انا كنت مرتبطه بقالي سنتين ونص كده بشخص علطول مهتم اني اكلمو وبس وكان علطول مفيش ثقه وكان ليا صاحبه قدي ليها توأمها ولد ف احنا علطول مع بعض تمام عشان كنا مع بعض ف الدروس وكل حاجه غير ان هما جيرانا ف هو كان بيغير اوي من توأم صحبتي وعلطول بيقولي انتي بتقابليه وانا لأ وان هو عادي وانا حرام ومش عارفه ايه بس انا مكنتش بقابلو اصلا انا كنت بروح مع صحبتي الدروس هي واخوها لان هو معانا في الدروس ف طبيعي اني اشوفو المهم اني اخويا عرف بعلاقتنا انا وهو وكان الايام دي كان عليا ضغط من اهلي ومنو هو عشان اكلمو وهو مكنش مقدر اني اخواتي عرفو وان كده عندي مشكله المهم ان في واحد معايا في المدرسه كان معجب بيا انا وكلمني كذا يوم وارتبطنا للاسف انا عارفه اني عملت غلط كبير اوي اوي بس بجد انا مش عارفه انا عملت كده ازاي وروحت قولت للشخص الاول اني ارتبط وسيبتو تمام وسيبت كمان التاني وبعد كده عدي سنه واتكلمنا تاني (ده الشخص الاول اللي خنتو) وفعلا اتكلمنا وكنا شبه رجعنا واتقابلنا خمس مرات وبجد انا بحبه اوى حرفيا انا مش عارفه ازاي عملت كده المهم انو هو قالي ان هو سامحني والمفروض خلاص كده بعد كده قالي ان هو في تالته ثانوي ومحتاج يذاكر ومش عارفه ايه وان هو هيقفل تلفونه وكده عدي 3 شهور ولقيت بالصدفه بنت عندو عامله ماتشينج مع صوره اكونت بتاعو القديم ف دخلت سألتو مين دي قالي واحده قريبتي قولتلو هي عامله ماتشينج معاك ليه ف الاكونت بتاعك القيم قالي عادي وبعد كده قالي باي وقفل تاني يوم قولتلو مين دي قالي مرتبط بيها 💔 قولتلو كنت متوقعه اصلا ف عادي وقفلت وعملتلو بلوك من كل حته طبعا انا لحد دلوقتي بحبو وبعشقو وبدعي كل ليله يكون من نصيبي بجدد
بس ليا سؤال واحد ليه كده؟
ده انا كنت بغير نفسي عشانك وبحاول البس لبس طويل و قطعت علاقتي ومع صحبتي اللي ليها توأم ولدد عشانو وكنت خلاص هقول لامي عليه 💔💔💔
انا مش عارفه اعمل ايه طبعا كلكو هتقولو عليا اني انا اللي غلطانه واني انا اللي خنتو الاول بس غصب عني انا بجد تعبت بجد وروحت المستشفي عشان اغمي عليا هل انساه واعمل موف اون ولا احاول
طيب هو الموضوع اساسا عامل زي الشد والجذب كده .. يعني انتي ولا بتحبي الاول ولا التاني... لان الموضوع له اسبابه طبعا الكتير .. اول سبب يا جميل انك اصلا روحتى ترتطبي بواحد وانتي عارفه حد اصلا، ف ازاي يبقى بتحبيه؟ مينفعش تحبي اتنين على بعض .. طيب السؤال هنا اللي بتساليه لنفسك وبتقولي لا ازاي ده انا اللي فيه دلوقت اسمه ايه؟ الانسان لما بتبقى في ايده الحاجه وتروح لغيره بيبقى عايزاها اكتر ما كانت في ايده. ومش بيبقى حب على قد ما بيبقى غيرة، او احساس بانك كنتي الضحية .. وهكذا. والشخص اللي كان معاكي الاولاني ده كان باين اوي انه هيعرف حد تاني عليكي .. يعني تقدري تقولي بياخد بحقه منك، اذا مكانش اصلا عارفها من بدري. تاني حاجه كل ده بقى خارج نطاق ومسمى (الحب) يعني ايه؟ يعني الحب مش كلمتين حلوين ولا اهتمام وكلام معسول يتقال .. ده (حب مراهقة) مجرد اعجاب ما بين اي طرفين .. مشاعر عابرة .. ولكن طبعا في السن الصغير ده اي حاجه بتقلبوها حب .. اي احساس اسمه حب. والعقل قادر انه يعمل كده طالما انتي اقنعتي نفسك بكده. تانش شئ .. كل ده اساسا حرام في حرام، دينيا بقى وشرعا كل ده اساسا لا يجوز. ولا صداقة ما بين بنت وولد ولا حب في السر .. اللي عايز حد بيجي من البيت، وطالما هو شايف نفسه عيل وبيصاحب بنات من بره بره، يبقى ده مش راجل اصلا. اللي عارف حدوده مش بيتخطاها .. وانتي كمان لازم تعملي حدودك، مش اي حد يقولك بحبك تقولي له وانا كمان!! مش اي حد يقولي يلا نرتبط تقولي يلا ..! فينك انتي من ده كله؟؟ انتي غالية ف ليه ترخصي نفسك؟ سؤالك بقى هل ترجعي له ولا تموفي اون .. انا طبعا هسيب ليكي الاجابة ..!
تم النشر الثلاثاء، ٢٨ نوفمبر ٢٠٢٣
لا انت موووف أون ولا رجعه لأى منهما أو منهم ..شرطه كبيرة ومن اول السطر بدايه على نضافه اتعلم من اللى فات واحذر من اللى كل جى ..بدل ما يفضلوا يرجعولك عشان ينتقموا منك ويسبوكى متحسرة وزعلانه زى ما عملتى فيهم ...موووف اون علطول واقرب جيم ليا ورياضه وزومبا هتنسيكى اهلك ..واوعى تنسي نصيحتى ..وادعيلى وادعى لنفسك ربنا يرزقك بالاحسن إن شاء الله
تم النشر الثلاثاء، ٢٨ نوفمبر ٢٠٢٣
اختي ما بُنيَ علي باطل فهو باطل انتي اخترتي طريق غلط من الاول فا نتيجه لدا النهايه هتبقي غلط ومش حلوه انتي عرفه انو علاقتك بيه اصلا من الاول مؤذيه دا زائد انها غلط وهو عمل فيكي زي ماعملتي فيه فهو غلط وانتي غلط عشان انتي بنية الطريق من الاول غلط اما لو كنتي مشيتي طريق صح كنتي تفاديتي كل دا ما علينا انتي الحمد لله مخسرتيش اي حاجه ذات اهميه ارمي كل الغلط دا وابدئي من جديد ركزي في حياتك ومستقبلك ما تتغيريش لمجرد انو حد بيزعم انو "بيحبك" وتلبسي وتعملي الي يقولك عليه فين شخصيتك انتي فين الصح الي المفروض يتعمل اقعدي مع نفسك راجعي الي حصل وتوبي عن الماضي وابدئي بشخص جديد اتعلم من كل الي فات وربنا يوفقك .
تم النشر الثلاثاء، ٢٨ نوفمبر ٢٠٢٣
لعرض السؤال في فدني اضغط هنا