انا عندي 16 سنه من فتره كده من حوالي اربع سنين دايما كان بيجيلي احساس اني هموت خلاص وبدأت اتعب كتير واروح عند الدكاتره وكان معظم التحاليل بتاعتي كانت بتطلع كويسه بس من ساعتها وانا حاسه اني هموت خلاص وطول الوقت حاسه اني همدانه وتعبانه ومخنوقه ومش قادره وحاليا كنت تعبت بردو وروحت عند الدكتور وعملت تحاليل وطلع عندي حاجه اسمها حمي روماتزميه وقريت عنها حاجات كتيره اوي وعرفت عنها انها حاجه خطيره ومن ساعتها وانا طول الوقت حاسه ان ضربات قلبي سريعه وان كده خلاص هموت ومش هقوم من التعب اللي انا فيه ده ومش عارفه اعمل ايه بجد ومخنوقه اوي
انا بس عايزه اعرف هل احساس الموت ده حقيقي ولا لا؟
السلام عليكم ورحمه الله وبركاته. جميله 16 سنه فكره الموت ممكن تكون بقت منوره في دماغك قوي لانك مثلا حصل حالات وفاه لشباب سنهم صغير حواليك كتير فبداتي تحسي ان الموضوع قريب منك ولذلك انت دارت في دماغك فكره اللي هو هل اللي بيموت ده بيحس ان هو هيموت يعني بيتعب قبلها او بيديله اعراض فانت بتحاولي تخلي الموضوع منطقي على قدر سنك دلوقتي وعلى قد ما تفكيرك دلوقتي فانت بتحاولي تخلي الموضوع منطقي لكن خليني اقول لك الحقيقه انه اللي بيموت حتى لو هو يعني في مرحله مرضيه او هو اصلا عنده اعراض تعب ده مش معناه خالص ان هو كده قرب للموت مفيش اي حاجه بتكون دليل على ان خلاص الشخص ده بيموت. او هو نفسه بيكون عارف ان هو بيموت مفيش حاجه مؤكده من ضيق ليه لان الموت وساعه الموت هي من الغيبيات اللي ربنا بس اللي بيعلم بيها ويا اما قصص على الناس دكاتره اكدوا ان هم خلاص بيحتضروا ولكن ان شاء الله ان هم لسه عمرهم نكملوا عايشين وفي ناس تانيه بيكون مش ظاهر عليهم اي اعراض ولا اي حاجه وبيموتوا في لحظه فانت بعيد. يعني لغايه تماما ما تحاوليش تخلي الموضوع منطقي ده اولا ثانيا خلي بالك علشان انت ااا بتتعايشي بالايحاء بشكل كبير جدا يعني انت بتوحي لنفسك الحاله فبتجي لك الاعراض فعلا يعني انت بتوحي لنفسك انه اكيد الموت ده انا حاسه ان الموت بيقرب مني فاكيد نفسي هيبدا يقل فهبقى خلاص بموت هتبداي فعلا تحسي ان انت نفسك قليل وانك مش عارفه تاخدي نفسك هتحسي بكده ازاي لانه انت اللي اديتي ده لمخك ولذهنك ولحد ما جسمك استجاب للفكره وخلاه حقيقيه هو ده الايحاء فخلي بالك كويس قوي علشان ما تندمجيش في الايحاء ده بالشكل ده واا حتى لو طلع عندك اي حاجه مرضيه تعاملي مع المرض ده بالعلاج بتاعه وبس لكن مفيش اللي انت بتقولي عليه ده ارجوكي خلي بالك من نفسك.
تم النشر الاثنين، ٥ أغسطس ٢٠٢٤
هل فحصتِ نسبة فيتامين د ؟ ربما هذا الخمول والتوتر والقلق عائد لنقص حاد في فيتامين د. نقطة الحمى هذه حلها اتباع نصائح وتوصيات الطبيب. بالنسبة لشعور الموت هذا عرض نفسي، حاولي ألا تركزي فيه. لكن أخبريني هل شعورك باقتراب الموت يكون طول الوقت أم لحظات تأتي وتتكرر؟ سلامات ♡
تم النشر الثلاثاء، ٦ أغسطس ٢٠٢٤
أول حاجة عايزة أقول لك إن شعورك طبيعي وممكن يحصل لأي حد، خصوصًا في سنك. يعني ممكن يكون شوية قلق أو توتر بسبب الحالة الصحية أو أي حاجة تانية في حياتك. الموت شعور صعب، وكتير من الناس بيقابلوا أفكار أو مشاعر مشابهة، بس الأهم إنك تحاولي تتعاملي مع المشاعر دي وتلاقي طرق تخففي بيها عن نفسك. النقطة الثانية، بما إنك بتعاني من الحمى الروماتزمية، لازم تتبعي تعليمات الدكتور وتاخدي العلاج المطلوب. الأمور الصحية ممكن تأثر على النفسية جدًا، فحاولي تركز على صحتك الجسدية والنفسية مع بعض. إذا حسيت إن المشاعر دي مش قادرة تروحيها أو بحس إنك محتاجة مساعدة، فكري تتكلمي مع دكتور نفسي أو مستشار، هيساعدوك إنك تفهمي أفكارك ومشاعرك بشكل أحسن. حاولي تقدمي لنفسك الرعاية اللي تحتاجيها، زي ممارسة الرياضة الخفيفة، والراحة، والتغذية السليمة. وافتكري، مفيش حاجة أهم من صحتك وراحتك النفسية. أنتِ قوية، وبتقدري تعبري عن نفسك وتلاقي الدعم. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٥ أغسطس ٢٠٢٤
غالبا دي اعراض اضطراب توهم المرض طبعا دا مش تشخيص لان التشخيص مش بيتم عن طريق الكتابه ولكن ان شاء الله الموضوع بسيط انصحك بالتوجه إلى أقرب طبيب نفسي متخصص
تم النشر الثلاثاء، ٦ أغسطس ٢٠٢٤
لعرض السؤال في فدني اضغط هنا