلى أملك وثقتك في ربنا كبيرة واعرفى أنه مهما حصل فدى دنيا ومش حياتنا الأبدية الحياة الحقيقية في الآخرة بس احنا كلنا ضيوف هنا ومفيش حاجه نملكها ابدا كل حاجه بأمر ربنا وملك لله وحده ثالثاً عايزك تقرأى سورة البقرة وتصلى وتقربي اكتر من ربنا وصدقينى هترتاحي وهتعرفى ان كل حاجه بتحصلك خير مهما كانت
تم النشر السبت، ٢١ ديسمبر ٢٠٢٤
أختي العزيزة، أولًا، أريدك أن تعرفي أنه ليس من السهل أن تشعري بما تشعرين به، وأنت لست وحدك في هذه المشاعر. من المهم أن تتحدثي عن ما تمرين به، حتى لو لم يستطع أحد من حولك فهمك بشكل كامل. أفهم أنك تواجهين صعوبات في التعامل مع مشاعر الضغط والاكتئاب، وهذا أمر طبيعي في ظل الظروف التي تعيشينها. من المهم أن تلتفتي لنفسك وصحتك النفسية. فكرة الانتحار ليست الحل، وما تفكرين فيه الآن يعتمد على مواقف مؤقتة يمكن التغلب عليها. وفي كثير من الأحيان، يمكن أن نتحدث مع شخص موثوق أو متخصص للحصول على مساعدة ودعم حقيقي. حاولي البحث عن شخص ثقة غير والدتك، مثل معلم أو مستشار نفسي في مدرستك أو حتى صديقة قريبة. يمكنهم أن يقدمو لك الدعم الذي تحتاجينه. بالنسبة لفكرة الهروب، أعتقد أنه يجب أن تفكري في الأمان أولًا، والهروب قد يزيد من تعقيد الوضع. تأكدي من أنك في مكان آمن، وفكري في خطوات دعم نفسك. صلى الله عليك، ودعواتك تعكس قوة إيمانك. لا تترددي في السعي للحصول على المساعدة. أنت تستحقين حياة مليئة بالسعادة والأمل.
تم النشر الجمعة، ٢٠ ديسمبر ٢٠٢٤
حياتك فيها خلل ! بدل ماتكلمى ربنا وتدعى ع نفسك .. صلى وادعى إنه يغيرلك الحال واستغيثى برحمته .. فين ايمانك ؟ اي فايدة الايمان لو مافيش قوة تحمل وقت الابتلاء ! مؤمنين ع الفاضى احنا ولا لازم نتحط فى مواقف صعبة ونستعين بالله عشان يقربنا منه ونعرف نعديهااا .. فوقى لنفسك يابنتى ربنا يهديكى ويهديناا
تم النشر الجمعة، ٢٠ ديسمبر ٢٠٢٤
أو كلمي أهلك عموما يحلولك مشكلتك واصبري وكما قال رسول الله صلى الله عليه وسلم وفي سنن الترمذي من حديث أبي هريرة أن رسول الله صلى الله عليه وسلم قال: من خاف أدلج، ومن أدلج بلغ المنزل، ألا إن سلعة الله غالية، ألا إن سلعة الله الجنة.
تم النشر الأربعاء، ٢٥ ديسمبر ٢٠٢٤
يعني ادعي لنفسك و لأمك بالهدايه دا لمصلحتك وحاولي تكثفي من قراءه القران الكريم ولو في أخ أو أخت كبيره قوللهم مشكلتك و متفكرش في الانتحار ابدا وفي الحديث: «عن أبي هريرة قال: قال رسول الله ﷺ: "من قتل نفسه بحديدة؛ فحديدته في يده يتوجأ بها في بطنه في نار جهنم خالدا مخلدا فيها أبدا، ومن شرب سما فقتل نفسه؛ فهو يتحساه في نار جهنم خالدا مخلدا فيها أبدا، ومن تردى من جبل فقتل نفسه؛ فهو يتردى في نار جهنم خالدا مخلدا فيها أبدا
تم النشر الأربعاء، ٢٥ ديسمبر ٢٠٢٤
https://www.fedni.net/q/37734928
تم النشر الجمعة، ٢٠ ديسمبر ٢٠٢٤
لعرض السؤال في فدني اضغط هنا